|
24-08-01 資料來源：蘋果日報 阿倫鬧嘟嘟惡死乞人憎 譚詠麟(阿倫)昨日公開彈無線新遊戲節目《一筆 Out 消》沉悶，未能引起觀眾共鳴。阿倫表示鄭裕玲 主持《一》節目的冷酷和乞人憎風格，將會破壞她的 個人形象。 昨日五十一歲牛一的譚詠麟(阿倫)，接受港台節目 《好男好女》電話訪問。阿倫表示有留意近日無線的 《一筆 Out 消》和亞視的《百萬富翁》引發的電視 大戰，他大彈由鄭裕玲(嘟嘟)主持的《一》製作上有 問題，未能令收看的觀眾看得投入。 阿倫看過《一》節目後，發現該節目有很多問題， 他說：「嘟嘟問問題太快，觀眾答唔切就話 pass，
|
|
|
令觀眾玩得唔投入，冇共鳴，無線如唔改變製作一定輸。」 愛之深恨之切 對於嘟嘟的嚴肅、尖銳的主持風格，阿倫並不苟同，他說：「佢好 cool(冷酷)、好惡 同好乞人憎，好影響形象。」阿倫狂「炳」《一》節目，難道不怕得罪無線，他說：「 呢嗰係愛之深，恨之切。」 阿倫認為《一》節目不應該完全仿效英國 BBC 電視台的形式，他說：「咁無線應買 咗可以配合香港社會嘅節目，如果唔喺咪腰斬㗎！」
| |
|
23-08-01 資料來源：星島日報 譚詠麟生日願望玩神秘 今日是譚詠麟的壽辰，不過阿倫專登不留在香港搞生日會，反而已身在上海，他說是 為了不想勞煩大家(指傳媒)，都可算用心良苦。 阿倫之前為應付演唱會，已四個月沒有打高爾夫球，所以今次到上海是搵朋友開賽， 玩個痛快，也可以避過有傳媒的追訪。 阿倫亦提早和各地的 Fans 舉行慶祝聚會，他們來自日本、韓國、美加、東南亞、台 灣、上海、北京、星馬泰等地，當日阿倫收到不少生日禮物，最特別是收到在八六年的 唱片宣傳照，阿倫見到時都不禁笑說：「靚到嘩一聲！這些年來，阿倫最想收到的禮物 ，便是他未見過的相片及錄影帶，今番正合其意。」 年年 25 歲的他，提到生日願望時，竟暗暗笑說：「好勁㗎！唔可以講，不論是關於 朋友定係自已的，都不能說。」故作神秘，問他當中是否關於志偉的事，阿倫便緊閉雙 唇，笑而不語。 阿倫素來都很能栽培新人，如果有需要的話，他會毫不保留去幫忙，過往他也有給予 四大天王的意見，女的也有問過他，他都樂意幫忙，但說到收徒弟，阿倫便耍手擰頭， 因為收徒弟有很大的壓力，責任太大，他是照顧不來，以往提出想當他徒兒的人實在不 能盡錄，全然給婉拒了。
| |
|
21-08-01 資料來源：東方日報 阿倫錯摸華仔「私人地帶」做演唱會嘉賓攬住肥佬咀 劉德華演唱會前晚演出到第三場，一晚比一晚更精采，連嘉賓譚詠麟都興奮到忘晒形 ，不但對華仔又攬又錫，仲上下其手連華仔的重要部位都唔放過，竟敢當眾觸摸華仔肥 裝下的「私人地帶」，令全場嘩然！ 大讚好得意 當華仔化身做「肥佬」後，阿倫一見即哇哇大叫：「嘩，我睇咗你咁多部戲，肥人呢 套就最有福氣，愈睇愈想攬你，喂，俾我攬吓先，真係好得意呀，錫多啖。」阿倫扮作 色迷迷大啖咀落華仔塊肥臉上，咀完仲嫌唔夠喉，跟住就出手摸華仔個肥身，還得戚說 ：「喂！真係忍唔住想捽吓你個肥肚腩。」可憐華仔只有任阿倫魚肉，點知阿倫愈捽愈 興奮，得寸進尺竟然愈捽愈低，忽然間華仔低頭望一望自己個肥身，即碌大眼問阿倫： 「喂，你好似唔係捽緊我個肚腩吓？」嚇到阿倫即刻縮手，尷尬狂笑：「係咩？哈哈哈 ，係吓，呢度係你私人地方，死啦，唔掂得吓，哈哈。」令全場大笑。 認叻被人噓 雖然阿倫無意間做了「色狼」，好在他都十分識做，不停大讚華仔，但搞笑的是每讚 完華仔一次，就自讚一番，結果講咗超過十次：「真係同我一樣，似到我十足十，見到 你就諗起自己。」令歌迷大噓，指他認叻，連華仔都忍唔住在台上扮暈，十分搞笑。
| |
|
20-08-01 資料來源：StarEastNet 譚詠麟被封為宇宙天王 一連八場的《譚詠麟飛一般演唱會》，前晚舉行最後一場，全場座位空無一座，反應 相當熱烈，歌迷情緒相當澎湃，跳舞跳足全場，阿倫(譚詠麟)更被工作人員封他為(宇宙 天王)，就連嘉賓張栢芝出場時也表示：「果然係宇宙天王，真係好厲害。」而另一表 演嘉賓李克勤更穿了印有 Alan Tam 字樣的衫上場，克勤(李克勤)更甜絲絲表示：「依 件衫係女朋友精心設計嫁！」 感動之至流下男兒淚 演唱會上歌迷紛紛送上禮物預祝阿倫八月二十三日生日，當中最為特別就係有歌迷更 送上《2》、《5》的兩個蛋糕，阿倫笑言：「你哋小心放錯位置呀﹗如果 25 倒轉即係 52，咁就唔好啦！」此時，阿倫更被歌迷嘅熱情感動流下男兒淚。 慶功宴上，阿倫表現得相當開心，阿倫表示：「我最開心就係得到海外樂評人嘅稱讚 ，再加上歌迷嘅熱情，所以我至忍唔住喊，因為我嘅歌迷對我實在太好啦！換轉係你人 哋有咁多心錫你，你都會喊啦！」 建議梁思浩食排毒美顏寶 對於曾志偉冇出現佢嘅演唱會，阿倫會唔會覺得失望？阿倫表示：「我諗佢驚記者掛 ，其實我都叫佢放開心情，我都叫佢嚟㗎，可能佢話怕引起混亂啦！」此外，對於梁思 浩受到掌摑案困擾，導致六十小時尿閉一事，阿倫笑言：「冇所謂啦！係咪好似凍蟹咁 一樣要放尿，好等我介紹佢食排毒丸啦！」
| |
|
19-08-01 資料來源：明報 阿倫情緒高漲尾場個唱栢芝任表演嘉賓 譚詠麟前晚最後一場個人演唱會，雖然與劉德華打對台，不過被工作人員稱為「宇宙 天王」的他，在熱烈程度上未有遜色，連特別嘉賓張栢芝出場時也不禁說：「果然是宇 宙天王，好厲害。」阿倫卻說：「宇宙天王之後，佢哋係寫了譚(談)何容易呀！」然後 他就說：「咦！妳咁瘦，阿邊個會唔會唔鍾意㗎？」栢芝聽到只識笑，完全投降。接着 阿倫代其說：「我係話環球啲朋友啫。」接着便是李克勤穿了一件「愛倫裝」出場，是 其女友代他在衫上繡上「Alan Tam」字樣。 收歌迷蛋糕不忘自嘲 而歌迷對阿倫亦非常之熱情，剛開場已湧到台前跳舞，阿倫更情緒高漲把手中抹過汗 的毛巾、甚至太陽眼鏡都掟到台下，歌迷更不停送蛋糕、禮物兼索吻，其中有個歌迷更 送上「2」、「5」的兩個蛋糕，阿倫笑言：「小心放錯位置呀！(25 換轉即是 52)」前晚 捧場的除了他的年邁父母及家姐之外，還有苗僑偉一家四口、寶佩如、鄺美雲等。 演唱會成功幾乎落淚 而慶功宴上，阿倫非常開心，除了歌迷的熱情，也因為想不到連海外樂評人都稱讚， 所以前晚都有點忍不住想喊，意想不到竟然會有如此多歌迷會惜自己。雖然歌迷要求他 加場，不過今年應該不會，因他已答應明年初與管弦樂團合作開另一型式的演唱會。
| |
|
19-08-01 資料來源：太陽報、東方日報 阿倫踢爆志偉怕秩序大亂未敢捧場 前晚一連八場的《譚詠麟飛一般演唱會》在一片極度高漲的氣氛下結束，雖然一直有 傳老友曾志偉會到場，但最後志偉甩底。對此，阿倫在慶功宴上說︰「志偉話怕記者， 其實我都叫佢放開心情，但佢都怕到場會秩序大亂。冇所謂啦，二十一日都會去佢舞台 劇度。況且亦唔想暴露住址。(佢依家係咪晚晚到處漂泊？)我答唔到你哋！」此外，提 到梁思浩尿塞時，阿倫表示有意介紹他服食排毒丸。 前晚，阿倫的父母及妹妹、苗僑偉一家四口及鄺美雲等齊齊捧場；而克勤及栢芝就為 演唱會擔任嘉賓，整晚演唱會的氣氛十分高漲，全場觀眾都企起身跳舞，連一身高貴打 扮的 Cally(鄺之洋名)也興奮得走到跳舞區跳舞。一班 Fans 更在台前排隊送生日禮物， 及趁機親吻阿倫，全場的熱情氣氛令他感動至嗚咽甩嘴。 譚詠麟在會展新翼舉行的一連八場演唱會，前晚舉行最後一場，歌迷情緒相當澎湃， 全場站立跳舞之外，女歌迷們趁最後一晚機會預祝阿倫八月二十三日生日，紛紛爭到台 前咀他及送上生日禮物，其中有位女歌迷更送上九十九支玫瑰示愛說「愛你一生一世」 ，並癡情地咀他，而他工作上的多位女助手亦走到台上為他換衫、抹汗、餵水，又封他 為「宇宙天王」，總之在最後一場享盡溫柔，阿倫終於被歌迷感動得灑下男兒淚。 阿倫在慶功宴上得戚地戚眉戚眼說：「日日都係咁㗎啦！尾二嗰場最多人咀，好似啄 木鳥咁！」他坦言前晚終忍不住哭了，感動地說：「少少喊啦，歌迷太好啦！真係忍唔 住，咁多心錫你，佢哋完全係自動波，唔使搞氣氛，真係好開心，而且全面性讚好。」
| |
|
18-08-01 資料來源：蘋果日報 譚詠麟叫歌迷著小背心 譚詠麟前晚專登請嗰一班環球歌星，為佢哋灣仔會展舉行《飛一般演唱會》做特別嘉 。一向鬼馬啲譚校長，前晚同許志安合唱《霧之戀》嗰陣，就好口花咁同現場觀眾話： 「我咪叫嗰你哋着小背心嚟睇我演唱會嘅，點解咁少人聽我話吓！」
| |
