|
30-12-04 資料來源：星島日報 阿倫捐 80 萬騷錢救災民 譚詠麟昨日已起程到馬來西亞準備於明天舉行的《左麟右李》演唱會，並計劃與歌迷 倒數迎新年，原本懷着愉快出發的心情，可惜日前卻發生海嘯大災難，雖然私底下阿倫 亦有捐錢賑災，不過他仍與演唱會主辦單位商量，最後決定每賣出 1 張門票便抽出 10 元馬幣作為善款，捐給大馬災民，由於場館共可容納 4 萬人，估計籌得善款共有 40 萬 馬幣(約 80 萬港元)。 選址大球場舉行 此外，阿倫坦言於這幾天已不斷想辦法幫助災民，他提議香港人可以舉行為期 3 天的 馬拉松卡拉 OK 比賽，因港人都愛唱 K，最好在容納最多人的大球場舉行，並每人入場 費 10 元，不過因怕分貝過高，故只能朝 10 晚 8 內完成，假如一天有幾萬人次入場計， 相信亦有可觀的善款，而且想出力的藝人又可現身呼籲，實在一舉兩得。
| |
|
29-12-04 資料來源：東方日報 阿倫力撐安仔得獎有理 譚詠麟日前以頒獎嘉賓身份出席「新城勁爆頒獎禮」，當他頒發「勁爆男歌手」獎項 時，他將未開啟的賽果信封一手撕爛，對於有指他太過兒戲，阿倫說：「大家高興啫， 根本就唔在意呢啲，不過原來講吓就得㗎喇！」阿倫笑言之後的頒獎禮不要隨便邀他出 席，因怕自己會失控亂噏說話。 對許志安與葉德嫻合唱的《美中不足》，卻以獨唱為名搶分，被歌迷投訴不公，引起 連串非議，但阿倫就力撐安仔，稱讚是聰明的做法，阿倫說：「唔關安仔事，佢公司咁 做係一個策略，諗深一層係聰明做法，對安仔有利，分分鐘仲早人一步，可能明年都學 佢用呢個方式。」 克勤有進步咪得囉 阿倫認為每個人、公司都有不同睇法，遊戲方式亦個個不同，對李克勤輸了個馬鼻給 安仔，阿倫未有戥克勤不值，他說：「克勤喺新城攞嘅獎比舊年多，有進步咪得囉。 (覺唔覺得安仔出茅招？)見仁見智喇。」 日前新城娛樂台台長朱明銳炮轟四台聯頒是多餘做法。阿倫個人認為四台聯頒的方向 是正確的，有一定公認性，亦有其存在價值，但「想易行難」，某程度上有難度，因為 家家有本難唸的經，要兼顧、考慮的事太多，他說：「大家心照不宣。」 阿倫昨日以「校長駕到」的嘉賓主持身份訪問房祖名、王宛芝和劉浩龍。問阿倫可會 追問祖名的緋聞？阿倫說：「佢拍拖咩？緋聞傳歸傳，好朋友就當係。」但隨即笑言： 「我見過啲咩㗎！但我梗係唔會講。」
| |
|
28-12-04 資料來源：東方日報 阿倫撕信封新城不知情 由阿倫(譚詠麟)一手撮成許志安、古巨基、李克勤 和梁漢文的「新四大天王」，前晚阿倫親自上台頒發 「勁爆男歌手獎」，四人站在台上等待阿倫宣布，但 阿倫未睇有賽果信封卻將它撕爛，宣布四人與劉德華 同時獲獎。 至於阿倫唔睇結果便宣布可覺兒戲？古巨基表示： 「冇人知張紙係咪寫呢四個名，但唔好深究嘞！」而 克勤深知老友阿倫性格，笑言：「佢成日都係咁㗎啦 ，真係唔知佢幾時會做啲乜，佢都係想搞吓氣氛咁 啫！」 問到梁漢文可擔心無份奪獎？他表示擔心不來，有 得提名已好開心。 而新城娛樂台台長朱明銳稱獎項雖不經會計師核算
|
|
|
，是按流行榜計算，絕非兒戲，撕掉信封是阿倫主意並非夾定。
| |
|
20-12-04 資料來源：文匯報 阿倫和阿叻代表明星足球隊參加比賽 明星足球隊昨日應邀到中文大學與香港體育記者協 會作友誼比賽， 譚詠麟也會與阿叻一同到日本過聖誕，但他只逗留 數天便會返港出席樂壇頒獎禮擔任頒獎嘉賓，問到他 有否準備好「校長宣言」向樂壇後輩訓話？阿倫笑說 ：「不用了，不過今年男仔會爭得幾緊要，即使到最 後有無獎，都感覺到他們幾有特色，好似 Ping Pung 、祖名，都值得讚，樂壇又有生力軍出來。」女歌手 方面又如何？阿倫笑謂：「不評了，女仔小器呀。」 雖然阿倫特別看好克勤，但阿倫也公正地表示，只要 是在樂壇付出過努力的，他也會一樣去支持。
|
|
|
19-12-04 資料來源：StarEastNet、成報 譚詠麟為歌迷之歌眼濕濕 現在再說譚詠麟當日為何在頒獎台上宣布不領獎， 似乎是過了氣，但大家可知道，這決定在阿倫及歌迷 心目中的感受有多重要？為何阿倫要說自己年年 25 歲，又為何每次見到他都總是在笑？ 作為一輩子偶像，阿倫當之無愧！自去年開始，他 不斷聽到歌迷說作了一首歌給他，並灌錄成 CD 送給 他，叫他緊記收聽，起初他並不為意，因為這些事經 常都有發生，後來歌迷將這首歌放在網上並流傳出來 ，他才知道這首歌是一班歌迷集合起來作曲作詞，自 資到錄音室灌錄，但當他發覺後已找不回這隻 CD， 唯有叫人再拿來給他聽。 心態被一語道破 「我聽咗好感動，有啲嘢我放喺心冇講，以為佢哋
|
|
|
唔知，因為我冇刻意解釋過，但呢首歌好去到嗰個感覺，了解我心態，完全一語道破 ！」阿倫沒說那些是甚麼事，只找來歌詞叫記者要當着他面前細閱，讓記者感受完歌詞 內容後才說：「第一次我一個人喺自己間房聽呢首歌，重複又重複咁聽，聽到眼都濕晒 ，好難得點解有啲人咁錫我！」 之後阿倫決定將這首《一輩子偶像》放在其新唱片《天地》裏，並有意叫他們重唱再 錄，他們卻有些膽怯，故最後加入唱片公司其他歌手一齊合唱，作為對他的致敬。 阿倫慨嘆新不如舊數樂壇女歌手 阿倫雖然沒有再站上頒獎台競賽，但每年的音樂頒獎禮仍然繼續下去，今年在這緊張 時刻再度來臨之前，阿倫幫手揀出李克勤、古巨基、許志安和梁漢文為「新四大天王」 ，爭拗也開始出現，這幾乎是每年頒獎禮前必定出現的場面，他也認同說：「呢個情況 喺我仲攞獎嘅後期先孕育出嚟，今年嗰四個人一路好地地，係呢個幾星期先要出動屋企 人拉票，OK 冇嘢嘅，愈近頒獎禮一定有人攞嘢出嚟撩，平常心啦！」 樂壇近年來都重男輕女，為何有「新四大天王」，沒有選出「新四大天后」，阿倫一 語道破說：「唔好咁害我，女仔小器好多，唔好搞！」要他數仍能撐得起香港樂壇的女 歌手，他腦海中仍只有舊有的一批女歌手說：「葉蒨文打少啲高爾夫球都可以出嚟撐吓 ，我幾睇好徐小鳳復出，王菲都仲 Keep 得住！」至於鄭秀文(Sammi)、陳慧琳(Kelly) 、楊千嬅以至容祖兒和何韻詩，他則謂：「Sammi 靜咗，冇乜作品；Kelly 方向北上咗 去大中華，攻嘅市場唔同咗；千嬅歌路仲可以有開發；祖兒唔錯，佢走穩陣實力路線； 阿詩因為要配合形象同歌路，層面會窄咗啲，但佢哋全部都係唱得之人。」 歌手生不逢時 不要說現在的新人全沒巨星風采與實力，其實自八十年代以後，已沒有像阿倫一樣具 代表性的歌手出現。「我都唔知點解咁，以前林子祥、徐小鳳、葉蒨文、甄妮、張國榮 ，我哋各有各風格，依家啲歌手只係得一個風格，以前我哋有 Identify，有 Label，依 家太重包裝，又要兼顧多線，如果唔係生存唔到，但都要量力而為，唔係個個都得。」 阿倫戥現在才入行的歌手感到生不逢時，以前的歌手只有三十多個，有競爭性的只是 十來個，現在每個月都有一批新人出來，僧多粥少，一有機會幕後人覺得這個新人可以 就推出來，每個人都這樣做，難有突出，所以他說：「以前我哋啲歌可以一 Hit 好多年 ，依家得兩、三個月，再聽番已經聽唔落，Out 起上嚟就好 Out，因為每首歌都差唔多 風格，一首歌聽厭咗換另一首上去，同歌手一樣都係得一個風格，啲人睇厭咗咪換人囉 ，呢個係最大原因！」 明年汰弱留強 歌手連站穩陣腳的機會也沒有，要像阿倫做一輩子偶像，就難上加難。「就咁做一個 Star 要時間浸，實力之外，又要有觀眾緣，慢慢俾人認為得，紅可以一剎那，紅得耐先 變為 Star，要紅一輩子更加要經歷好多年代，唔可以咁簡單，我好慶幸自己喺『溫拿』 留到依家，企得上咁多年，咁我一定有付出好多，由二十至廿五歲，我畀晒五年啲時間 出嚟㗎！」 阿倫更預言明年歌手會更加辛苦，市道愈來愈不景氣，汰弱留強的情況會愈激烈，那 他可有忠告給新一輩的歌手？阿倫耍手擰頭笑說：「我覺得有人開始見到我驚啦，我係 好隨和嘅年輕人，雖然大家稱呼我做校長，Casual 啲搭晒膊頭得嘞，唔使離遠見到我 就立晒正，我好驚，過分尊重唔好，我好和藹慈祥，唔好搞到我真係校長咁啦！」 推崇刀郎歌曲 仍是樂壇舉足輕重人物，又做過影帝，阿倫始終以唱歌為主，他認為歌曲比電影更加 容易給人記住，歌可以隨時隨地聽着，即如他聽刀郎為他作的新歌《披着羊皮的狼》， 他就是一日 24 小時不停聽着。「我真係揸車、食飯，瞓住都聽，佢將新疆風格嘅音樂 帶入西方味道，真係好考學問同編輯，我好鍾意刀郎對音樂嘅熱誠，我哋識英雄重英雄 ，今年六月我哋先認識，已經好似識咗好耐朋友，佢搬緊屋、食緊乜嘢都打電話嚟話我 知，佢個人怕醜又傻傻哋！」
| |
|
19-12-04 資料來源：蘋果日報 李克勤友情篇：譚詠麟好錫我 在克勤生命中，相信除了家人及盧淑儀外，譚詠麟(阿倫)及劉德華都是他最重要的人 ，克勤一臉感激地細訴與阿倫及華仔的友情，克勤說：「首先好多謝華仔呢個咁多年嘅 好朋友，好多方面都好撐我，有年我開演唱會，佢贊助晒我所有煙花，當年我做嘅場數 唔多，又冇大嘅贊助商，佢令我好感動，冇得還，只有心照。有次華仔話我知，佢𠵱家 電腦 wallpaper 係我第一次攞獎同佢嘅合照，好開心等於打波(保齡)佢永遠讓我二十分 ，我覺得咁樣好好玩，贏到佢係好開心嘅事，佢都好過癮，出盡力要贏番嗰二十分。」 如父子互相照顧 克勤一直視阿倫如父親般看待，皆因阿倫也視他如兒子照顧，克勤說：「佢成日會主 動畀意見我，玩時又係大細路，我做嘢好似華仔，做騷好緊張，阿倫就係隨遇而安型， 我哋做左麟右李，我要每一場都喺我控制範圍內，佢就好似好唔在乎咁，可以瞓個晏覺 ，瞓到七點五十分先過嚟紅館，任何嘢都畀唔到壓力佢，係好寫意咁去享受台上嘅每分 鐘。佢由出道開始做親演唱會都冇 full dress 綵排過，但佢特登嚟同我綵排，想減輕 我嘅壓力，真係好錫我。」
| |
|
17-12-04 資料來源：StarEastNet、成報 阿倫嬉皮笑臉談曉鋒電台節目點歌給兒子聽 譚詠麟最新專輯《天地》前日正式推出，昨日環球唱片特別舉行大型記者會，席上有 舞麒麟助興場面熱鬧。大碟重點新歌《披着羊皮的狼》是阿倫很滿意的近作，前晚接受 電台訪問時，他還公開將這首歌點給「曉鋒」聽。 阿倫表示，新專輯在推出後一天才舉行記者會，是等劉德華親自題寫「披着羊皮的 狼」趕及放在記者會上；他同時亦感激刀郎送給他同樣的字畫。自從阿倫在大球場活動 中，談及兒子「曉鋒」的秘密後，前晚他接受電台訪問時，又再在節目中，點歌給兒子 「曉鋒」聽。 搵張栢芝過橋 但阿倫仍笑騎騎死撐：「咁都聽到？我點歌畀林曉鋒聽啫。」是否要「曉鋒」留意歌 詞要帶眼識人？他陰陰嘴笑：「睇吓你哋點睇。」其後他又嬉皮笑臉搖頭擺腦問而不答 ：「我唔會答咁永無休止嘅話題。」阿倫即時轉換話題，搵戚美珍同張栢芝過橋：「今 次我要多謝好多人，好似華仔幫我寫嘅字，刀郎作歌畀我，仲有係何文田肥婆珍(戚美 珍)都話等咗十幾年，先等到一首直打入心底好歌，連栢芝去廁所聽到，都話震到入心 底咁好。」 黐住就有運行 近期有報道指千嬅、安仔等多位圈中人借運，有「幸運倫」之稱的阿倫笑說：「係以 前嘅年代，都聽過啲阿婆阿嬸講借運，但我就唔知係邊度可以借，雖然人有時都要靠運 氣，但試問借咗又點去還？如果真係要借就問我啦，黐住我就有運行，肯同我傾即係袋 錢落佢袋啦。」 為曉鋒講好話 昨日阿倫接受商台《茶煲裡的查篤撐》訪問，談及謝霆鋒批評「新四大天王」不夠創 新，他說：「我都覺得霆鋒講得好啱，樂壇係好需要大家去推動，加把勁去做，真係唔 好『坐以待斃』，呢四個字咁用先啱。」阿倫強調沒有暗寸霆鋒，還幫他講好說話： 「唔可以怪得佢，佢係番書仔，最衰係志偉，講兩講嚇窒佢，搞到佢記得前唔記得後就 講錯說話。」
| |
|
16-12-04 資料來源：東方日報 阿倫撩 Kary 跳舞 日前梁漢文與組合 Ping Pung、薛凱琪和劉浩龍等，在無綫節目《娛樂大搜查》中， 與譚詠麟在卡拉 OK 房內切磋。 似開派對 當日老中青三代歌手齊集，梁漢文和一班新人齊齊細心聆聽阿倫分享在娛樂圈的經驗 和指導後，大家都急不及待拿起咪唱歌，眾人大唱阿倫的經典金曲，像開派對般。 年年二十五歲的阿倫果然跟年輕人沒有代溝，大家都玩得十分開心。阿倫又撩 Kary 跳舞，Kary 跟阿倫跳得相當合拍，她又表示希望日後可以有機會在舞台上跟校長同台 演出。
| |
|
14-12-04 資料來源：東方日報 阿倫責克勤：輸咗要服 不過，阿倫於電台接受訪問時對克勤之說法不認同 ，他還大聲叫向克勤：「克勤，你頭先講錯嘢呀！咁 樣唔啱，唔應該係咁諗，應該好衷心拍掌恭喜別人， 輸咗就做好啲下年再嚟過。」問阿倫基仔今年是否進 步很多？他即笑說：「我覺得自己進步好多，同刀郎 合唱《披着羊皮的狼》成首歌詞幾乎無重複，唱國語 兼屙到七彩都唱現場，真係活到老學到老，好有 heart 。」
|
|
