|
影碟規格 Specification |
Crying Freeman 淚眼煞星 | |
區域及公司 Metropolitan Film&Video
畫面比例 DVD9x2 單面雙層x2
聲音規格
Dolby Digital 5.1
字幕 法文
特別收錄 製作特輯 訪問 幕後花絮 故事版 刪剪鏡頭
電影年份 1995
|
同人講<淚眼煞星>, D人既反應通常都會係兩極. 一係會話係池上遼一既經典作, 正野. 一係會話:「依! 咁咸! 」. 無錯當年小弟細個如果發現身邊朋輩睇<淚眼煞星>既漫畫都會報以後者既嘲笑. 不過大個左, 見識多左, 亦都接觸過池上遼一其他既作品, 好似<英雄本色Sanctuary>, <男組>, <赤鳩>等, 發覺漫畫中裸露既部份都係劇情需要, 賣弄當然有, 但係點都未至於咸既階段. 池上老師眾多作品入面, 講到淒美浪漫, 始終係<淚眼煞星>最突出. 係, 咁多年後我終於發現<淚眼煞星>其實係一個動人既愛情故事, 當然當中仲有動作同宿命等成份啦. 故事大致上係講香港幫會-八百龍有一個外號叫「自由人Freeman」既超級殺手. 一次暗殺中Freeman整個刺殺過程被女畫家日野繪霧目睹. 日野被Freeman殺人後眼角不自覺流下淚水既淒美情景所吸引, 因而對Freeman產生愛意. 而Freeman 卻因為被日野看到樣貌而要殺人滅口. 加上八百龍同日本幫會既衝突同一個貪污警察既介入. Freeman同日野四面受敵……
<淚眼煞星>既故事其實已經被拍過好多次, 淨係香港就已經改編拍過兩部, 分別係許冠傑做既<紅場飛龍>同任達華既<浪漫殺手自由人>, 成績都係普通. 今次由加拿大同法國既電影公司合拍, <Brotherhood Of The Wolf狙魔特攻>既法國導演Christopher Gans改編同樣既故事就比較出色, 不過受成本所限, 始終未能夠將原著既華麗同國際化既場景表現出黎. 但作為咁多部改編<淚眼煞星>既電影黎講, 呢部算係拍得最好, 最忠於原著既一部. 雖然成本少, 好多漫畫著名既場面, 好似Freeman刺殺日野不遂被山口組伏擊; Freeman被八百龍頭領刺青等場面都同漫畫無乜分別. 動作場面都亦拍得似無似樣, 導演運用大量慢鏡去表現動作場面既爆炸力. 男女主角就簡直同漫畫既造型一模一樣, 男既有型女既美艷, 唯一分別係無漫畫著咁少衫. 值得一提本片既剪接居然係我地熟悉既胡大為. 胡大為係邊個? 咪係同阿燦一齊做<笑星救地球>果個. 做返本行剪接居然衝出國際, 厲害厲害!
畫質 法國版既DVD果然名不虛傳, 咁低成本咁冷門既戲, 畫質一D都無馬虎. 首先套戲原本既2.35:1銀幕比例當然用左anamorphic處理. 影片亦都明顯re-master過, 一D菲林損壞既痕跡都無, 不竟套戲都已經係1995年既作品. 其次畫質非常清澈, 非常有層次感. 除左有幾場戲可能因為用Super35既菲林去拍, 而造成微粒粗左D之外, 大部份時間都非常清晰. 顏色處理亦都好實淨, 黑位一D都唔會曚. 總括黎講一個字-靚.
音質 音效選擇方面有法文配音既DD5.1聲軋同埋原裝英文對白既DD5.1聲軋. 由於係法國版DVD既關係, 聲軋同字幕如果無選擇就會自動default左法文, 有D唔方便. 至於英文DD5.1聲軋既表現, 以低成本戲黎講算唔錯. 動作場面既音效設計幾好, 好似鎗聲同爆炸聲既定位都唔錯, 係少左一D低音. 值得一讚配樂同對白分得好清楚, 就算片中多國口音(特別係日本口音) 既英文對白都非常清楚, 唔會同配樂mix埋. 唯一不便係全片並無英文字幕, 只有法文字幕, 加上就算原裝英文聲軋亦都夾雜其他方言, 好似廣東話, 國語同日文, 作為香港人廣東話同國語當然無問題, 不過其中一場戲全段都係日文對白就會有D唔明. 不過淨睇動作同語氣都明七八成, 況且日文對白出現比率較高都只係呢場戲, 其他時候都係英文對白為主.
特別收錄 作為全球限量五萬套既特別版, 同普通版既分別, 只係多左一本56頁既電影特刊同一個硬紙套入住隻碟同埋本書仔. 當然限量編號呢D可以保值既野當然唔少得. 或者會有個疑問, 法國版DVD既特別收錄都係用法文, 咁咪同韓版碟特別收錄淨得韓文一樣, 得物無所用? 其他法國版碟可能有呢個問題, <淚眼煞星>既法國版DVD, 因為係多國合資關係, 所以有大部份既特別收錄都係用英文對白, 不過當然同主片一樣淨係得法文字幕啦.
言歸正傳, 先講Disc1. Disc 1既Special features淨得導演既commentary同埋隱藏<狙魔特攻Brotherhood Of The Wolf>既法國版預告片. 由於commentary係法文關係又無英文字幕, 所以報導到此為止. 輪到Disc2. Disc2既收錄分為Pre-production, Filming同Post-production三部份. Pre-production既收錄有:
Filming就收錄左四段製作特輯, 分別係<Report On The Set>長約五分鐘(英語法語夾雜); <Promo Footage>全英語對白長約七分鐘, 主要內容係sell部戲; <Back Stage Footage and Interviews>長二十分鐘(英語加法語對白); 最後有三十幾分鐘既<B-roll>拍攝花絮, 全部英語對白. 最後Post-production就收錄左兩條Deleted Scene<Booby Trap>同<Tokyo Hotel>(英語對白). 一段有關<Editing>既特輯, 法文Text講解係有長九分鐘既訪問(英法語對白). <Generic Production>既法文Text收錄, 然後有講Opening credit既Story Broad同拍攝解構(無對白). 同埋兩條本片既預告片.
總結 呢套限量雙碟版既DVD已經絕左版, 如果有興趣既可以買普通版既雙碟版, 只不過少左本書仔同紙盒. 以超低成本拍出咁好既效果, 鐘意<淚眼煞星>既朋友可以一睇, 不過唔好買英國既DVD版本, 因為英版係Pan and Scan全螢幕既版本. 老實講, 本片最靚既DVD版, 就梗係法國版啦. 畫質: 音效: 特別收錄: 抵買度:
( |
