01.08.2003 Fri.

尋晚發左個夢....自己竟然變左一個好鬼粗口o既人呀...>.< 仲見到edwin 添o架...不過...就已經唔多記得個夢lu....^^

今日10點幾先起身......食左個麵包之後就搭巴士返聖母返中樂lu...我落左車又約埋阿屎o係學校門口等...之後, 先一齊入去lu...呵呵........上到中樂室....vicky 話佢真係有整涼粉返唻食呀...好開心呀!!!不過都要上完大合奏先有得食....^^ 今日5 sir 勁攪笑......笑到陳浩允傻晒呀....哈哈...我同阿屎吹吹下笛又口痕喎.....要食香口膠......攪到俾ava 話吹笛就唔好食野啦...咁呀.....今日首鳳陽花鼓玩快左好多呀......對笛子唻講梗開心啦...唔洗咁waste 氣好吹好多呀...^^ 但其他琵琶....揚琴佢地就慘慘lu....陳浩允又勁笑喎.....不過....佢都好犀利.....係咁笑都彈到咁快......^^

完左之後, 就食涼粉....我地係直接用隻匙係咁叉落去咁食囉....哈哈......我地仲要抵死到...食食下....先問5 sir 食唔食涼粉喎...哈哈...佢見到我地咁樣食法...佢梗係冇食啦...哈哈...

之後, 我同vicky 同阿bee 就一路食涼粉...一路睇下相....hea 下....一路等阿屎同ava 學二胡o勒....到到成5點....佢地先學完呀...vicky 就返屋企...阿bee 就約左人o係尖沙咀.......得返我同阿屎同ava......ava 話佢媽媽話買部新電話俾佢.....不過......要三千蚊樓下喎...我地就去左荷里活廣場幫眼睇o勒...我同阿屎都suggest 佢買sony ericsson 部 T610....^^之後, 我地o係starbucks 度買野飲喎...我同阿屎share 買左杯星冰樂...新o個隻.....ava 就要左杯caffe mocha......哈哈.....我同阿屎都好鍾意o個杯野呀...因為夠晒甜呀....^^ 好味!!!! 跟住見到food court 開返喇.......就入左去行左一個圈lu.....嘩......有間食拉麵o架....佢有一款拉麵好好大碗o架.....要兩個人先食得晒....佢地都好想試試呀.....不過....我地之前食涼粉已經食到好鬼飽lu.....>.<

之後 , 又去左K2 阿屎話o個度有款袋係用雞皮紙造o架.....d 質感勁得意...^^ 我尋晚睇報紙都見到G.O.D. 有個銀包同有個袋好得意...好靚o架.....個銀包係用報紙做design o架...要成百幾蚊....而個袋仲得意.....係用軟尺做design o架.......都要成$395 呀....

之後, 6點半就由荷里活廣場行去黃大仙lu....我地等過馬路o個時...見到有新o個d 等過馬路叫佢快d 轉燈o個d 野喎....你掂一掂佢就會bi 一聲o架喇..我地就即場玩左 金蛇狂舞 敲擊個intro 出唻呀..哈哈.....勁勁抵死......之後, 仲要俾阿屎發現原來佢係可以長響o架....哈哈.....^^

之後, 我就行左去基協o個頭搭車返屋企lu....今晚edwin 會去九龍仔踢波呀...一講九龍仔...就會諗起同佢o既第一日.....^^ 自己點樣o係一個好凍o既夜晚....第一次feel 到咩叫面紅耳熱....~^^~

o係車度...睇左一陣o岩o岩買o既兩本書....一本係...tuesdays with morrie 一本我想買好耐o既書...因為見到好多人睇......o係街.....另一本係「天使的另一半」.....哈哈...我好明顯係因為個名而吸引到我去買呢本書啦...哈哈...

 

1