野獸派之後, 法國有畢卡索為首o既立體主義，幾乎o係同時o既德國就有表現派(Expressionism)興起。1909年， 表現派o既畫家們首次在德國o既德勒斯城組織團體"橋派"。1911年， 康丁斯基(Wassily Kandinsky)同馬爾克(Franz Marc)o既德國慕尼黑地區組織"黑騎士"o既美術團體，標榜表現主義從事繪畫創作。亦可以話表現派o係由"橋派"同"黑騎士"結合而成。依年代o黎看，就係o係第一次世界大戰後期，表現派o既畫家們看見戰爭  o既殘酷，一切一切都被戰爭摧毀。因此，他們開始批判o既角度來探討物體o既本質，否認眼睛所看到物體o既姿態，而注重物體在眼中所表現出來o既樣子。因為每個不同o既人所看o既物體會有不同o既體會，自然每個人所描述同表現o既方法亦唔同，所以表現派係極端主觀o既個人主義，佢o地係寫意而不寫實，象徵而不表象。表現派與野獸派一樣注重使用鮮豔o既色彩，當然同野獸派唔同o既是他們絕對唔會讓你輕易了解，因為每一個人都唔會對同一件物體有完全一樣o既看法，你不是他。雖然表現派冇好似野獸派出現特別了不起o既人物，不過佢o地對二十世紀中期以後o既現代抽象主義(Non-figurative Art)具有深刻o既影響。

表現主義係從印象派演變、發展而o黎，係對印象派忠實地描繪現實o既悖逆。同時，佢同德國歷史上o既民族傳統有內在o既聯繫，佢繼承o左中古以來德國藝術中重個性、重感情色彩、重主觀表現o既特點。在造形上追求強烈o既對比、扭曲和變化o既美。