|
影碟規格 Specification |
Ghost World 痴孖妹 | |
區域及公司
畫面比例
聲音規格
字幕 英文 法文 西班牙文
特別收錄 刪剪鏡頭 預告片 Music Video
電影年份 2001
|
淨睇中文戲名可能會以為<黐孖妹>同<黐孖B>(Beavis And Butthead) 係差唔多既野, 又係個D對草對到痴痴地, 乜都唔識, 淨係識睇電視聽Rock既低B一代. 實情係呢對孖妹非常有主見, 有時比所有人更看得透, 更洞悉世情. 故事講一對平日四圍寸寸貢, 剛高中畢業既靚妹, 準備踏入人生另一個階段前暑假既故事. 其中一個靚妹Enid特別與眾不同, 鐘意印度電影, 聽舊七十年代另類音樂 (仲要係黑膠). 一日整蠱鄰居中年怪人Seymour, 以為佢又係D變態寂寞的心. 點知發現原來Seymour D Taste非常特別, 亦愛聽黑膠, 性格仲有D似Enid. 於是Enid同Seymour成為好友. 兩個同是停留 (逃避) o係自己生活既世界, 同外界脫節 (定係看通外界只是一個謊言, 虛假既世界) 的人, 一起渡過一個難忘既暑假, 暑假後兩人亦踏上人生既另一步. 淨聽故事可能會悶親人, 但係其實成部戲個Tone都好colorful, 好有深度. 探討既課題好多, 亦都好發人心省. 淨係片中時常出現既”What you see it’s not what you think” 既主旨, 就有夠思考. 各個角色真實得黎又好抵死, 好似一個長期o係便利店打躉既雙節棍男人曬到成身紅色但係淨係曬淨個背心位, 又好似Seymour個班收藏黑膠既Friend, 古怪得黎可能你身邊都有一個. 飾演Seymour既Steve Buscemi (曾經演過<Armageddon絕世天劫>既石狗公) 同飾演Enid既Thora Birch (<America Beauty美麗有罪>演Kevin Spacey女兒) 都演得非常之好, 將一個本來好乞人憎既角色演得可愛又真實. 誠意推介鐘意睇另類片既朋友. 記住睇晒End Credit, 最後有段同某段戲相反既片段, 非常好笑. 畫質 本片既銀幕比例為1.85:1, 有anamorphic橫向壓縮處理. 畫質方面非常清晰, 顏色鮮豔. 除左有部份鏡頭微粒較粗之外, 可能同拍片既budget有關, 其他都無乜特別差既地方. 整體來講okay啦, 一貫美版一區水準. 音質 音響收錄為DD5.1. 由於成部戲都係文戲, 以對白為主, 無乜地方展示環繞聲既效果. 對白非常清楚, 配合輕鬆既配樂, okay啦. 全片支援英文, 法文同西班牙文字幕.
特別收錄 特別收錄唔係太多, 有大約十分鐘既製作特輯, 當中有演員既訪問, 非常普通. 仲有四段刪剪片段, 每段分零鐘. 較為特別係收錄左戲中女主角Enid開場睇既印度歌舞片既片段, 約長五分鐘, 原來印度片都幾好睇. 最後有本片預告片, <Terminator>特別版, <Princess Bride>特別版同本片soundtrack既廣告. 總結 本片淡淡既節奏可能悶親人, 但係如果你想睇套戲又有得輕鬆下又有D野諗, <Ghost World>會係唔錯既選擇. 兩個女仔D串人對白真係好抵死, 絕對值得租黎一看. 畫質: 音效: 特別收錄:
抵買度:
( |
