目的係為國內貧困、偏遠山區既兒童籌款呀~~~~~~
你估我哋係十個鐘個內，完唔完成得到呀啦---------------------------------------------------------------------------17-8-02
我的興趣…………
行山（……讀中學時參加過愛丁堡獎勵計劃，考過銅章、銀章，當我好唔開心既時候，我鍾意一個人去行山架，行山個種寧靜感覺好舒服，係我轉換心情、減壓既好方法之一。）
打壁球（……打左幾年，之後轉左打網球）
網球（……打左一年倒，之後又轉左打羽毛球）
羽毛球（……又容易又多人玩既一個運動，比較容易約人玩）
採單車（……曾經失業左一段時間，係個段時間裏面，個人好down，我好鍾意係夜晚採單車去吐露港，訓係個啲石上面睇星星，聽下收音機，有啲風吹埋黎，好舒服架，可以忘記晒啲唔開心既野，個陣時吐露港都未填海，依架唔同晒 lu，而且我部單車都卑個啲無良賊偷左，已經係第三部啦，以後都唔再買）
跑步（……入左救護訓練學校培養出黎既興趣，依架都有keep 住跑架，4800米最快時速係 20分15秒，參加過渣打馬拉松，跑 22km 用左 1小時58分。唔開心既時候，跑步都係我轉換心情、減壓既好方法。）
旅行（……我鍾意成班朋友一齊去旅行阿，大家一齊有講有笑，人與人之間距離好近，感覺好舒適，心情十分之輕鬆，我既最高記錄係，一年去左四次旅行，不過都係東南亞團）
打 war game （……好玩阿，夠晒緊張刺激，不過唔鍾意同啲改左槍既人玩，上次卑個啲三唔識七既人射到鬼咁痛，佢哋啲槍一定改過黎啦，依架唞暑，九月再開戰）
划艇（……嘩！犀利，我參加左某某划艇隊，教練話阿，如果我成績好既話，可以代表艇隊出賽喎，不過，佢好似同個個都係咁講喎，而且我岩岩先開始學咋喎，不過我都有玩開划艇機既，試過划5000米，最快時速用左 21分30秒，嘩！划完之後個種辛苦法阿，真係非筆墨可以形容，直程企都企唔到起身，個人暈下暈下咁，唞氣又勁辛苦，遲啲會係沙田城門河到訓練）
爬龍船（……係外展訓練學校玩過，幾好玩架，要划得好要好合拍先得架，如果唔係會好似條蛇咁，最搞笑一次就既，爬到海中間沉左，因為啲重既人坐晒係後面，搞到唔平均，後面猛咁入水，結果咪……）
帆船（……嘩！勁好玩阿，都係係外展玩架，十幾人控制一架船，好緊張刺激架，想要去到你既目的地，都幾難架，真係要睇天氣做人囉，大風既話，嘩！好恐怖架，架船會傾斜 45度，好似就返就返咁，你都咪話唔驚，無風仲慘，試過有一次全日無風，搞到要用人手去划，個支船漿好重好大支架，爬到手都起晒水泡阿，唔爬又會比啲水流沖唔知去邊喎）
潛水（……依架學緊，係水底游來游去果種感覺好 free 好 free，利用自己個肺黎控制上升或下沉，好得意架，好似自己係一條魚咁，估唔到著左對蛙鞋可以游得咁快個喎）登登…登…登，我九月份參加左外展個 15日課程阿，到時又有得玩，我最鍾意都係揚帆出海，好期待阿，唔知會唔會有機會見到你呢？？----------------------------------------------------------------------------- 4-7-02 ------
Hi 各位朋友仔: 近排比較忙，所以少左上黎，我依架學緊潛水阿，六月份有個升級試，依架開始溫書。九月尾有個15日既外展文憑課程阿，我想玩阿，希望可以調到大假去玩啦，之前玩過8日課程，都幾好玩，今次再激啲。-------------------------------------------------------- 12-5-02 ------
救護員一名，好人一個，最鍾意去旅行，唔鍾意人食煙，唔鍾意人講粗口，最怕做跳樓 case, 好驚做心肺復甦法時聽到骨折聲。