angelb's june
2706 (日)	今日就已經係第四日啦,時間真係過得好快好快呀!!依日就已經開始好唔捨得佢地北京的人啦,今朝我搞掂好哂,諗住唔落去食野,但係miss li 就走左上黎啦!!佢問我有冇食藥,我只可以話比佢聽無!miss li好嬲,sorry ar miss li其實我都唔想架,但係我真係好唔想食呀!之後miss li一定要我落去食野,咁落到去,我同琪琪無得一齊坐,咁我就坐左係陳明隔黎,之後就有得同琪琪坐啦!之後小強走過黎...問我要唔要牛奶,好多謝佢咁關心我呀!!之後miss li走黎又迫我食啲藥啦!!嗚,好辛苦呀!!!食左啲藥個胃就會變得好唔舒服....我只係知道我食藥的時候...劉潤龍佢地班人仔唔走係到睇住..嗚嗚嗚!! 　　出發到第一站現代農村,無咩好睇的!!但係就好多奇奇怪怪的動物,隻隻都大到乜咁呀!一隻牛...875 kg 呀!!高過人的牛,我真係第一次見,好多動物都係勁勁勁大隻的!!之後好快就走啦!!但係又早喎,又未夠鐘食飯,所以我地就去左盧溝橋先啦!去到未入去的時候,我地見到我地的校友呀!!真係咁啱呀!咁入去啦,無咩野睇的!我只係見到好多好多隻的獅子呀!之後無咩好睇啦!!咁自由活動就...唉!佢果個咁嘅組長呀!叫我地係橋上面唱歌呀!!!想死咩?開始又曬啦,我又覺得頭暈啦!!!唉,無人會理我囉!!之後我無唱,一黎又唔知佢地琴晚搞左啲咩啦,我又唔舒服之後就勁頭暈啦,上車去食飯,我都唔想食呀!真係好頭暈,但係miss li又迫我食啦,食完米又要被迫地食左啲藥囉,我係頭暈到乜咁呀!!好辛苦,之後上車訓左一陣,,好番好多啦。 　　之後我地就去左買野啦,我地去shopping呀!不過我真係唔知買咩好呀!樣樣野都唔知咩黎,又怕依樣又怕果樣喎,真係慘呀!都行左好耐下,咁之後我同琪琪就算啦,唔買啦,出番去,咁我地就見到陳明同埋吳家煒啦,佢兩個...見到我地米幫我地拎野囉,唔該哂喎!!之後我地走左去第到買野呀!!wakakakaa....之後又上車!!上車去自由行呀!!依段時間係最free的時候,咁我地就坐地鐵去左西單到,轉車又轉車咁就到左啦,去到咁我地就分開哂黎行,咁就得番我同琪琪同埋婷婷!!行行下就見到林sir佢地,林sir就係到問我飲唔飲珍珠奶荼,我都未講,佢就話我飲,都幾無奈下,不過是旦啦!!不過就唔係幾好意思啫,之後佢去左好耐都仲未番黎,其實係...珍珠奶茶係無珍珠的!!咁我地就走左,咁琪琪就去左睇衫,我就唔會買,所以我就係咁而望兩眼,咁等琪琪的時候,林sir行過,佢問咩事wor!咁就話比佢聽琪琪想買衫但係件衫就有啲綠色係到,同埋25蚊貴左啲,咁阿sir就同我地講價,講到20蚊!!呵呵..之後就行啦,搞到林sir唔見左佢啲學生tim..sorry!!之後行完啦差唔多,咁就見到陳明同埋吳家煒佢兩個,咁之後我地就5個人一齊行啦,買左啲野,之後行完啦,唔知行去邊但係又未夠鐘呀!我地就坐係到飲野,但係正常的話就係拎野飲黎就比錢的,我地又唔知道但係佢又唔記得左,咁佢就會收到錢,咁我地唔知點好,咁我地想走啦,咁就行埋去比錢啦,佢先話唔記得左收錢,之後仲係到話我地質數高tim ar!不過我地都係到諗,如果係大陸人,一早走左啦!!之後出到去又未係好夠鐘又無人係到等,咁我地就行番入去再睇,先發現有好多好多mickey的野!!好靚都好貴!!之後睇睇睇..睇完米走囉,差唔多時候啦都,咁就上番去,咁就走啦!!!又係坐地鐵呀!好鬼死熱的地鐵!!因為壤左呀!之後番到去又等左好耐喎,佢地啲人買左兩個西瓜呀!傻的!!!!之後..之後就好似係坐車去食飯啦!!嗚嗚嗚...最想喊的時候,又係最開心的時候,都係最傷心最唔捨得的時候了!! 　　食飯之前其實係同琪琪有小小不和的!!不過好快都無事啦!之後好快我地就要出show啦!!慘唷!!!我地臨出show我先知要做咩!!死唔死呢?不過唱歌...令到我諗起好多好多野!再加上唔捨得...同埋離別!!令到我覺得好唔開心ga都!!真係好想喊!!佢地d show 都好正呀!!之後好快就完左啦!!佢地係到勁影相,咁我地都有影,但係呢!小強就走左過黎話要同我地兩個影呀!!真係好開心呀!!婷婷!!小強!!我好唔捨得你地兩個呀!你地幾時會黎香港呢?你地幾時會回應下我啲e,mail呢?要同婷婷分開的時候,我地抱抱!!真係差啲就喊左出黎啦!!嗚....點解要咁呢?點解要分開?果一刻真係好想好想留係北京的!!之後我地就上車車啦,真係唔捨得婷婷呀!!!之後我地就番hotel啦!! 　　我拎左小強個e.mail address,我叫佢上房黎搵我!咁之後呢...我都等左陣啦,都未見小強,咁我就去左沖涼啦!!!之後出黎無耐,小強就黎左啦!!咁我就送左兩隻豬仔比佢,唔知...佢仲會唔會keep住呢?記得我呢?咁小強就叫我落去玩下,咁我等琪琪出黎,之後陳明拎左支酒上黎問我地飲唔飲..哈..又叫我地落去,咁我地都...落去啦,今日都話哂係最後一日丫ma!咁我同琪琪就同埋陳明落去啦,落到去,都無人理我地,得林sir係叫下我地坐低ja!個個都唔會理你!!坐左唔夠一分鐘,我同琪琪就入番去..入左大堂到坐,坐坐下,佢地啲人就行埋黎同你傾計!咁米傾囉,白痴仔1,2號同波子都係到呢!之後咁我地就傾啦...坐啦..咁樣!!佢地啲人,飲到醉哂!我都唔明白點解佢地可以咁樣樣呀!阿sir都係咁!陳明同吳家煒都無理過我地,不過算啦,人地又唔係要理我地嘅,係我地自己想同佢地玩ja ma!係我地想同佢地玩通宵啫!因為我地第日3點鐘就要起身丫ma!咁但係佢地又唔會理下我地,咁佢地又有女仔想同佢地玩啦,咁我地米自己一個囉囉!之後12:36我地就上番去,白痴仔因為怕我地兩個女仔,所以陪我地上房佢地先走!我地上到去就只係見到佢地開住對門,我仲聽到有人話...佢地番黎啦?之後..咩都唔知啦我!咁我地兩個就係過得最唔開心,最悶的一晚,佢地啲人呀,叫兩個我好唔鍾意的女仔過黎,搞到我又唔舒服啦,係上房之前,我問左miss li拎左啲藥,因為我個胃好痛呀!咁我地好悶呀兩個,米執野囉,但係又差唔多執哂啦喎!!係到傾計,但係我個胃好痛好痛呀!!喊又喊唔出,琪琪又腳痛都唔會理到我,真係好辛苦.....最慘的係喊都無得喊,又唔好意思去嘈醒miss li呀!之後...坐坐下..琪琪1:xx就訓左啦,就得番我一個,好唔開心囉不過唔緊要啦!之後我都坐左2:46就訓啦,果時無咁辛苦ma!之後我就訓啦............
2606 (六)	第三日!!!又開始啦! 　　今日一早我地就起身,不過就係無琴日咁早啦,晏左小小咁多多,都好過無,咁我地今日就要去長城呀!但係我早上一啲野都係無食過的!不過我就無咩所謂的,因為平時都係咁...慣左啦!! 　　去到長城就見到好幾隻的熊呀!!佢地好搞笑呀!!佢地話咩....著住黑衫的陳明喎!!哈哈,之後我地就要出發啦,不過都等左好耐下!出發?但係我地就去左坐唔知咩覽車,你知ga la.大陸d野wor!我變得好驚好驚,平時我玩過山車又唔見我驚ge?驚,但係都無果時咁驚!佢地啲車,好唔知點咁ga!真係好可怕的!之後比林sir知道左我好驚,其實佢地唔會明白我係驚啲乜野,林sir見到我就同我講:唔洗驚,你掂嘅!我唔知點解我會諗番起郭sir所講嘅野!之後係我好驚之下,就比人拉左上車,一路上都唔知道之後會係點,一路就淨係識得驚,咁之後好快就落車啦,其實我地坐依架車係因為第一至第四段啲路好斜,所以呢我地就唔行啦,就比錢坐車車,係我地等上車的時候,我會覺得點解中國會有禮讓之邦之稱呢?大陸啲人真係無禮貌到乜咁,都唔似得我地香港人咁!落車啦!!!嘩!!!!!!!!!!嗚嗚嗚.....比果個男人抱我落地呀!嘩,未驚完你就咁快整啲咁嘅野過我嘆??個個女仔都係咁呀!!係女仔呀!咁樣情況之下,我就勁勁勁勁腳軟囉!差啲真係企唔到呀! 　　之後上到去就等啲人去洗手間啦,係依個時候,咁我同琪琪無去到,咁就係出面到等佢地,等番我地組的人,林sir就係依個時候行埋黎話:又成功左樣野啦!係米呢?果時我就只係諗緊,點解我會驚成咁呢?過玩車都唔洗咁啦ma!諗緊野之際.........小強無啦啦嚇我呀!嗚嗚...都唔知道點解個個都係嚇我嘅,不過我知道小強係想同我玩的,但係咁啱我諗緊野,變左嚇親啫,之後就講左比佢知唔係好舒服的事啦,之後就行啦,見到大家都買野,但係我唔知買唔買好呀,因為又怕咩啦,怕咩呢?唔知呀!一直係咁行囉,真係覺得幾好玩,不過真係好斜呀有啲地方,而且我又唔係太舒服,再加上個太陽,又咁斜,變左我都行得好辛苦!平時嘅我,已經唔見左,長跑好手???係鬼咩!!!咁之後去到一啲"風火台"的地方又多人,又臭呀!去到某個"風火台"的時候,林sir話啲人係到小便!!我聽到真係打左個突呀!長城好得意架,你行到邊邊位,有啲凹位呢!佢係好舒服的!!好涼爽架!好似開左冷氣咁呀係舒服到!!!之後差唔多到啦,但係就係係第八段未開始咋我已經開始覺得好唔舒服,但係我真係好想好想完成佢,所以我行埋佢,上到去係最高的地方,會有一個"不到長城非好漢"的字句,但係比人close左呀,無得影相,好多人係到唔知做咩,但係我好頭暈,係上去第八段的時候,真係好斜!!啲路真係唔止45度,60度都可能有呀!咁我唔係唔記得蚊住邊個黎行的,之後我地搵番哂10個人到,我地就落去啦,但係落番去又好難喎,咁我就扶住陳明啦,佢係前面,比人扶住囉,但係....真係好辛苦呀,佢都知道我好唔舒服,佢都好take care 我,而琪琪就係由吳家煒黎take care,但係佢唔知玩乜,就趺左落地,我以為佢整親,原來都無,但係後黎又整親,今次佢喊啦!我真係好唔舒服,我無去關心佢,好對唔住呀!!之後就落番去,我真係好頭暈,所以坐左係到,未落去,咁林sir 黃sir 陳明 吳家煒 趙翠紅 黃貫城 劉潤龍 都黎幫我,但係我已經無力啦隻腳,好暈,所以就要佢地扶住我黎行,而陳明就變左小明子黎服役我,果時係我第一次咁多人黎幫我,多謝你地!! 　　之後我同琪琪都無落車食飯呀!搞到miss li都無落車食,sorry nei miss li!!但係我都無乜點食到,搞到要miss li黎餵我,唉...真係醜呀!其實我自己都ok 嘅果時,但係真係無乜力啫,好暈ma,佢地話我中暑了,體溫過高呀!!差啲就比林sir送左我入醫院!!之後我地落車,但係就無跟到佢地去行,miss li 同埋林sir都同左我地番hotel!!坐的士呀!其實我都幾驚架,不過無計啦,番到hotel miss li 同林sir 兩個就夾攻迫我食左啲藥啦!!勁勁勁勁臭囉係!!之後我就坐左係張床到,miss li 就坐safa 林sir 就坐果張太子"椅子"咁其實我知道miss li 林sir都好想訓,而琪琪就訓左,但係我唔想訓呀!但係坐坐下,又見到林sir佢想訓喎,佢成日都望下我有冇訓,咁但係之後唔知係米啲藥呢?我就覺得累啦,坐坐下就訓左啦,醒左一醒就比miss li 整我訓係到黎訓,之後就....訓左,晚上的時候,miss li 同埋林sir 就係我地房到食野,而我,又係張床到食...都係同下午一樣,不過今次都算做可以自己食到啦!!之後miss li 又迫我食藥啦,今次反而覺得仲難食呀,好唔想食,但係差啲又比miss li "冠"囉!!嗚....慘!!之後呢...無呀!miss li 同林sir就走左啦,但係我知道 個個同學仔都好關心我地囉!佢地好多人成日都入黎我地間房呀!不過唔知呢?無所謂啦,不過要佢地擔心就真係唔好意思啦。 　　之後陳明 吳家煒 黃貫城 劉潤龍 趙翠紅 陳美梅 黃鳳儀 仇尚欣 我 琪琪 就係哂我地間房到唔知做咩,之後佢地就玩啦,不過我唔想玩,無玩到啦,咁我又關係唔係好舒服啦,佢地就成日都叫我食藥,但係我就死撐過無事囉,但係我就好記得劉潤龍話咩..拎啲水黎,話...咩..食藥比我睇喎,之後我又要食喎!!覺得佢真係好好人囉!!琪琪隻腳又開始痛,所以佢都無玩,但係果個趙小姐就叫白痴仔1,2 號過黎wor,咁我地4個都唔係咁鍾意佢ga ma!咁佢仲要係客上客wor!咁之後我地又比人投訴...=_=''之後我又要比阿陳明坐到我,不過算啦,無緊要,又唔係咩!!之後琪琪無玩,我又無玩,咁我同琪琪都有小小想訓咁嘅樣,佢地就走啦!!!但係呀..佢地食完啲野又唔野好喎,整又整到我張床都係汁,好憎佢囉!!之後多得劉潤龍依位好人啦!!佢真係好好人,佢就即刻幫我搞掂佢呀!!真係好多謝你呀!!!如果唔係你,我諗我已經發左火!!咁之後聽陳美梅講話今日lunch 陳明好嬲呀..死啦,唔知做咩呢?佢話佢好火wor!又無講飲杯啦!!晚飯就無咩野,但係陳美梅同琪琪就係到話我咩呀..!!!!之後我同琪琪就因為下午訓過的關係都無乜點眼訓,所以係到講阿趙小姐的.....好話!!之後就訓啦!!
2506 (五)	第2天,琪琪叫我起身..再加埋個morning call tim!之後我地梳洗好左之後就落去啦,但係點知!!!!果啲氣味令到我好想嘔!我完全無食過野,一黎..平時都無食..二黎..啲味真係...想死!!之後上房再落番黎,miss li 就走埋黎問我地係米唔舒服!林sir同埋黃sir都行左過黎啦!林sir就話:係啦.都見你地無食詔野!!之後我地就上車,出發去我地的第一站。 　　北京大學(第一站):等左都幾耐下!之後就入去,小強就講左句,你睇下我啲同學仔對我幾咁好!!!!!隔黎學校啲人就講啦,乜我地對佢唔好咩?之後我地就半睡半醒的狀態下聽佢講野,之後就出左去睇野啦,北京大學真係好得好靚呀,...大到.....成個公園咁..靚到...成個公園咁..真係唔講以為係公園而唔係學校呀!!行左好多之後,一路行就一路有大學的同學仔係到同我地講番北京大學入面嘅野啦。之後就走啦..去左全國青聯,我地係架車到等左好耐..之後就叫我地落車..唔知做咩wor又,又叫我地影相,但係排好哂之後又唔影wor..又要等佢地啲老師,等左真係好耐好耐呀!!我發哂呆咁!!同埋隔黎學校的同學仔影相..勁呀!!!之後就去食飯啦!!仍然都係無食野啦!咁之後我地就去左故宮啦!!!! 　　故宮:真係好大...大得好緊要呀係!!我地都行左好鬼死虺..之後都唔係好記得啦...行左無耐之後,就同埋miss li同埋林sir一齊啦!咁林sir就同我講:請我食雪條,咁我就話唔食,因為我都唔想食野!miss li就係到話啦:佢已經想嘔ga la wor!林sir就講左勁經典的說話:食完再嘔過囉!!!!我地就只係係到識得笑笑笑笑笑..之後就一路行一路食啦,之後4點鐘,我地就去到故宮門口啦,之後又坐車車。 　　去到唔知邊到黎...睇雜技呀!!!咁我地就..吳家煒,陳明,小珊,琪琪..咁樣住啦...開頭都無咩野,之後就慘啦,見到啲好肉酸嘅野呀!我好驚呀,之後琪琪就問,佢地會唔會跳落黎ga?話口未完,3隻野就跳左落黎,嚇到我地死死下咁呀!我就淨係識得"蚊"住陳明件衫,佢話,你唔好嚇我仲好啦!!咁wor,..真係衰!算!!隻野走左之後,琪琪就比佢嚇到呆左wor!睇完我地就坐車車去食飯啦。未去上車食飯的時候,佢地就成大班人咁入左去人地間舖到買杯麵呀!成40人入哂去一間勁勁勁勁細的舖到,BIG爆啦梗係,我同琪琪同d 老師都無入到去,之後林sir就話啦:我諗依間舖今日做左佢地成年的生意呀!之後人地啲人話去腳底按摩wor!咁我就一定唔會去ga la!但係...隔黎校的唔去...而我地都好多人唔去..所以就唔去啦,好早就番左hotel! 　　番到去我地就企左係門口到的時候,miss 阿sir都行埋黎,講講下就講到琴日的事啦,咁我就講左出黎,個個都係到聽,咁之後白痴來1號都行埋黎,林sir就話要佢地聽日同我say sorry,咁我就係咁話唔洗,但係林sir就話:我話要就要,咁我就行番入去,好唔開心咁..我都仲未驚完,又玩啲咁嘅野!!之後我坐左係到喊喊喊,之後林sir佢地就應該走左去唔知邊啦,miss li就入左黎我就繼續不停咁喊喊喊,之後啲男仔就 入左黎囉,我就聽到吳家煒定陳明講話咩乜佢仲xxx咁咩..之後米sorry左就走啦,我就收聲,咁我就去左沖涼,未去之後miss 打電話黎,之後咁就到琪琪,之後陳明同阿吳家煒就過左黎,之後就有我,琪琪,吳家煒,陳明,仲有其他人咁啦玩左陣,我都已經唔想再玩啦,應該係話,今日無玩過,之後趙翠紅佢地就叫我地一齊玩,但係我就唔想玩,琪琪就想玩,之後搞笑野就出場啦!! 　　琪琪過左去玩,咁就得番我一個,但係琪琪又唔想啦,咁佢就叫左陳明過黎睇住我wor!咁本身對門就係開住ge,咁之後陳明入到黎,我就問佢,做咩呀?咁樣,佢就過黎當值,真係好好笑,唔知當值定係換間呀,好似係換間,之後佢就坐左係到啦,搞左一陣,佢就話close左對門佢啦!之後無咩野,佢真係好似一個大哥哥咁,唔知係米呢,定係咩野呢?我自己都唔知道,因為有蚊的關係,係到搞果個會發熱的蚊香,我唔知道佢會發熱,咁陳明就嗌住我唔好搞,呵呵!!差d又整親bor!!之後無咩呀!!睇下電視,玩下,聽下歌,.時間好快就過啦,不過果段時間係就係好似無咩好做,但係...無咩呀,唔係唔開心,都無話特別開心,之後琪琪米番黎囉!!講左陣,之後又唔知點咁,咁米訓囉,今日我地米又比人地投訴!!日日都有ga!
2406 (四)	今朝我就5點鐘起身啦...因為我要出發啦ma!! 出發去邊...米就係北京囉!!! 去到 琪琪就到左啦.....媽媽同我同埋琪琪一齊咁行到番學校 咁林sir琴日明明講左係5:15開門等我地...點知佢就5:30先到.. 咁之後我地就入左學校啦.... 入到學校之後就等人齊就上車啦.. 出發 一路上我都訓唔著呀!!! 到左機場...咁拎行李落車啦.....點知我又比林sir話我啦!! 佢今次就話我咩.."依家d後生..."咁囉... 佢話我無力拎行李上機場d車車呀!! 佢就幫我拎啦.....咁我就推啦....好反呀好反呀!! 之後我地就辦理登機ge野啦...咁我地就成組人咁係埋一齊啦...咁miss li就梗係有人唔識啦.. 咁之後咁就認人啦梗係要..咁之後miss li 叫我地就叫做叫.....4男6女啦!! 因為我地組有4男6女丫ma!! 因為我地果組有個人唔見左身份證..所以佢就行先...好快我地影完相... 講哂野..都入去lu~~~咁就要講byebye啦...同hk!! 入到去無咩點呀...好快就要上機啦......上到飛機...因為我未坐過的關係 都幾驚ga!!...咁之後好快就坐好哂啦..咁琪琪就過左黎我到坐...好yeah!! 咁好快就行啦架飛機......嘻嘻....起飛果下....正呀...搞到我好high 囉!! 勁勁勁勁興奮呀...好自然咁笑左出黎囉!!我同琪琪都係咁呀.. 嘻嘻!! miss li 走左過黎我地到...講左兩句野啦..咁之後咁啦...食左個飛機餐咁囉!! 之後就落機啦....好凍呀!!好彩我有衫啫!!之後咁我地就坐左架唔知咩車車啦 過到果邊..拎埋行李就係到等....見到我地的導遊啦!! 係男生來的....初初我都係到諗...男ga?好似唔好人咁ge?? 之後都無野lu..覺得佢好好人 我地去北京的洗手間...嘩..d 人真係好勁呀..唔洗排隊的!!我地排緊佢地都打尖呀! 上車車之後就食野啦!!..死啦..我都食唔落野....可能因為架飛機囉! 好似坐船咁..搞到好想嘔..之後...死都食左d飯呀..咁....因為見無咩野. 咁之後呢...我地就去左天壇啦....影相相..之後就去左琺瑯廠... 開始就覺得無咩空氣唔係好舒服啦....咁之後好快又食飯啦....食飯時候 我地多左個北京的同學仔黎一齊食呀!!咁佢就叫做李婷婷!!初初唔知做咩.. 佢就坐左係我隔黎啦..無所謂啦..咁就成日都係得我同佢講囉 無咩點特別呀....之後我地就去左行王府井大街啦!咁晚上落雨雨呀 好彩的就係我地有雨傘囉...d 人就無囉..咁我就同吳家煒一齊行..但係我漏左琪琪囉! 搞到佢唔開心....sorry呀!!之後就唔跟佢地行囉我地...我地自己行好d.. 咁之後就番番去佢地到啦咁就番hotel啦真係好攰呀!! 佢地晚上先比我地番去..果到又黑wor!...搞到我勁驚囉 之後.....好遲先上到房...執埋野...去左沖涼... 我沖完..就梗係到琪琪啦...咁之後點知琪琪入左去一陣ja ma.. 咁就有人黎搵我地wor!...咁我就係到問.."邊個呀?"咁無人應我wor!.. 咁我就以為佢地聽唔到啦..咁我開門..無人ge?咁之後正準備行出去呢... 點知死人陳明同埋吳家煒就黎嚇我啦...之後我就...喊..喊..喊.. 佢地話嚇親佢地wor!...咁我係到喊..之後無咩點喊..就叫佢地番過去先 之後咁佢地就打電話過黎啦...過左黎之後就係到玩囉....之後話落去睇下wro! 落到去就見到黃貫成同埋劉潤龍佢兩個..佢地話無野ga wor..咁就上去玩啦 之後佢地兩個再+埋男2女2..咁就6個人..係到玩啦...玩到2點幾..佢地就走啦.. 之後我地都差唔多訓...但係我驚..就叫左陳明同埋吳家煒咁過黎.. 咁之後佢地話睇球..咁之後我地訓啦..佢地以為我地訓左就走...之後都訓啦我地
2306 (三)	番左學校聽林sir講野 番到去...拎左d野... 林sir比左張卡我啦!! 佢再比番啲錢我啦..咁囉..就係咁啦 咁之後我就同琪琪去買野啦 佢地d人唔理丫ma.. 米又要我地囉!! 買完米番屋企囉!! 仲買左個袋袋tim!! 同琪琪一樣呀!!都好開心下!!嘻嘻!! 同琪琪一齊...係最好..最開心的!!! 覺得......林sir有d野...怪怪地!!

	angelb's may
	昔日日記