•黃家•

如果你比我排(愛情,友情,親情,事業)


首先我會選親情,然後愛情,之後友情,最後先事業


因為我覺得無人可以比親人更加親,無人會比親人更加直得信任


事實上我和家人都相處得很融洽,沒有隔膜


絕對唔會有同桌食飯,各自修行的場面


雖然平時成日口不對心,但係只是怕難為情o者


我既家總是充滿歡笑聲,但當有外人來我們家時就鴉雀無聲了


唔通我地自私,唔肯將D歡樂同人分享......梗係唔係啦......


只係因為我屋企咩都傾得,驚嚇到人o者


我記得中學的時候,有朋友同我講,大個之後,大家一起搬出來住


當時我是回答"好"的,但以家唸番轉頭,我一定答"唔好"


因為我真係好唔捨得,試唸下,將來結婚了,有自己的新家庭


同平時日日見的親人遠離了,一定會很掛念


所以我以家一定會同家人住,珍惜同佢地相處的時間


話唔定我個朋友以家個唸法同我一樣tim


每次番到屋企係最舒服,唔會感到有壓力的


因為每一樣東西我都很熟悉,例如:在自己家的電腦打字會特別快


每一個角落都有故事,回憶......


我的家是獨一無二,它就是"黃家"

媽媽:
我們習慣叫她做咪咪,細過的時候以為她是一個內向的家庭主婦,但至從她出來工作後,才發現她的真個性,原來她很愛玩,現在她生活圈子大了,喜歡周圍去,還有串珠仔的習慣,因為只要是她喜歡的事,就很有行心去做了,雖然現在屋企經濟方面唔係太好,但係我地都唔會再比佢出來做野的,因為實在唔想佢再吃苦頭。

 
爸爸:
雖然佢下年就60歲啦,但係仍然好精壯,只係有時有少少病痛,不過lee個阿爸有時真係爭唔落,明知自己有病痛都唔改下D壞習慣,又食煙,又飲酒,又賭馬,鍾意死要面......唉......算啦...鬼叫佢係我阿爸咩,不過唯一可取之處就係唔似一般好嚴肅的阿爸,不會擺款(因為我家一向都唔守舊),有時仲比我打番轉頭tim。

 

還有三個家姐...我地一向都好friend,不過平時都唔會叫"家姐"既,好似怪怪的。
大家姐雖然最大,但有時都幾幼稚,很喜歡hello kitty,
但當有重要事時,就發出大家姐本色。
二家姐就是最唔令阿媽擔心的一個,
D人話排中間的通常最孝順,唔知係咪真的呢。
三家姐做事比較快手,唔會笨手笨腳。
而我自己就....唔...唔知呀,你地話呢!