|
影碟規格 Specification |
龍火 Dragon Heat | |
區域及公司
畫面比例 無anamorphic 單面單層
聲音規格 國語 Dolby Digital 5.1
字幕 繁體中文 簡體中文 英文
特別收錄 無
電影年份 2001
|
好耐都無試過睇戲咁燥.呢套<龍火>, 龍火就無, 把火就有. 由葛文輝導演既本片, 劇情基本上係無劇情, 講一個癲癲得得既日本妹同癲癲得得既葛文輝由日本去北京途中既事.點解要去? 點樣去? 點解要經香港去? 點解葛文輝一個香港人去左日本? 全部無解釋. 淨係影住兩條友做埋D白痴野. 同一句對白夠膽死連續重複十幾次都唔停, 仲要係D無聊低B對白, 好似乜野中國人有中國人既傳統.又唔解釋咩傳統, 淨係重複呢句野十幾次. 最氣頂最煩既係葛文輝都唔知痴乜線, 成部戲用DV拍, 但係條友就不停燃鏡頭, 一時放正常DV片, 一時用唔同比例放用DV拍monitor既同一場面; 一時反白, 一時黑白; 一時成個畫面變黑, 又Hand-held, 鏡頭又拍埋D無厘頭角度. 我唔係講緊間唔中出現呢D鏡頭, 係每五秒不停重複以上所有技巧, 所以個畫面就係咁閃閃閃, 眨眨下. 簡直精神虐待, 睇完唔盲近視都多兩度. 好彩唔係戲院睇, 唔係戲院都拆左佢. 依家我都睇到想打爛部電視. 難得連張學友都同佢癲, 客串做艇家, 仲有莫文蔚, 馮德倫, 袁詠儀, 鄭伊健, 草蜢等客串, 不過幾多明星都無用, 你根本都睇唔清楚佢個樣. 真係小喇叭…..&*((*^@&%#^$^
畫質 由於先天關係, 根本無畫質可言. 不停咁眨, 都睇唔清楚靚唔靚, 不過淨係睇放正常DV片既時候, 畫質都唔多好. 無層次, 無details, 連顏色都淡都飛起. 絕對係差.
音質 有原聲DD5.1同國語5.1揀. 由於成套戲大部份時間都係一條友獨白, 所以無音效可言. 5.1亦都係果隻五隻喇叭一齊出聲既假野. 音質個半分係俾國語聲軋既, 雖然同樣咁差, 國語配音絕對好過原聲, 因為原聲個日本妹把聲真係好煩.
特別收錄 無, 乜都無.
總結 無論如何都唔好睇呢套戲,就算電視免費做都唔好浪費時間. 係我心目中呢套已經超越刀劍笑成為我睇過最最差既電影. 千祈唔好租/買/借呢套戲既DVD同VCD. 除非有條友你好憎, 可以考慮送俾佢做禮物. 畫質: zero 音效: 特別收錄: zero 抵買度: zero
( |
