影碟規格 

Specification

區域及公司
All Region
Aftermath Entertainment

畫面比例
-Fullscreen 4:3

全營幕
DVD5

單面單層

聲音規格
英語

Dolby Digital 2.0

字幕

無

特別收錄
額外現場表現

-Purple Pills (feat.D-12)

-Forgot about Dre. (feat.Dr.Dre)

影片年份

2002

未開始碟評, 首先要向各網友警告一下. 呢隻並唔係演場會DVD. 為免大家買錯碟, 再講一次呢隻並唔係演場會DVD.

Eminem可算係現時美國最紅既Rapper. 佢既新戲8 Mile美國開畫勁收近六千萬美金, 佢最近既大碟Eminem Show同8 Mile既電影原聲碟銷量千過百萬張. Eminem成功既原因除左出色既Rapping技巧同受爭議既歌詞之外, 某程度上同佢既出身都有D關係. 一個白人居然可以憑自己既本領, o係黑人主導既Rap音樂界打出名堂. 加上佢既私生活簡直同真人show無乜分別, 屋企個老母啪丸當食飯, 同老婆D關係又離離合合幾廿暈, 又成日被差人拉. 都令到佢見報率勁高. 不過Eminem既歌又真係幾有話題性, 一半好似講緊佢自己身世既故事, 一半又確實同現實生活某D人既遭遇好相似, 聽得好有共鳴. 當然唔少得用佢既歌詞黎攻擊某D名人, 四圍撩起火頭啦. 因為呢D原因佢既Fans遍佈世界各地. 呢隻DVD就記錄左Eminem舊年歐洲巡迴演唱會既過程同實況.

第二次翻睇呢隻DVD, 依然覺得內容好空洞, 直頭係<環宇風情:Eminem版>.套片既模式係逐個逐個播出各個城市演唱會既花絮片段, 包括阿姆斯特丹, 巴黎, 倫敦等八個城市, 當中夾雜Eminem既訪問; 歌迷既反應; Rap友對草實錄; 當然仲有現場表演片段. 但係片長只得78分鐘, 扣起opening credit同end credit, 正片得七十分鐘左右, 即係每個城市cover既篇幅係十分鐘唔到, 每段片又樣板式地先影影當地風景, 再影影隨隊黑人rap友D痴線野, 隊下草, 溝下女, 口花花咁. 主角Eminem出場有限. 現唱會Live既片段又少, 唯一一隻Full Length唱完成首既歌得<Stan>,其他既都係得半首或者幾句, 又一隻仲離譜到用Album version夾演唱會畫面. 唯一值得一睇既部份係Eminem旗下Rap組合D-12既成員Proof既一段Free Style(即諗即Rap) 既表演同埋片尾出credit既時播出Eminem講述成為Rapper經過既聲帶. 其餘既時候就……有想回水既感覺.

畫質

首先隻碟係DVD5, NTSC全區, 但係就只得4:3 Fullscreen. 都唔緊要, Fullscreen都可以好靚, 不過隻碟唔係咁. 首先紀錄片限制下, 拍攝既模式較多. 同又DV, 又16mm, 又黑白. 但係畫質就真係好差, 用DV拍既D雜訊都多到嚇死人, 完全無Remaster過咁. 更加唔好提D 16mm拍既啦. 微粒勁粗. 由其台上表現時有噴霧時最明顯. 成套片大部份又打燈不足, 令到情況更加嚴重. 比起Eminem之前出既MTV DVD畫質差好多倍.

音質

聲效只得2.0. 現場表演時尤其出現問題, 因為演唱會有成幾個artists一齊rap, 加埋D音樂mix埋, 亂到飛起. 幾樣mix埋, D rap又唔係易聽, 真係幾難聽得到. 又因為2.0關係, D Hip Hop音樂既Drum and Bass完全feel唔到. 睇演唱會連現場感都無. 最後全碟無任何字幕, 完全係英文Listening大挑戰.

特別收錄

Special features就有兩首額外現場表演, 分別係同Dr.Dre一齊rap既<Forget Abour Dre>同埋featuring D-12既<Purple Pill>. 除此之外, 仲有約長三分鐘既相片集. 最後係DVD既製作名單.

總結

真係非常失望, 製作又差, 完全呃錢感覺. 主要都係想睇Eminem既Live Performance, 點知呢方面甚少. 我諗除左死硬派Fans之外, 無乜人會有興趣啦.

畫質:

音效:

特別收錄:

抵買度:

(為滿分)

回前頁