感謝好友yoriko提供消息及內頁相片!~~
安藤政信《赤影》 新忍型一哥
日本電影一向唔鍾意「侵」後生仔玩, 數得出o既大片男主角唔係高倉健就係 織田裕二, 全部三張開外, 不過呢個慣例終於被《大逃殺》殺人王安藤政信打 破。今年本土暑期電影除宮崎駿的《千與千尋》惡晒, 就輪到由安藤飛《赤 影》, 雖然此類忍者題材未必人人o岩睇, 不過安藤憑住戲中幾個忍者look,「忍 忍」下就奠定電影男主角地位。
江湖別號: 北野武愛徒
安藤政信加入影壇, 可以話係北野武一手提攜。96年安藤參加武叔電影《壞 孩子的天空》Casting, 當時武叔被佢「唔似明星」表現吸引, 所以搵佢做男 主角。結果信仔不負恩師厚望, 憑此片贏得多個電影新人獎, 至今同武叔依然儼 如師徒。
拍日劇? 唔希罕
雖然安藤政信有做idol條件, 不過並冇選擇一條idol常走路——拍日劇 廣告。佢大大話話已經拍過10部電影, 不過日劇就少得可憐, 只有《朋友之戀 人》、《聖者之行進》及《青之時代》。連最易執廣告, 佢亦只係拍過 DoCoMo。原來安藤初入藝能界時戇下戇下, 連自己想做什麼都唔知道, 不過拍了 《壞孩子的天空》之後, 條戲癮就撩左出, 加上拍過幾部日劇之後發覺自己唔 鍾意拍電視劇, 就決定唔再接公仔箱工作。
欽點做《赤影》
安藤不乏演戲機會, 不過講命水又未算好好。佢甚少參與大製作演出, 《鐵 道員》大收咩? 功勞好似唔多關佢事; 《極盜狂熱份子》夠話題性咩? 又俾金城 武行先, 唯獨今次呢套《赤影》先跳出以往框框, 既係大製作, 又做男主角。 《赤影》其實係60年代人氣時代劇, 依家拍番電影版, 導演中野裕之原來一早 已經想同安藤合作, 所以今次開戲指定要搵佢做男主角。難得導演咁厚愛, 信仔係大熱天時處男下海著古裝都要啦。
《赤影》故事 (8月11日全日本東映系公開)
1545年, 戰亂之世, 人人爭相統人天下, 被有力者操縱忍者無奈展開連場 殺戳。戰禍連年下, 影一族領袖白影 (竹中直人) 只死剩3名後繼者: 赤影 (安 藤政信)、青影 (村上淳)、飛鳥 (麻生久美子)。忠心影一族向以「統一天下 為己任」為家訓代代相傳, 但眼見自己家族人丁越來越單薄, 赤影一邊進行任 務, 但又禁不住心中疑惑。