|
影碟規格 Specification |
GO GO!大暴走 | |
區域及公司
畫面比例 DVD9 單面雙層
聲音規格 DTS 5.1
字幕 繁體中文 簡體中文 英文
特別收錄
電影年份 2002
|
「杉原(窪塚洋介飾)在派對中邂逅日本少女櫻井(柴崎幸飾), 經過連串約會,
兩人感情升溫,
櫻井成為他的初戀情人;
然而杉原卻因為自己的身份徘徊在痛苦之中.
背景獨特的杉原是個於日本出生及長大的韓國人,
就讀於韓國人學校,
父親是個退休拳手,
自小向杉原灌輸拳法,
令他在打鬥上戰無不勝,
面對困難時意志堅定
一天晚上, 死黨正一致電告訴杉原:
我有些東西想告訴你,
實在太可怕啦,
你一定會明白.
杉原的命運從此出現了重大轉變,
特殊身份不再是一面打不破的牆.」 上面既文字係<GO!大暴走>港版DVD封底既介紹.
其實短短幾行文字好難將呢部戲既大意講得清楚.
表面上呢一部係反叛青年電影.
但係骨子裡電影又涉及好似種族歧視呢D爭議性既題材.
男主角同父親同朋友既關係又涉及親情同友情既主題.
佢既經歷又直頭係一部勵志片.
或者如男主角戲中既獨白一樣呢一部只不過係佢既戀愛故事.
不過無論從那個角度去睇,
呢一部都係一部好戲.
其實影片本身講緊既都係一D舊到甩牙既道理:
甚麼暴力唔係解決問題既方法;
甚麼世界大同;
甚麼逆境自強呀呢D老土野. 只不過透過留日韓人呢種特殊身份去說明呢D道理.
本片出色在用一個愛情故事去包裝呢D野, 令到觀眾容易入腦之餘,
亦將一個普通年青人戀愛故事既格調昇華至一個好似羅密歐與茱麗葉要排除萬難先可以有情人終成眷屬既偉大愛情故事.
演員方面, 從日劇GTO睇過窪塚洋介既演出,
覺得佢又唔靚仔演技又普通,
估唔到今次演一個憤怒青年做得咁出色.
完全無刻意扮型,
自然得黎又散發到角色應有既態度.
演杉原爸爸既山崎努亦都非常好戲,
內斂之餘, 唔聲唔聲又會嚇你一驚.
難怪兩個都係日本既電影頒獎禮得獎.
睇完部戲我會諗,
其實香港既年青人都係同樣有種特殊既國籍身份.
九七前係英國既殖民,
九七後既身份又唔知點咁,
國籍上面仲要寫China-Hong
Kong. 但相對片中男主角,
我地大部份既年青人淨係識得打機,
Shopping, 做FAN屎.
原來歧視都唔係一件壞事.
畫質 雖然封底無表明,
隻碟其實係1.85:1
anamorphic既.
畫面當然無一區既anamorphic咁好.
首先畫面只係interlaced,
銳利度較低之餘,
最大問題係人物同物件邊緣成日會出現橫線同九牙,
非常影響畫面質素.
特別係影片52分鐘一段, 男主角同友人係天橋既場景, 鏡頭一路Pan,
天橋既扶手邊就起晒橫紋.
畫面大部份時間微粒亦較粗,
背景details亦欠佳.
可取之處係顏色都算實在.
用黎做DVD既copy亦乾淨,
無乜白點同痕.
音質 音效方面有日文DD5.1同DTS
5.1選擇.
DTS同DD5.1既聲軋分別不大.
基本上兩者都無乜發揮機會,
因為大部份時間部戲都係對白為主.
唯一比較活躍既聲效係片頭一段追地鐵既戲,
其他時間後置都無乜發聲既機會.
對白表現清楚,
配樂mix得都好好.
劇情片而言,
音效表現絕對合格. 影片本身就配備繁簡體中文同英文選擇. 而每當影片出現韓文對白就有強制性既日文字幕. 唯一不滿係中文字幕既翻譯甚差, 一時勁口語,
於是會有勁CHEAP 對草
呢D字幕, 但係一時又全程書寫語用
為什麼,
的
呢D書寫語.
好難適應.
特別收錄 無,
連預告片都無.
總結 GO!
大暴走算係我今年睇過最好睇既日本片.
當中涉及既主題甚多,
值得一睇再睇.
絕對值得推介俾年青人睇.
況且港版係唯一一版有中英文字幕,
韓版都係得日文同韓文字幕,
日版連字幕都無.
所以想睇本片,
港版係唯一選擇.
電影: 畫質: 音效: 特別收錄: zero 抵買度:
( |
