|
影碟規格 Specification |
Kylie Minogue: Fever 2002-Live In Manchester | |
區域及公司 PAL制式 EMI Records
畫面比例 單面雙層
聲音規格
Dolby Stereo 2.0
字幕 無
特別收錄 演唱會背景影像 Gallery場刊 DVD Credits
影片年份 2002
|
Kylie Minoque真係好犀利, 從細細個聽Especially For You既青春玉女形像到依家既性感Disco皇后look, 橫跨幾個generation仲咁受歡迎, 真係無乜幾多個artists做得到. 隨住Kylie姐年紀既增長, 佢返而越著越少布. 不過年過三十幾既Kylie都係一樣咁明艷照人.
有D演唱會主要都係聽歌手既演場唱功, 唔係話Kylie唱得唔好, 只不過佢既演唱會除左俾到聽覺享受之外, 視覺既享受同樣出色. 今次既演唱會就收錄左佢2002年歐洲巡迴演唱會既其中一站英國曼徹斯特既全場表演過程. 全個演唱會分七個部份, 每一部份都有自己既主題, 或多或少都係用一D出名既電影作為個一part既theme. 好似第一part開場Kylie就以cyber feel女機械人look出場, 之後盔甲打開, 露出一身<太空英雌巴巴麗娜>造型閃令令bra-top, 真係淨睇畫面已經血脈沸騰. 其他part既主題仲有紅磨坊性感look, <發條橙>既後現代look, 以<Crying Game>為主題既elegant造型, 甚至連<Star Wars>同<蜘蛛俠>都玩埋, 絕對賞心悅目.
唔只造型豐富, 全個演唱會基本上全部都係節奏快既跳舞Disco beat既歌, Kylie又唱又跳, 但係絕無走音甩咀唔夠氣既情況, 當然更加無咪嘴偷懶啦. 令到全場觀眾甚至家庭觀眾都high足全場. 唔同香港歌星既演唱會, 唱兩隻已經唔夠氣, 依家仲衰到要播帶咪嘴, 咁唔professional, 真係羞家. 有時諗返香港歌星既演唱會真係失敗, 係又喊係又唔喊, 男又喊女又喊, 第一開concert既又喊, 開左幾次既又喊, 究竟係咪唔喊就唔算演唱會? 或者係咪應該叫做演喊會呢? 定係紅館近住世界同萬國呢? 相反外國歌星既演唱會就好少有喊呢樣run down啦. 講得太遠啦, 都係講返Kylie. 今次既演唱會主要都係唱佢新碟<Fever>既歌, 大碟裡面既大熱<Can’t Get You Out Of My Head>; <Love At First Sight>; <Come To My World>同<Fever>當然唔少得. Kylie其他既舊歌亦都唔少, 遠至成名作<I Should Be So Lucky>; 轉型期既<Confide In Me>到之前一隻大碟既<Spinning Around>都有唱到. 全部歌曲都有重新編排, 唔會同album既version一樣, 最驚喜既係居然將New Order既名作<Blue Monday>mix埋<Can’t Get You Out Of My Head>,令到就黎聽到厭既歌突然耳前一亮, 非常好玩, 絕對Live show感受, 唔係聽CD可以媲美. 演唱會曲目:
畫質 外國既碟評對今次既畫質普遍只認為普通. 或者佢地睇既係一區NTSC版既關係, 可能由PAL轉NTSC時有D artifacts都未定. 不過我睇既呢隻PAL版就真係一個字就可以形容-「靚」. 首先當然有靚碟必備既anamorphic處理啦. 由於係演唱會關係, 五顏六色既燈光同舞台效果就一定唔少得, 連埋Kylie同dancers又螢光又閃既歌衫, 全部顏色表現都色彩鮮豔到真係色盲既都睇到咁濟. 畫面又清, 就算Kylie企既背景係演唱會用既點陣大銀幕, 都層次分明, 絕無起格或者邊緣位起狗牙既問題. 連熄左燈台下觀眾既樣都清楚睇到, 真係無野好講.
音質 今次雖然無左Kylie上次<Live In Sydney>演唱會碟既DTS效果, 不過淨係DD5.1都足夠拆屋. 現場感非常足夠, 人聲, 音樂同觀眾既歡呼都定位得好清晰, 令家庭觀眾都有置身其中既感受. 低頻夠勁, 快歌成日有既澎澎聲既beat非常突出. 聲浪亦都夠晒大聲, 絕對炸機佳品.
特別收錄 我手頭上呢套DVD係特別版, 隨碟附送呢次演唱會既CD, 收錄左14首演唱會裡面既歌. 不過有咁靚聲既DVD, 隻CD既作用好似有D多餘. 其餘既特別收錄就普通版特別版都共有既. 首先重頭戲當然係長34分鐘既紀綠片. 成段片記錄左Kylie今年由製作Fever大碟到開呢次演唱會既過程. 開頭仲有分零鐘剪輯左Kylie出道至今既MTV既片段, 佢真係十幾年都keep得咁好喎.
其他既收錄有總長25分鐘演唱會時候背景銀幕打出黎既影像收錄. 同埋用gallery形式收錄既演唱會場刊.
總結 人靚歌甜, 聲色藝全, 能歌善舞, 意態撩人, 呢十六隻字就已經值回碟價. 何況隻碟真係聲畫俱佳. 出面普通版只係賣$110既價錢, 就能夠帶Kylie返屋企. 鐘意Kylie既一定要買, 唔鐘意既見識下一個華麗奪目, 熱鬧非常既演唱會都抵啦. 比上次Kylie既<Live In Sydney>演唱會更加精彩, 如果你有買上一隻既話. 畫質: 音效: 特別收錄: 抵買度:
( |
