影碟規格 

Specification

區域及公司
All Region 全區碼
PAL制式

Chrysalis Records Ltd.

畫面比例
-1.78:1 
-支援anamorphic
DVD9

單面雙層

聲音規格
英語
Dolby Digital 5.1 
英語

Dolby Stereo 2.0

法語

Dolby Stereo 2.0

德語

Dolby Stereo 2.0

西班牙語

Dolby Stereo 2.0

字幕

英文

法文

德文

西班牙文

特別收錄
問答遊戲

相片集

影片年份

2002

未開始碟評, 首先要向各網友警告一下. 呢隻並唔係演場會DVD. 為免大家買錯碟, 再講一次: 呢隻並唔係演場會DVD.

有番咁上下年紀又鐘意聽外國流行曲既, 一定聽過TAKE THAT呢個名. TAKE THAT可以話係依家好流行既所謂boy-band(好似甚麼Westlife, N’Sync)既先祖. 當年由五個男仔組成既TAKE THAT, 如果要你講返佢地五個成員既名, 可能最多只記得Gary Barlow, 叻D或者仲知到Mark Owen, 不過呢兩位人兄已經好似人間蒸發咁消失樂壇. 唯一一個TAKE THAT成員仲有出唱片兼且紅透半邊天既, 反而係當年中途離隊(定係被人踢走?) 既Robbie Williams. 已經出左五張大碟既Robbie其實開始個人發展時都唔係一帆風順. 首張個人大碟<Life Thu Lens>推出既時候反應只係一般, 銷量好普通. 點知其後推出大碟既第三張Single: <ANGEL>,隻歌非常受歡迎, 連帶出左半年有多既大碟銷量都即時勁升. 自此之後Robbie Williams就一直平步青雲, 紅到依家.

呢一隻<Nobody Someday>既DVD就以紀錄片既形式, 記錄左Robbie 2001年歐洲巡迴演唱會既過程同實況. 從中探討一下Robbie Williams成名背後所付出既代價; 成名對佢既影響; 作為流行歌手對商業作出既妥協; 當然唔少得Robbie戒毒戒酒從良既實錄. 成套紀錄片將Robbie Williams最真, 最私隱既一面通通表現出黎, 甚至會聽到Robbie講佢同自己歌迷發生關係既經過. 通過演唱會既經理, Robbie既私人助理, 經理人同演唱會樂隊既訪問亦都可以俾觀眾體會一下天皇巨星身邊既人既工作壓力. 正如片名<Nobody Someday>一樣, 如果有日紅如Robbie Williams既超級巨星, 唔再受歡迎又會係一個乜野境況? 究竟成名定寂寂無名好? 呢D都係呢套片想觀眾思考下既問題. 總括黎講, <Nobody Someday>係一部好好既紀錄片. 但係作為演唱會碟亦都唔差, 因為碟中都有好多演唱會片段. 值得推薦!

畫質

全碟用DVD9形式收錄, 全區PAL制式, 主片同special features都係1.78:1 anamorphic. 由於紀錄片係形式關係, 條片用左各種菲林拍, 又DV, 16mm, 又黑白片, 所以畫質唔會好似Robbie之前隻Live At Albert演唱會碟咁靚. 但以拍攝條件所限, 畫質依然唔錯, noise甚少. 畫面非常之smooth. 人同物都好sharp. 色調又柔和自然. 就算用16米厘拍既片段一樣無乜微粒. 非常出色既畫質.

音質

音效多種聲音選擇, 有英文5.1, 英文2.0, 法文, 德文, 西班牙文2.0. 由於唔係全程都係演唱會關係, 5.1只係有現場表現片段時有D發揮, 不過已經相當厲害. 演唱會時明顯感受到場館既空間感, 歌迷既和唱加埋台上既演出, 觀眾好似置身其中一樣, 台上演奏時發出既低頻絕對震撼. 其他時候既訪問對白表現都好好, 非常清楚. 如果成隻碟都係收錄演唱會既片就正啦!

特別收錄

除左94分鐘既主片外, Extras有相集, 同問答遊戲. 相集有三版, 每版十張相揀. 比較特別既係問答遊戲. 演唱會既Tour Manager會問你關於主片既問題, 答對會有主片以外既特別片段, 有額外訪問, 演唱片段等. 答錯條友又會潤下你串下你,幾好玩. 問題仲係每次玩都有唔同既組合同新問題, 真係玩幾次都未睇得晒D隱藏片段. 而問答遊戲部份都係support各種字幕既.

總結

講多次呢隻碟唔係果D歌接歌既演唱會碟, 想聽歌都係買CD. 不過如果想對Robbie Williams有多D瞭解或者已經係佢既Fans, 呢隻碟就絕對值得一睇. 加上碟既質素有番咁上下, 百零蚊絕對買得過.

畫質:

音效:

特別收錄:

抵買度:

(為滿分)

回前頁