啤梨播自己歌尷尬無奈

太陽報　　　2002年9月6日

啤梨播自己歌尷尬無奈

電台節目主持人葉文輝（啤梨）突然跑去出唱片當歌手，還踩過界，走到友台接受訪問。因為身分特殊，他曾擔心得要命，害怕公司不喜歡他身兼多職，又擔心遭其他電台封殺。幸好最終證明，一切只是他過分憂慮而已！

葉文輝（啤梨），是一位DJ，最近卻多了一重身分，成為正東旗下的新人。為宣傳新歌及唱片，啤梨數月來不停接受各大傳媒訪問。除報章雜誌外，他還踩過界，走到友台（商台及港台）擔任節目嘉賓。令他既尷尬又為難！

擔心遭友台封殺

「我係新城人，點可以走去隔離台架？好尷尬喎，點得呀！」以上都是啤梨的心聲，他回想起這些問題時，仍戰戰兢兢地說：「最初真係好擔心！擔心其他電台會封殺我，唔播我既歌，又擔心公司唔批准我去隔籬台接受訪問。好彩大家都以歌手身分去處理我既問題！友台有播我D歌，仲有幾好既播放率。上次我去港台做訪問，之前有同新城傾過，問去唔去得，公司話只要我以歌手身分接受訪問，就唔會有衝突，佢地都唔介意。聽完果刻，真係鬆左一口氣！」

雖說宣傳上沒有衝突，但啤梨每晚開咪卻遇上不少尷尬情況。他說：「有唔少聽眾點播我既歌，我通常都會接受聽眾既要求，但係要點我既歌就真係要考慮O下！我唔想成日播自己既歌，不過有時真係避唔開，你唔肯同一個播，第二個又會提出同樣既要求！」記者在訪問當晚收聽了啤梨的節目，真的有不少聽眾點播他的新歌《I Believe》。為了不予人Hard Sell的感覺，啤梨尷尬地說：「好呀！不過等我睇O下下一位聽眾係咪都想聽先！」隨即匆匆掛線。但其後的聽眾也提出同樣要求時，他還是順從了！

新城電台最近出了幾位偶像DJ，他們每日放工離開電台時，都有一大班Fans跟隨左右，啤梨便是其中一個！「我有試過扮嬲，叫佢地走，唔好再等，點知佢地過左幾日又再等過！」啤梨說時非常無奈，因為在凌晨二時許才放工的他，實在擔心Fans因夜歸而出意外。雖然這班只有十多歲的女孩令啤梨十分擔心，但她們有時亦會感動了他。啤梨續說：「有個婆婆，我每次出席活動都會見到佢，其實佢年紀都唔細啦，所以我一見到佢就會走埋去同佢傾幾句，唔想佢俾人迫親呀！（佢會同你講乜？）冇乜特別，佢會讚我乖仔囉！見到佢地我會好開心！」

堅持入演藝學跳舞

幾經辛苦才說服雙親讓自己修讀演藝學院的舞蹈課程，但啤梨畢業後卻沒有學以致用，反而成為DJ界一分子。啤梨說：「有冇睇過電影《跳出我天地》？男主角好想跳芭蕾舞，但家人強烈反對，我睇既時候好感動，覺得好似睇番自己寫照咁！」

當年啤梨中七畢業後，死也不肯升讀大學，還向家人提出兩個選擇。「我當時同佢地講，一係畀我去演藝學跳舞，一係就畀我出黎做野。」雖然啤梨最終沒有選擇與跳舞有關的職業。他至今也沒有後悔，還說：「香港既舞蹈圈子太細，來來去去只得一兩個團，冇乜發展機會。（唔覺可惜？）唔會，我知將來一定有機會用到以前學過既野。我希望大家知道我係識得唱歌，等大家接受左先，我至會有跳舞歌！」