我的BOOKMARK

 

回答一些DOC2000(Ver.2)新仔既提問

 

退役

一隻馬由20戰開始電腦就一直問你退唔退役到62戰,第63戰就一定要你退役。

當你選退役後你就可以用呢張咭去溝種或落代,如果你想回轉,就不要退役,你就要跑到63戰。到63戰那時,佢就什麼無得比你選,那時你只可以按”OK”去退役。

 

假退役(我地稱為叮馬)

平時你要退役,你只選退役”OK”去退役,在退役畫面會有一首背景音樂,張咭退出來之後只可配種,不可以用來再跑(除非你翻生)。但如果你選退役,一齊按”OK”打鞭”(或者係拉鞭”),如果你成功的話,佢會叮一聲,在退役畫面就不會有背景音樂,張咭退出來之後你就發覺佢可以用黎再跑,反而不可以配種。呢個方法通常用在63戰馬身上,因為你就可以唔使翻生再跑。

 

回轉馬

一隻馬最多比你跑63場,回轉馬係張一隻63戰馬翻生,再跑再退役,再翻生多一次,隻馬就會由0戰再開始跑。當然你想回隻馬係由0戰再開始的話,你就一定要隻馬跑63次第一、63次第二、63次第三、又或者63次第4(第四至第十二名都得),咁樣先至可以回隻馬出來係00勝!

 

飲生中/黑生中(超級特殊食物)

當你能夠在13X勝或之前贏瓣/打比/菊花是旦一隻杯,你就可以在14X勝操完壁飲生中,如果你能夠在13X勝之前贏齊瓣諢B打比及菊花三隻杯,你就可以在14X勝操完壁飲黑生中。

你要記住:只有14X勝操完壁(操什麼都得)先可以出現生中/黑生中,過左呢個戰數就算你操幾多課完壁佢都唔會再出現!所以你一定要知道怎樣去抄廢咭!

 

拉咭

首先要準備一條膠帶,條膠帶唔好太厚(最好用膠紙).
首先張一條大長60CM膠紙打直對摺,留少少黏貼位,用果黏貼位貼住張咭既尾部,那樣我們就可以由咭機裹面拉翻張咭出來。

其實有四種情況下我們要拉咭:

1種情況要拉咭 抄咭/抄廢咭

如果你要在14X勝操完壁飲生中/黑生中,萬一不能操完壁,你就有需要保持隻馬在14X勝,那時你可以在跑完之後答完問題,到8秒時拉張咭出來,之後入張廢咭落去,那樣你拉出來那張咭就仍然係14X勝,而那張廢咭就會係15X勝,之後你可以繼續入咭,再試操過!

又或者你想張隻好馬抄比自己友,你亦都可以用呢個方法去抄張咭比你老友,不過你老友果隻馬就會大一戰!

又或者你做隻全勝馬時失手輸左呢場事,你就要用呢個方法去抄落張廢咭。

你可能會問:我無廢咭怎樣辦?

你要知道,一張咭係可以儲兩隻馬,張咭有兩面,底係(灰色)磁帶,面前頭(印有你隻馬既馬名及父母名稱)可以有一隻馬,下面印有公仔部份都可以儲一隻馬,你就可以當果度係廢咭咁用羅!

 

 

直線圖說 3: 正面一隻直線圖說 3: 當廢咭

 

 

 

 

2種情況要拉咭MAX

你如果有隻馬想永遠保持呢個戰數(MAX),你可以用上面個方法去抄落張廢咭度,但係用上面方法會比較浪費時間!

你就可以用呢個拉咭方法:

首先你隻馬一定要過廿戰(20X勝、30X勝等等),你就可以只係拉翻呢張咭出來,記住不要再入任何既咭入去,當跑完之後你選退役(不要入任何既咭),部機之後就會響,有得佢響,直致隻馬出完個退役畫面之後,部機就會回復原狀!

呢個方法都可以用在大戰數既全勝馬,因為隻馬到左5555勝之後就比較難贏,贏味照SAVE羅。如果輸左,只係張隻馬拉出來,之後選退役味快一些羅!

 

3種情況要拉咭:退役

你要知道當你隻馬退役之後就可以配種,我就建議大家留一隻19戰做底,當20戰時你選退役,當張咭係部機一停,你就即刻拉張咭出來,入番另一張咭入去,那樣你就可用呢張去配種羅,萬一唔見左張咭,你就可以再入番隻19戰落去跑多一場,又拉多張去配羅。

我通常都會用盡每一張咭既!

例如我有對馬要退役,我就會開張咭比佢退役,頭就係牡,尾係牝,咁做就可以帶少好多咭!而那些19戰馬我就開本簿,儲起佢放埋一邊,我只係帶一張咭就可以配種,萬一唔見左都可以有個後備!

 

直線圖說 2: 退役牡馬
 


直線圖說 2: 退役牝馬

 

 

4種情況要拉咭:配種

每一對馬只可以配56次左右,如果你想保持佢永遠都係無配過。

你就要跟住呢個方法去做:

首先按START掣配種,跟住你就入隻已退役既牡馬入去,當你一見到隻牡馬出現在螢幕上,你就立即拉咭,入張廢咭入去。之後到牝都係,當你一見到隻牝馬在出現在螢幕上,你就立即拉咭,入張廢咭入去。

那樣你對馬就無配過,而廢咭係當配左一次!

你亦都可以用呢種方法抄對馬比朋友去配種,不過你老友個張就會係己配一次,你原本個對就永遠無配個羅!

 

 

翻生

首先入隻馬跑1場,當隻馬在選操練畫面出現的時候就拉出隻馬放埋一邊。跟住你要在那場跑什麼名次都得,跑完之後你就見隻馬下車。跟住佢就會顯示條問題要你答,你千萬唔好答住,跟住你就入一隻你想翻生既馬入部機度(記住你跑個場果隻唔好放埋入去),之後你就是旦答果條問題(唔好退役),再跑多一場(START)。佢那時就會響機,叫人幫你CHECK左部機。跟住你會發現張咭會彈出黎,你抽起佢,咁樣你會發現你跑上一場既馬會變成你正話入果隻馬,操練後,羅番正話你跑上一場既馬出來,好似平時抄廢咭咁,入番上一場既馬入部機度,答問題/退役,再抽出張咭,入番張馬咭入去!

首先你要知道當你將隻馬退役之後,你可以將佢配種(我地稱為吉野”),但牡馬只能配五次,而牝馬就有6,7次左右,當你入隻馬去配種的時候,佢會顯示你隻牡/牝馬既戰績20X勝,在20X勝下面有一行寫什麼立派父/母馬,但如果你不停住佢,到5,6次之後,佢就會寫什麼” / ”衰退父/母馬,當有衰退父/母馬出現既時候,即表示你生出來既馬唔係好野(但有人試用隻衰退馬吉左隻大獎馬出來)

咁如果你想將隻衰退父/母馬變回立派父/母馬,你就要張呢隻馬翻生,再退役,用呢隻馬去配種就會寫21X(因為你翻生要跑多一場),在21X勝下面就回再出現什麼立派父/母馬

 

點解有回轉馬?

因為呢隻遊戲有個大Bug(你當係千年蟲),只要你個戰數同埋戰績(第一、第二、第三、第四)一齊係大過64既話,部機就會張佢變成0

例子:

如果你隻馬在63戰裹面有40個第一,20個第二,2個第三,1個第四既話。

你一係就補贏個23場,又或者跑多43次第二,又或者跑多61次第三,又或者跑多62次第四至第十二名。

只要你既戰數同埋戰績係一樣的話,佢就會幫你變成0

係呢個情況下,你如果真係補贏個23場,回隻馬出來就變成230(0勝,20個第二,2個第三,1個第四)

或者你跑多43次第二,隻馬就會變成4340(40勝,0個第二,2個第三,1個第四)

又或者你跑多61次第三,隻馬就會變成6140(40勝,20個第二,0個第三,1個第四)

如果你跑多62次第四,隻馬就會變成6240(40勝,20個第二,2個第三,0個第四)

在我眼中,回隻馬最好係00勝,理由係當你63戰退役時候,再回出來,電腦會當你係一隻新馬,那些評語通常同你上一次退役時所顯示出來既評語不同,無論上一次佢話你係速度好、體力好又或者係切味好,好多時回出來在00勝時佢都話你隻馬係體力大器馬(我亦見過其他評語)。我覺得咁做比較容易MAX(你可以唔同意),而且亦都比較便宜些及快一些再回。起碼你唔使叮多幾次又或翻生隻馬幾次先回到!

 

屈參

同翻生差不多,不過呢個方法一定要在G1場次先做到!

首先入隻能夠跑G1既馬去跑G1,當隻馬在選操練畫面出現的時候就拉出隻馬放埋一邊。跟住你要在那場G1跑第一名,跑完之後你就見隻馬下車。跟住佢就會顯示條問題要你答,你千萬唔好答住,跟住你就入一隻你想屈參既馬(我叫仔馬)入部機度(記住你跑G1果隻唔好放埋入去)。之後你就是旦答果條問題(唔好退役),再跑多一場(START),佢那時就會響機。叫人幫你CHECK左部機,跟住你會發現張咭會彈出黎,你抽起佢,咁樣你會發現你跑果場G1既馬會變成你正話入果隻馬,操練後味會出現細團子、大團子又或者係條大參(睇你隻仔馬贏左幾多隻杯),如果你隻仔馬已贏超過3隻杯或者係一隻杯都無既話,佢比條細參你。最後你羅番正話跑G1既馬出來,好似平時抄廢咭咁,入番跑G1果隻馬入部機度,答完問題,再抽出張咭,入番張仔馬咭入去。

 

中獎馬

一隻00勝馬(未回)既裹能力高唔高係由電腦隨機比你既,如果你想知隻馬既裹能力高唔高,你就要去對一對電腦!我本人對馬一定要係京都1400M(草地)如果個場京都1400M2R既話,我就用00勝馬去對馬,如果個場京都1400M4R/5R既話,我就用1X勝馬去對,有好多人會睇下係高分馬定低分馬。如果係高分馬,0戰去對2R既京都1400M1戰去對4R/5R既京都1400M。如果係低分馬,1戰去對2R既京都1400M2戰去對4R/5R既京都1400M。不過我覺得如果你隻係勁既話0戰去對2R既京都1400M,都唔係太大問題。

在京都1400M,有隻電腦馬佢一定要出現先得,果隻電腦馬叫ЗヰвгчロК

在臨跑前佢會出現馬名表,只要在你隻馬既馬名隔離頭三個位是旦一個位有出現,你隻馬就中獎,如果你隻馬係好勁可以在頭三個位出現三個既話,呢隻未係超級勁馬(我本人都未見過三個雙圈既勁馬),如果你頭三個位出現◎○◎○○◎▲○◎◎○○都算係一隻中獎馬,不過中唔中獎你都可能走去回馬架啦,除非你係自家要落代!

對馬既時候有三樣野要注意:

  1. 你隻馬唔可以食完壁食物(果盤/沙糖)或特殊食物(細人參、大蕉、小蕉),但我個人覺得食果盤都唔係太大問題,食沙糖就真係唔好。
  2. 最好就只係得你一隻去對中獎馬,因為費時有太大差距,不過以現在大家都做回轉馬既情況下而要做到呢點都幾困難。
  3. 最多對三次就夠,0戰去對2R1戰去對4/5R2(如果你係低分馬) 去對4/5R,唔使對完一次又一次,因為中就中,唔中你對一萬次都係唔中。

 

只要隻馬總分有成58分或以上就係高分馬:

:◎○╳○◎◎(無聲玲鹿)、○○○○○◎、△◎◎○△◎、○○◎○○○、○○◎△△○(有人叫佢做火箭差)、◎◎◎△△○、◎◎○△○○、○◎◎○△○()

而隻馬係57分或以下就係低分馬:

:△△○○○◎(三角嘜)、◎△△△○○(T)、△○○○○◎(197)、○○△△○○(地之子)

 

回轉馬既做法

全勝回轉:

你隻馬要在63戰裹面場場跑第一,絕對不能輸其中一場,當跑完第62戰,隻馬下車,此時畫面右上角會顯示你隻馬6363勝,平時佢會顯示條問題問你,但今次佢就會什麼都沒有。

 

如果你間機舖人可以幫你開機去”CHECK”既話:

你那時只可以按”OK”+”打鞭掣一齊去按,如成功,你退役時就沒有背景音樂,當退役完畢後,你只要再入呢張咭,你就發現隻馬會係6363勝,再跑一場,呢場都係要跑第一,當跑完呢場,隻馬下車,此時畫面右上角仍然顯示你隻馬6363勝,今次佢仍然都係無彈條問題問你。

你仍然都係按”OK”+”打鞭掣一齊去按,如成功,你退役時就沒有背景音樂,當退役完畢後,你只要再入呢張咭,你就發現隻馬會係00勝!

 

此時你就可以搵定一張新咭,操練後,你就可以選擇今世係全勝定全敗,無論你想再全勝定再全敗,當隻馬落車,此時畫面右上角仍然顯示你隻馬1X勝,今次佢會彈條問題問你,你就答那條問題,當倒數到8秒時候,你拉番張咭出來,入張新咭落去。咁你張新咭就會係1X勝,而你正話果隻馬就永遠係00勝!呢隻00勝可以留底,萬一呢張新咭有什麼事發生,你可以再入番呢隻00勝既馬再抄多一次落其他咭度!

 

因為無人可以幫你,所以每一次都要成功,我會建議你每次要按”OK”+”打鞭掣一齊去按之前拉定張咭,千萬不要入任何咭入落部機,如果你可以在退役時無背景音樂,先至放回張咭入部機,如果唔成功,有得佢響到尾,當退役完畢佢就自然回復正常。因為無人可以幫你,你就一定要假退役(叮馬),我就建議你做全敗,因為全勝又要叮係比較困難!

 

如果你間機舖人可以幫你開機去”CHECK”既話:

你那時只可以按”OK”+”打鞭掣一齊去按,成功唔成功都好,如成功,你就好似上面既方法再叮過,因為有人幫你開機去”CHECK”既話,你就唔使拉定張咭出來,你就可以由得張咭在部機度,萬一不成功,張咭就會變成配種馬,你就要幫隻馬翻生。

 

方法係你要入另一隻馬落部機到跑一場,呢隻馬幾多戰幾多勝都無問題,當隻馬在選操練畫面出現的時候就拉出隻馬放埋一邊。跟住你要在那場跑什麼名次都得,跑完之後你就見隻馬下車。跟住佢就會顯示條問題要你答,你千萬唔好答住,跟住你就入翻正話不成功既馬(記住你跑個場果隻唔好放埋入去),之後你就是旦答果條問題(唔好退役),再跑多一場(START)。佢那時就會響機,叫人幫你CHECK左部機。跟住你會發現張咭會彈出黎,你抽起佢,咁樣你會發現你跑上一場既馬會變成你正話入果隻馬(63戰果隻),隻馬右上角會顯示6363勝,操練後,記住呢場都係一定要跑第一,當隻馬落車,此時畫面右上角仍然顯示你隻馬6363勝,今次佢仍然都係無彈條問題問你,你此時要羅番正話你跑上一場既馬出來,入落部機度,你再可以按”OK”+”打鞭掣一齊去按,當張咭比部機一拉入去,佢就會停一停,你就即刻拉番張咭出來,入翻正話隻6363勝入去,當退役完畢後,佢就會彈番張咭出來!

當你做拉咭入咭既時候,你要留意下佢有無背景音樂,如果無,你就可以再入番隻6363勝入去,你就會發現佢會係00勝!

如果有背景音樂,你又要再重申入另一隻馬入去跑一場,呢隻馬幾多戰幾多勝都無問題,當隻馬在選操練畫面出現的時候就拉出隻馬放埋一邊。跟住你要在那場跑什麼名次都得,跑完之後你就見隻馬下車。跟住佢就會顯示條問題要你答,你千萬唔好答住,跟住你就入翻正話不成功既馬(記住你跑個場果隻唔好放埋入去),之後你就是旦答果條問題(唔好退役),再跑多一場(START)。佢那時就會響機,叫人幫你CHECK左部機。跟住你會發現張咭會彈出黎,你抽起佢,咁樣你會發現你跑上一場既馬會變成你正話入果隻馬(63戰果隻),隻馬右上角會顯示00勝。

 

此時你就可以搵定一張新咭,操練後,你就可以選擇今世係全勝定全敗,無論你想再全勝定再全敗,當隻馬落車,此時畫面右上角仍然顯示你隻馬1X勝,今次佢會彈條問題問你,你此時要羅番正話你跑上一場既馬出來,入落部機度,你就答那條問題,當倒數到8秒時候,你拉番張咭出來,入張新咭落去。咁你張新咭就會係1X勝,而你正話退役果張可以留底,萬一呢張新咭有什麼事發生,你再可以番生張6363勝那張咭!

 

 

 

全敗回轉

回全敗同全勝都係一樣,只不過你隻馬要在63戰裹面場場跑第四至第十二,絕對不能贏其中一場。至於到63戰時,佢同全勝既做法都係一樣,要叮馬或者翻生隻馬先可能變回00勝。

 

又勝又敗回轉

呢種回轉我唔係好贊成,因為你要補贏/敗隻馬幾場先可以回番佢去低戰數,至於個方法都係一樣,我用番我上面個例子:

63戰裹面有40個第一,20個第二,2個第三,1個第四既話。

你就要贏及叮成23場你先可以變成230(0勝,20個第二,2個第三,1個第四)

如果你係63戰裹面有62個第一,0個第二,0個第三,1個第四既話都好些。

你只要(/番生)贏多一場可以變成10(0勝,0個第二,0個第三,1個第四)

 

你要記住當隻馬既戰數係63,無論你幾多勝幾多敗,佢都一定要你退役,你勁既每次都可以成功令佢退役時無背景就無問題,如果唔係你要番生成幾十次(例子一)至得,無謂呀!

 

MAX

你可以不停用上面既方法回轉一隻馬,但回到幾時先停呢?

當每跑一場,你隻馬既裡能力會加(無論贏敗),加到頂我地就叫佢MAX左。而回轉既目的係想令到隻馬既裡能力加到頂,例如你隻馬回左5次,即是話你隻馬已經跑左315(63*5)場,究竟隻馬跑左315場到頂未呢?

如果你想知既話,最好係每一次隻回轉馬在20戰時,你就要搵一些已MAX左既馬去對一對,因為你係唔知隻馬MAX左未,有些馬回一次就MAX,有些回成十次都未MAX,所以你一定要每回一次你都要去對下隻馬MAX左未。而只要你隻馬係在內檔1番九個雙圈而那隻MAX馬在外檔2番,咁你隻馬味MAX左羅!又係果句:如果隻馬未MAX,你對十萬次都未MAX,所以只係對一次就夠。

 

但對MAX馬之前你要留意

  1. 你隻馬及MAX馬要在20戰至29戰內,但可以唔同戰數。例如你隻係29戰而隻MAX馬係27戰,又或者你隻馬20戰而隻MAX馬係27戰。
  2. 你隻退役時係速度(ЗзみЭ),當隻馬跑完之後你就拉咭,選退役(不要入任何既咭),部機之後就會響,有得佢響,在最後畫面既右手面,佢會顯示你隻馬既型態(有些圈圈三角交叉符號),在型態上面佢會顯示你隻馬是邊一種大器,ЗзみЭ(速度),ЗУтЮ(體力),切ホ味(切味),如果你隻馬係MAX,佢就一定係ЗзみЭ(速度)
  3. 你要知道隻已MAX既馬既能源係什麼,如果佢係2,3,5行能源爆,而1,4,6行欠一格能源就爆,咁你隻馬就都要係2,3,5行能源爆,而1,4,6行欠一格能源就爆去對,最好對馬時只得你兩隻。
  4. 記住對MAX馬唔使理牡牝、跑邊一場及呢兩隻馬既分數及他們退役時所出既圈數,只要你隻馬係在內檔1番九個雙圈而那隻MAX馬在外檔2番,咁你隻馬味MAX左羅!
  5. 我通常要隻牡在27戰要MAX,而牝就24戰。我個人覺得千期唔好隻MAXKEEP25戰!

 

 

自家種

你個人覺得想做對屬於自己既種,因為呢類種係果些由日本引入既種係無,我地就叫呢類種做自家種。做自家種有幾個方法去做:

第一種做法:

你可以在是旦配隻CPU馬,最好係一隻牝馬,跟住到廿戰就退役,之後你可以用呢隻馬再去搵同一隻CPU牡馬去配一對(一牡一牝)出來,呢對就係你既自家種馬。

CPU馬有些只係識跑草地(良地)而有些只係識跑泥地(不良),所以你就一定要自己小心選擇。

本人亦有自家種都可以同大家分享下:

 

第一代:

牡:фユЙユレнь(CPU) ○○△△△◎ 去配

牝:Зкэ⑦ヲヰцю(CPU) ○◎△△△○  = 自家種A() ○○△△△◎

 

第二代:

牡:фユЙユレнь(CPU) ○○△△△◎

自家種A() ○○△△△◎ = 自家種B() ○○△△△◎

 

第三代:

牡:фユЙユレнь(CPU) ○○△△△◎

自家種B() ○○△△△◎ = 自家種C() ○○△△△◎

 

第四代:

牡:фユЙユレнь(CPU) ○○△△△◎

自家種C() ○○△△△◎ =自家種D() ○○△△△◎ 同埋 

自家種E() ○○△△△◎

 

第五代:

自家種D() ○○△△△◎

自家種E() ○○△△△◎ = 自家種F() ○○△△△◎

 

第六代:

自家種F() ○○△△△◎

自家種E() ○○△△△◎ = 自家種G() ○○△△△◎

 

我呢對自家種馬只係識跑草地既良地及泥地既良地賽事,只要個草地係重或者係不良及泥地係重或者係不良就已經唔識跑,有可能隻Зкэ⑦ヲヰцю(CPU)只係識跑良地而導致有這樣效果。

 

最重要係你想要什麼圈數,只要你個人覺得呢個圈數係好既話,你就可以落代。

我仲可以比個日本所做既自家泥地種比大家參考下:

http://www.geocities.co.jp/HeartLand-Namiki/7899/doc/dirt.html

 

第二種做法:

你可以用現時日本去配一對出來既種,例如用197去配三角嘜,不過你記住最好係同一性既種馬去配會好些,即係話泥地日本種配回泥地日本種,如果唔係可能出來既自家種只係跑草地(良地)而唔識跑泥地(不良)

1