。。。my 屋企人 family。。。

老豆。

媽咪。

                  我既屋企有爸爸。媽媽。同 一個大我六年既哥哥。

我地一家人住嚮黃埔花園既一個小單位。屋企唔係好有錢。但都叫做中規中舉咁

。有飯食。有衫著。雖然有時候難免會發生d爭執。但始終都係一家人。諗深一

層。大家之所以做到一家人。都係緣份。係前世積落黎既福氣。係上天既恩賜。

能夠齊齊整整咁生活左咁多年。無謂因為小小事就家嘈屋閉啦。都慶幸。我可以

出生嚮呢個家庭入面。起碼冇人地電視果d家庭破碎。骨肉相殘先。哈哈。

成日覺得自己好靚仔既白痴。

我兄長 KEVIN LIU 先生。

- - - - - - - - - - - - - - - - - - - - - - - - - - - - - - - - - - - - - - - -

呢兩個呢。就係我既爺爺嫲嫲。佢地都係

上等人。同佢地食飯梗係要著得裝重d 啦

。哈。我阿爺係一個好叻既人。生前嚮電

影界好有成就。雖然好多時都好嚴肅。但

始終都係好人。仲教我好多做人既道理。

- - - - - - - - - - - - - - - - - - - - - - - - - - - - - - - - - - - - - - - -

   嚮我daddy果邊。仲有伯父。姑媽。姑姐。阿叔。五兄弟姐妹。我阿爸排中間。

另外仲有表哥Michael。堂哥Peter。堂姐Annie。同好型好靚仔既表弟Andrew。

呢個係我既四姨。又係好錫我架。雖然有時候

   好惡。但始終都係為我好。大家覺唔覺得。

  我地好似樣呢???

呢個係由細湊到我大既人。我地都叫佢

董姥姥。佢係我婆婆既陪嫁妹。雖然係

咁。但我都當佢係我親人架喇。

    嚮我mummy果邊。仲有二姨。三舅父。五姨 [ 過左身 ]。六舅父。我阿媽最大。

另外仲有一個表姐。

佢地係我既公公婆婆。佢地一家都係住廣州既。但依家已經過左身lu。不過佢地

真係好錫我架。所以佢地既葬禮。係我最傷心既時刻。我好後悔自己細細個成

日激佢地。要婆婆病住都帶我去玩。又成日發脾氣。但佢地真係全世界最錫我

既人。一知我鍾意d咩。就算幾窮都會買俾我。好可惜。我趕唔切嚮佢地有生之

年報答佢地。賺錢俾佢地享清福。唉。我會永遠掛念佢地。

- - - - - - - - - - - - - - - - - - - - - - - - - - - - - - - - - - - - - - - -

    呢班就係我嚮美國三藩市既親戚。雖然佢地嚮美國。見面機會唔多。但

佢地全部都好好人架。有三叔公。三叔婆。啓雄叔。Margaret姨。三叔公

三叔婆都黎過香港幾次架。都有探我地。哈哈。