燒野食是秋天的例行節目,
在吃吃喝喝之餘，也可利用各種
BBQ 食物作占卜，看看你在愛情，學業與金錢的態
度和運程。
（在以下A、B、C
三組食物中, 每組選出一項食物，不要想太久，憑您的直覺選出便可。）
Ａ組 論愛情觀
選擇 ∼
1.
棉花糖
2.
雞翼
3.
魚旦
4.
雜菜
解話
∼
棉花糖
激烈浪漫型
棉花糖細細粒甜甜地，但一Ｄ都唔易燒，要燒到漲卜卜，外面脆脆地，裏面又甜又滑，真係要眼明手快。
您追求甜蜜的愛情，是浪漫主義者，為了一剎那的激情您可以訓晒身，但激情過後，您就會覺得沉悶。
雞翼
愛情至上型
雞翼是ＢＢＱ中的皇牌，點都唔少得，而且燒一隻靚雞翼絕對唔易，由開始叉雞翼到燒到外香內滑，食時
又麻麻煩煩，都好費工夫。
愛情是您生命很重要的部分，不可或缺，對於追求理想的愛情，您會好用心，幾辛苦都唔怕，最終都會有
一段刻骨銘心的愛情。
魚旦
但求就手型
魚旦彈牙，一次過燒幾粒，有粒燒得唔靚掉了也不覺可惜，轉頭又可燒過。
對您來說，愛情是但求就手，大家開心就得，合則來不合則去，唔鍾意咩？就換畫囉．您的愛情即食類
型，分分鐘一腳踏幾船也沒所謂。
雜菜
細水長流型
不少人覺得ＢＢＱ要大魚大肉先夠惹味，但其實燒雜菜亦有另一番風味。
食落去好似冇乜味，但嗒真Ｄ就會覺得清甜鮮味。
您追求的是平平淡淡的愛情，看似沒甚麼火花，但二人其很有默契，是細水長流，感情細膩的愛情。
B組
論學業
選擇 ∼
1.
金沙骨
2.
香腸
3.
牛扒
4.
麵包
解話
∼
金沙骨
上進學生型
燒得靚的金沙骨固然好食，但唔係人人肯去燒，因為實在太花心機，要好有耐性慢慢燒下燒下，少Ｄ
耐性都唔掂。
您是個勤力好學生，為了追求卓越成績捱更抵夜都在所不計，有野唔明就會尋根究底。
香腸
練精學懶型
通常大家一埋位肚餓時就會燒住兩條腸食，又快又好味。
您讀書有些小聰明，不過唔會太勤力，好多時都係臨急抱佛腳，或者鍾意刨一些精讀天書，有時撞彩
成績也不會太差。
牛扒
得過且過型
牛扒鮮味得來，燒時不用太花心機與工夫，燒得唔夠熟又食得，燒熟Ｄ又可以，冇乜所謂。
您讀書都幾隨意，讀得幾多得幾多，但求過到關就得，有時未免太過馬虎，得過且過。
麵包
填鴨學習型
麵包加Ｄ密糖真係好香口，但要烘得啱啱好就要加倍細心喇。
您讀書好仔細，一字不漏，所以考試好少會睇錯題目，不過這樣的讀書方法好易變成死讀書，不求甚
解，但求隻字都睇過或背晒就算。
C組
論金錢觀
選擇 ∼
1.
墨魚丸
2.
蕃薯
3.
粟米
4.
帶子
解話
∼
墨魚丸
財來財去型
墨魚丸爽口又鮮味，一粒粒食下食下唔多覺就食咗好多粒。
對於錢，您覺得賺得來花得去，會好努力地搵錢，但出手也絕不手軟，轉眼間又花光了。
您不太懂得理財，但幸好識得搵錢，財來財去，沒甚麼積蓄，但起碼搵到錢使。
蕃薯
穩穩陣陣型
蕃薯通常都是放在爐裏慢慢煨，煨得甘香的蕃薯是ＢＢＱ中的壓軸好戲，但有時唔記得就會變成一舊炭。
對於金錢您採取保守態度，穩穩陣咁儲起來，不作冒險的投資，只希望到最後有一份不錯的積蓄就夠了。
粟米
知慳識儉型
煨粟米唔難，但食就好麻煩，有人嫌佢黐牙，有人話唔知點食。
您是一個慳儉之人，拿著一筆錢可以慢慢花，投資會作長線投資，寧願回報遲Ｄ慢Ｄ，總好過冒太大的
風險去搏．您未必會發大達，但至少不用為錢擔憂。
帶子
應使則使型
帶子是BBQ食物中較貴的食物，可口鮮甜,要燒得好味都幾講究。
您對生活的要求較高，但不是大花筒，只會花錢在優質的東西上，應花則花，投資也頗有眼光，會有不
錯的收入。
燒完野食，都係時間要磅下重喇．．
順道在這裡看一下你的身高和體重是否仍合比例？
請先欄中位置輸入你的身高和重量吧！再用滑鼠click向開始診斷按鈕便可．．
警告：本標準體重指數計算器只可作為一個遊戲參考，計算出多少及結果，
準確程度無從估計，如有錯誤，本網站一概不負上任何責任！