lovelovelovelovelovelovelovelovelovelovelovelovelovelove

「不在乎天長地久,只在乎曾經擁有」,o里句說話係我字典裡完全唔承認

我份人比較長情,唔好話對人,對一件事物都係,所以我每次拍拖都好認真,絕對唔會玩弄感情

我覺得鍾意一個人,隨左想佢開心之外,還好想佢在自己身邊,可以分享我既喜怒哀樂

我o里D唔叫自私,唔係霸佔,只係自然反應,當然如果佢唔想既,無人免強到

不過如果只係曾經擁有過既,咁就係一個唔完美既結局,總係有點遺憾......

通常D人話初戀係最刻骨銘心既,初初我都覺得係,但後來發覺,

原來自己最鍾意既先至最難忘,以我最鍾意既...當然係我以家既男朋友啦

我同佢拍拖都兩年幾啦,係我覺得最得既一次,因為來得自然,拍得自然

同佢一起我唔會感到拘緊,而且佢比到我足夠既安全感,我地仲非常之"甲"tim

可能因為大家性格都幾相似,咩都可以講,而且我無聊時佢會陪我無聊

連一隻臭襪都可以玩一餐,不過唔知會唔會有時關係太close,反而唔好呢

咁咪留唔到一個完美既印象比佢囉,不過算啦,

唔通拍左兩年幾拖大家仲相敬如賓咩,不過有時就是因為性格太似,

成日鬧交,大家都好硬頸,又鍾意人"乙水",不過我唸o里D都係小事o黎o者

因為以前細個唔識拍拖,搞到一獲泡,相比起以家,o里D咪算小事囉

16歲第一次拍拖,發生o係中四下學期,

當時個男仔係透過一個friend問我可唔可以做佢女朋友,

以家唸番起都覺得怪怪的,女仔要自己追ma,點可以假手於人

不過我又受wor,因為其實我一直都暗戀佢

事原有一次唱K活動之中認識佢,然後對佢一見鍾情囉

不過我地關係非常之拘緊,還記得拍拖第二日便是學校陸運會,我地一起"答"車去

途中我地竟然只得一兩句說話...非常之生疏,比朋友關係還差

平時我地在學校見到面都好似唔識咁,唔會打招呼,食lunch又唔會一起

佢好似想玩地下情咁,不過其實我好唔開心,我心唸我係咪唔見得光,既然係拍拖

點解一D拍拖感覺都無,因為佢只會憑禮拜六打電話比我傾計,最開心有一次

我要背默「也許」這課書,佢話如果我拿到100分會送禮物比我,結果我真的拿到100分

不過唔開心總比開心多,不過其實唔怪得o西佢既,因為我知我都有問題

我唔應該咁內向,佢鍾意人活潑,但我就偏偏悶親佢,佢曾經叫我對佢熱情D,但我做唔到

到最後佢對我無o西feel而分手了,但我真係好唔開心,因為那時真的好喜歡佢......

到了第二次拍拖,是在中四下學期尾聲,聽聞隔離班有人暗戀我

經我朋友報串之下,其實我巳心裡有數

有一日放學後,步出課室沒耐,他走來我身邊對我說有野同我講

其實那時我巳陰陰嘴笑,行了幾層樓梯佢先敢開口同我表白

最後我答應了佢,佢開心到彈起呢...

至o個日開始,我才感覺到戀愛既感覺,佢一直都對我好好,好遷就我

我想去邊佢都會帶我去玩,我完全感覺到被愛錫的滋味

佢一向都係個乖乖仔,不過我又成日免強佢晏D番屋企,又迫佢陪我唱K

到了暑假,我地一起補習英文,我還和他走了一次堂,唸番起真係唔好意思

不過時間很短暫,幾個月後我地分手了,或者一開始便是錯

因為我始終忘記唔到以前的男朋友,所以我承認係我自私,咁對佢實在唔公平

我以為同佢一起後可以忘記一切,但後來發覺原來做唔到......

過了兩次校園式既戀愛故事後,中五畢業了,我出來找第一份工作

認識了我第三個男朋友,他是我的同事既表哥,他真是一個不節不扣既壞情人

佢一向都好多女朋友,而且是黑社會,不過他說會改好,而且用盡甜言蜜語"乙水"我

因為他說話很了得,最後我做了佢女朋友,但每次同佢出街都好緊張,而且唔多說話

佢問點解對住自己男友都咁緊張,其實我都唔知點解,可能從未同過leeD人拍拖掛

而佢又成日用D電我既眼神望住我,令我更加不知所措,雖然佢每晚都會打電話來報到

但我感到佢只係當循序咁,唔係發至內心,打完比我咪繼續落D囉,

所以lee段唔健康既感情只係維持了一個星期多D,佢話初初因為覺得我好得意

好乖乖女feel,所以想同我一起,不過耐左就覺得好似拖住個妹出街咁

最後佢都係識左第二個,不過佢話我係咁多個女朋友之中最乖既一個......

無幾耐,佢就過了英國讀書了,不過可能大家相處既時間唔算長,所以唔係幾hurt

之後,我參加了展翅計劃,識了一班好朋友,也在裡面認識第四個男朋友,

不過可以話開始得好被迫,初初只是對大家有好感,不過完全被旁人察覺到

所以我D朋友就做o西紅娘,幫我地lee段咁曖昧既關係,不過我巳經同過佢地講想順其自然

不過佢地都不停迫個男方同我表白,場面非常尷尬,而最後都成事了,

不過拍拖後佢對我很冷淡,反而做朋友時對我好得多,所以只係維持了短短兩個禮拜

不過幸好我地以家做得番朋友,一班朋友約出o黎都唔會面左左

不過分手未嘗唔係好事,如果唔係我又點會同到現任男朋友一起,其實佢都是在展翅識既

不過我一直feel唔到佢暗戀我,佢係展翅當中最靚仔的,我從來都無唸過靚仔會有我份

有一日的夜晚,佢打比我傾電話,我o個時巳經覺得奇怪,因為佢從來都無打過比我

傾了很久,佢終於鼓起勇氣講佢想講既野,佢謀左好耐先有機會說lee句說話

最後都不往費佢既心機,之後既日子佢一直都對我幾好

由其是初期,可能因為佢愛我多過我愛佢,對我特別好,日日都陪我周圍去

差點花光了他的錢,以前常常一起躲懶唔番工,最後因為大家都知道過了火

而且以家大個了,唔可以成日玩玩下,每一日都要番工和做其他鎖碎事

所以見面時間少了,每個禮拜見得一兩次,因此會更加珍惜見面的時間

有時有D特別日子,請一兩日假去玩巳經好難得和開心了

以家既日子總算過得不錯,希望可以繼續維持落去

而這第五個男朋友,也希望是最後一個