Sept 8

 尋晚去左打拳, 一直都冇乜心機.. 原因為自己仲嬲緊敎練話我打得差, 但係又唔教番我打好d... 真係好唔開心... 覺得佢放棄左我.... 再加埋我lee排無論在家, 公司還是返學都覺得被遺棄左... 令我更加更加灰...

 打到一半, 開始同d師兄呻, 但係我又唔想就咁講俾佢地知... 唔係咁好... 所以只係收埋左... 但我真係再撐唔住啦...  之後有一d師兄走埋黎問我做乜, 敎練又問我做乜... 唔識答... 唔答... 結果旁邊只企左一位健師兄... 唔該哂...!

 其實我真係唔鐘意喺咁多人變前咁樣, 好似好失禮, 但係我又覺得冇乜問題... 我只係用自己既方法去發洩啫... 冇話岩唔岩的...  係核突d啫...

 因為師姐生日, 所以同左d教練同師兄食飯... 我係因為佢地唔開心, 但係我都想睇下會有咩聽, 起碼我知道我既心情一定會因為lee一餐飯而平伏的!! 我真係好肯定....

 結果我是正確的...!

 lee一餐飯真係令我感受好深... 首先要多謝健師兄, 咩都唔知都可以同我講咁多安慰既說話... 仲有耀師兄, 在去緊"明星"的途中同我傾偈.. 令我心情好番好多好多... 雖然未去到開心... 但我最少已經俾你點通左少少...

之後食埋飯, 輝敎練同我地講既野我覺得好似講緊俾我聽咁... 我好俾心機去聽, 去諗... 然後就"叮"一聲咁醒左... 忽然間又覺得好多野都已經唔係問題啦! 因為各大師兄都曾經有我依家lee種感覺... 只係佢地已經過哂咋!!!!

而教練講得岩, 打拳係好打擊自信的... 我黎lee度唔多唔少都係因為要鍛鍊自己lee一樣既啫....  

 食完飯己經兩點九, 臨走時教練終於出口問我做乜... 我本來在練拳時冇埋佢, 但食完飯佢問我, 我就好坦承咁同佢講我發生咩事... 佢冇話我d乜, 仲不停咁話俾我知個原因, 我明白架啦!!!! 唔好意思呀... 我都唔想喺你地面前咁唔開心的... 希望我以後都唔會咁啦...!

 唔該哂咁多位師兄... 我會繼續努力的~!