Ailie 2006 Jun 日本東京之旅
15 June
很睏......今朝6 am 起身去機場搭 10:30 JAL JL730班機,
同男友去日本~~~
今次坐上層!!我初初以為上層係頭等，原來都係economy class....||||
(妄想被upgrade 去business class ...)
飛機餐 menu:
salad
冷盤: 米粉
咖哩牛肉飯
紫米糕
丹麥酥
味道......................|||||||||||||||||||||
2:45 pm landed @ 成田機場
我地搭JR (其實日本ｄ鐵路實在太多，我都分唔到係JR 定叫什麼名)返新宿
大家可以睇睇日本ｄ鐵路有幾複雜...呢張已經係簡單version...
6pm @ 新宿
等左好耐車，坐左好耐車，終於返到新宿
不過落雨呀，我地一手拎住傘，一手拎住行李由新宿站行去酒店，
真係幾狼狽....我地到左酒店先發覺....我地兜左個大圈，其實行５mins 就到
我地呢幾晚住既酒店: Century Southern Tower, lobby 係20/F, 最高35, 係東京小有既咁高酒店
可以望哂成個新宿
lobby
之後夜晚我地行左陣新宿，就返酒店食dinner: steak!!!
係咁高望住個夜景食dinner~
好味~
最後個餐有野飲，問我地tea or coffee.
我地話tea la
點知我拎左一個好靚既盒，上面放左10 幾種 茶 問我地要邊隻 *0*
tea 都有得chose...
16 June
係酒店食完早餐，我地開始我地真正既行程
宮崎俊博品館~
入面show 左好多宮崎俊動畫既製作，公仔，放映室
可惜唔可以影相
仲有一隻 1 比1 既猫包士!!!! ｄ小朋友可以坐係入面！！！
可惜我已經老......唔玩得 >.<
entry
一比一天空之城既大機械人
之後返新宿
我終於都買左我人生既第一個burberry !! 係日本買真係平香港好多!!!
lunch~ 我地去左全東京最多分店＋專食蟹既地方~
真係超超超好味~~~
menu 包拾:
蟹沙律
蟹刺生
蟹天婦羅
炭燒蟹腳....................
等等好多好多........................................
食呢餐都食左2 hours! 不可不提甜品: 係一個又甜又超多汁既蜜瓜!!!
相信係Sogo 幾百蚊個個D 蜜瓜!!
另外我個餐既甜品係綠茶雪糕
佢真係係我面前磨綠茶之後倒落雲呢拿雪糕到! 就算好飽都忍唔住食哂佢!!
之後我地去左銀座同秋葉原
今次係我第一次去秋葉原（因為跟團係唔會帶你去秋葉原），
原來真係同電車男ｄ景一樣ga~ (白痴.....人地真係秋葉原拍ga ma...)
見到著傭人裝既女仔派傳單，不過ｄ御宅族其實都唔係十分十分地薯,
唔係個個都係電車男樣 ^^|||
是日Dinner 係新宿站南出口的咖哩飯! 好味!!!
17 June
Tokyo Disneyland!!! 本來打算星期一先去，但係天氣報告話落雨，
所以改左今日星期六去
好好好好好多人!!!!!!!!!! 就算買野飲都要排 20 mins 隊,
get fast pass 都要排 30 mins (唔係玩，只係get fast pass!)
玩一ｄ hit 既game 要排 120 mins.......爆!
所以我地玩既野唔多，都無好aggressive 咁去不斷get fast pass, 排隊玩game,
對於我來說，同男友兩個係disneyland 周圍行下，影下相已經好開心 ^^
tokyo
disneyland 城堡，個人覺得比香港個靚，香港個太細太簡陋 ..||
木伐, 好玩~
我地排左 1.5 hours.....
等緊玩peter pan, 排左６０ mins, 你唔好見我影相呢個樣，
影呢張相之前 15 mins 流完鼻血......點解流鼻血，唔知 =P
我男友問我係咪想去哂全世界disneyland 既medical room...||
最後當然無去medical room, 因為好快已經無事，而且...
排左４５mins 先走?? 唔係呀fa??
Waiting for 賽車, 香港都就黎有得玩喇~~~好玩~~!!
夜間花車巡遊~~~~靚過日間個~~
不過.....個晚太大風cancel左個煙花...... sad....-.-
之後返新宿食宵夜~~ 第一次坐街邊車仔食拉麵，雖然都幾dirty, (係馬路旁邊食)
不過真係好味wor!!!
18 Jun
去品川~ lunch 去左出名既 "築地玉壽司"
日本新鮮既刺生真係超好味~~~
我一向都唔鐘意食海膽，覺得好苦，不過原來真正新鮮既海膽係好甜好好味~~~~~~~
鮑魚刺生!!!真係要學下 "韜韜" 講: "嘩~ 甜到呀~~"
見唔見到ｄ刺生係晶螢通透ga~~
之後去品川水族館
再跟住係台場，富士電視台 ，
係拉麵國競館食全日本拎最多獎既拉麵！
1000 yen ($70 HK
dollars)
客觀地講: 賣相唔係好attractive, 麵個人認為太幼 (我鐘意食粗ｄ彈牙既 麵）
但湯底一流，好重好重豬骨味!! (不過飲完好 "柳")
很可愛的拉麵老闆~ 見我地影相 (其實唔係影佢), 佢走過來整V 字手勢 ^^|||||||
之後我地行日劇love generation 名勝 "彩虹橋", 玩曾經係全球最大既麼天輪，
同玩game ~ ( 日本ｄ機鋪唔似香港個ｄ，感覺似......歡樂天地 type)
19 Jun
是日活動: 餃子＋雪糕博物館@ sunshine city
瞭望台 + 水族館 @ sunshine city
東京鐵塔
六本木dinner~ 食炭火燒 "和牛"∼
個牛肉湯飯既我咁大個女食過最最最好味既湯飯!!!
20 Jun
this tour 最後既lunch係......差唔多用哂我地身上既錢去食神户牛鐵板燒
即係人地係去面前燒個ｄ
可惜既係，由於係lunch 既關係，lunch 既神户牛比dinner 既神户牛
係差ｄ (當然$平一半), 總算係日本食過鐵板燒~
之後又坐返ＪＲ 去機場返香港 lu~
Ailie 的2006 Jun 東京之旅，以上!