|
影碟規格 Specification |
公共敵 (Public Enemy) | |
區域及公司
畫面比例 單面雙層 Disc2: DVD5 單面單層
聲音規格
字幕 英文 韓文
特別收錄 演員訪問 刪剪鏡頭 NG片段 導演前作片段 預告片
電影年份 2002
|
近期又多左韓國片在港公映, 但係可能<野蠻女友>同<我老婆係大佬>收得,上得戲院既全部都係笑片. 其實韓國拍得最多既係melodrama. 今次介紹既<人民公敵>, 其實係好難分類既戲. 套戲三月先係韓國落畫, 五月就有DVD, 套戲又係直至目前韓國今年既賣座亞軍, 都算犀利. 故事係關於一個警探追查一個變態殺手. 講到呢到你可能會諗套戲大概會好似<Seven>或者<沉默的羔羊>個類鬥智片(起初我都係咁諗). 咁就錯啦, 講都唔信, 呢部係有少少黑色喜劇feel既劇情片. 全片長138分鐘, 頭個一粒鐘真係耐力大比拼, 唔係戲裡面D角色, 係觀眾同套戲既耐力比拼. 導演用左成粒鐘描寫殺手同警探既性格同背景, 因為戲裡面無個好人(包括主角警探), 所以好難討好觀眾. 所以真係如果你忍到頭一粒鐘, 直至警探同殺手頭一次碰頭開始, 套戲就突然醒晒. 本來想同大家講多D個劇情, 但係講落去實會穿橋, 所以唯有停筆. 但係奉勸一句等大家有心理準備, 如果想睇警賊鬥智, 呢套戲無(個警探係非常衝動兼火爆, 有時仲打橫黎), 如果想睇打餐死動作場面, 呢套無乜(有幾場警探既爛仔架都算ok, 但係數埋五隻手指都無), 加上有部份殺人場面非常真實(用刀狂插), 同埋D角色(尤其主角)有太多黑暗面, 一定唔係個個喜歡. 如果想睇下另類韓片就絕對推介.
畫質 畫質方面, 係2.35:1 anamorphic. 畫面比較粗糙, 有幾多noise, 同韓版<我老婆係大佬>DVD個畫質差唔多, 但係顏色較為實淨. 雖然套戲咁新但係個菲林copy都有D白點, 點解佢地唔搵個新D呢. 總括來講都okay, 放大都唔會有曚既效果.
音質 聲效方面有韓文DD5.1 同DD2.0揀, 套戲仲有英文同韓文字幕. 個5.1音效唔錯, 開場警察訓練時既鎗聲非常清脆, 之後部戲既配樂都好勁. 其他動作場面(雖然少)既效果都唔差. 非常滿意.
特別收錄 Special features方面, 由於本片係雙碟版, 所以大部份extras都收錄o係第二隻碟度. Disc 1係DVD9, extras只有演員同導演資料, 演員個part仲有interview. Disc 2係DVD5, 影像extras方面 : 收錄左40分鐘making of, 4條deleted scene, 大量NG片段, Music video, 本片trailer同另外三部快將推出既韓片trailer(有<快樂到死>女主角全度研新作<No Blood No Tears>, 特技格鬥片<火山高>同笑片<A Funny movie>), 最特別係收錄左導演之前四部作品既片段, 每部戲5分鐘. 文字extras有production notes同story line. 當然全部extras都係韓文無中英文字幕啦.
總結 套戲我幾鐘意, 個警探角色寫得好好, 個演員演技唔錯. 不過頭一個鐘真係難頂, 所以略為扣分. 相信呢部戲不久將來都會o係香港上(應該會三級, 或者二B剪少少), 如果大家想先睇為快, 就有買快手 畫質: 音效: 特別收錄: 抵買度:
( |
