中三 summer
其實中三個SUMMER做過D咩,我已經唔係好記得∼我想講0既係,呢個SUMMER打0既一場分齡賽,0係青衣對劉金龍∼
好記得我地0個日0既心情係好輕鬆,因為劉金龍係一隊新隊,我地以為佢地好弱,所以並唔緊張!而0個次亦係我第一次覺得我地輕敵∼
估唔到,佢地打得幾好∼同我地D分咬得好緊∼記得去到下半場,比數係7:6,我地領先緊1分∼劉金龍進攻,佢地0既走位拉空左我地中間0既防守,佢地有個球員就跳起諗住遠射,咁我就走埋中間封佢啦,點知又唔記得舉手封佢∼佢個手肘就打左落我隻眼到喇∼0個刻0既感覺係隻眼比人”鍾”左一拳,打唔開隻眼∼但一D都唔痛∼過多一陣,覺得好似打得番開隻眼,咁就放開手打開隻眼望下野,第一眼見到我個FRIEND,佢就好驚咁嗌:”丫∼唔得喇∼”個女球証就叫我出場邊,我到0個時都未知發生咩事∼
出到去,場邊0既球証就叫我訓低幫我止血,原來我爆左眼角∼個球証都已經玩到熟晒0家喇,佢叫小磨轆,好鬼搞笑∼佢幫我止血,之後唔知邊個話:”冇咩事0既,入醫院聯2針就OK0家喇”我勁驚,冇諗過係要入醫院喎,因為驚比阿爸鬧,就喊左出0黎,小磨轆叫我唔洗驚啦,話冇事0家∼佢又驚我熱,就叫人拎把風扇仔幫我吹∼又驚個地下熱得滯,就抱起我去觀眾席0個邊等白車到∼(0個次係我第一次比人用2隻手抱)
我個細(亦係好好朋友)就陪我去醫院,搭搭下白車,我都係忍唔住喊,因為好驚爸爸唔比我打波∼之後我見到佢都喊呀,(呢次應該係我第一次體會咩叫與我同哭),之後就入左急証室∼我阿哥同阿爸都飛的0黎到,我阿爸一直拖住我,等我唔洗咁驚(0個刻真係好WARM!),最尾,就要0係間冰房到聯左2針,仲要冇得打麻醉針就咁聯喎∼出到0黎成身都冰左∼
之後出到大堂,見到佢地成班都0黎晒∼真係好感動0家∼0個刻就係我FEEL到自己係萬千寵愛在亞一身0既一刻∼可惜我阿爸吹我番屋企,如果唔係我真係想繼續同佢地傾多陣先∼
番到屋企,就收到好多CALL同電話問我有冇事∼
呢D就係叫塞翁失馬,焉知非福∼若果唔係咁樣入一入醫院,我都未必咁FEEL到佢地係咁關心我,所以我一定唔會忘記呢一次遭遇...