2003 年 04 月 18 日 星期五 【晴】>.<"

今日edwin 話費事咁早出到唻都係hea 到食飯...所以就話4點幾5點先出去o勒.... 我成日o係屋企就悶到癲...雖然又走去練琴...又print 左「我的驕傲」個譜出唻彈.....又溫書喎.....又做左好多無聊野喎....係咁搵野做..等自己冇咁悶.....但都係悶到傻.... edwin 又一早去左飲茶茶喎....

之後, 又去左阿姨度坐喎.... 我話俾我媽媽聽..話我今晚o係屋企食飯飯.....佢就o係度勁問edwin d 野...勁勁煩...我淨係感覺到好大壓力咋...>.< 之後, edwin 約左我o係旺角等...跟住一齊搭地鐵銅鑼灣行街街...一見到edwin, 就梗係o係度同佢講媽媽好多好多野問咁啦....跟住....唉...我又忍唔住....喊喊喇..>.< 好鬼冇用.....又o係地鐵喊....今次仲要係o係edwin 面前添....>.< 喊完都冇事lu....之後, 行Times Square 呀...o個d...都行左ok 耐呀...不過edwin 都係揀唔o岩d 衫衫....去到sogo 後面o既一間細d o既商場.....哈哈.....發現有間野係edwin 開o架囉....^^ 因為間鋪頭名叫「Edwin」呀...!!!嘻嘻.....

之後, 就去左附近o既茶餐廳食野.....o個時7點幾8點啦....^^ 隔離枱有個鬼佬o係度同d 人好似o係度講緊聖經咁....... 跟住, 見到維園好似有d 攤位呀...o個d 物體就過左去睇睇o勒...點知都冇咩好睇....之後, 行左一行西武就打算走喇.... 哈哈.....第一次同edwin 搭叮叮同船船呀...我地首先搭叮叮去中環....之後, 就搭船船去尖沙咀....哈哈...^^ 搭叮叮o個時...勁勁大風呀....隻眼又有少少乾喎..又攰攰地喎...所以就「ai」o係edwin 度訓左一陣o勒...^^嘻嘻..~^.^~

之後, 搭船船....edwin 見到「君臨天下」喎....就o係度講起d 樓o勒....^^ 無敵大海景雖然係靚靚....但edwin 都o岩...會攪到d 窗窗唔開得...因為海風鹹鹹呀..... 之後, 就坐2號返屋企o勒...今晚冇上次搭o個時咁鬼多人呀....

之後, 我就返左上屋企o勒.... 惡夢就開始喇....我一入門口..已經覺得殺氣好勁勁呀......之後, 又好似上年我跟王喜o個時咁.....叫我入左佢地間房....好係嚴肅咁同我傾...叫我最好將拍拖呢樣野個時間推遲喎....>.< 以我咁o既性格又點會屈服先得o架....我講到喊晒....講到成12點...都係唔願就犯.....edwin 期間打過唻o架...俾我媽媽聽左, 我媽媽直情叫佢唔好再攪佢個女...佢個女要讀書....咁講呀....>.< 唉.....edwin 梗係要話ok 啦........唉...好無奈.... 之後, 我都仲係喊喊喊.....收唔到聲......洗完白白出唻.....返返出床...就打俾edwin o勒...o個時先係12點幾....因為我真係冇心情洗多一分鐘白白呀......>.<

edwin 話佢出左去飲野....遲d 先打返俾我...又問返我頭先咩事..... 到到點幾.....我已經喊到好攰......edwin 都仲未打唻喎....>.< 我就打過去o勒...佢原來都o岩o岩想打俾我....>.< 原來edwin 話...之前o個d...都試過...咁..屋企人唔俾....>.< 又o係度解釋點解我爸爸媽媽會咁......>.< >.< 之後, 佢話「定d 唻啦....我唔會走o架喎.....放心....萬大事有我」咁喎......呢句說話無論係真係出自真心定係tum 我都好啦...我即刻已經覺得好感動...又想喊喊o勒....^^

之後, 佢都叫我訓...唔好諗咁多...佢一定會o係度..唔會走咁...但, 收左線之後, 我都仲係訓唔著...又打俾佢.....我都係第一次訓唔著..打俾佢咋...之前, 如果我訓唔著..我唔會敢打俾佢....因為多數都係佢已經訓左覺...唔想嘈住佢..... o係電話度....我同佢講左句...「多謝你呀」.....佢即刻話「你玩野呀」..咁喎.....

.咁我覺得.....呢一切一切都唔係必然....我有幸識到你..同你一齊...雖然講落好似好容易...但真係唔係必然...所以我覺得...我要識得去感謝.....^^ 能夠有「你」做我第一個男朋友....雖然唔知到最尾會點....以後, 會點....但我都會好多謝「你」!!!因為「一切很美 只因有你」......突然諗起呢句野.!!!^^ 我會好好珍惜我有一個咁好...咁體諒我....o既男朋友....咁當然我亦都希望你好好珍惜我啦....雖然可能之後, 唔會再有機會見咁多......可能之後, 會聚少離多...但....我個心總係有個位...掛住緊一個人...o個個就係「你」--Edwin!^^

1