18.08.2003 Mon.

今日9點幾就自己起左身...

之後, 就一口氣要自己o係12點之前睇完本英文書佢.....點知我真係做得到呀...犀利呀...!!! edwin 打過俾我...佢話聽日佢會去踢波....星期三先同我一齊去拎con 喎.....唔緊要啦...佢話事啦..!! 又同佢傾左一陣...哈哈...勁勁攪笑......返緊工仲o係度傾電話仲要咁攪笑....真係丫....^^

跟住......就食左個生麵王杯麵喎....係粗麵o個隻....唔多掂....d 麵打晒結o既.....食完....就彈左一陣琴......盡量想做上次馬生叫我做o既野...但我都知冇得急....要努力....>.<

之後, 好支力.....睇左一陣電視......就溫書lu....不過.....今日溫d 野.....都唔識......勁唔明呀.......溫完做past paper....都係唔識做...我都唔知答乜落去好......>.< 聽日我都係跳過佢.....溫第二d 先...星期三先問麥sir.....究竟o個d 題目要點答...

5點幾...嘩....肚餓到死呀....想食5蚊腸粉.....細佬又唔肯落去買喎.....攪到我要食出前一丁...勁唔想食囉.....食完會勁飽呀....>.<

之後, 6點半就出左門口去琴行......打俾edwin 啦....佢本身話要OT o架.....點知佢同事幫佢O 埋....咁佢就返左屋企....我出門口o個時,...佢已經返到屋企lu.....

去到唱歌.....又係「打得火熱」lu....嘩....唱左不下十次囉....唉......成日都有人入唔到...d 人又唔背歌詞喎...激氣...我尋日已經背左喇.......

越坐就越凍.....打左幾個乞嚏之後, 又流晒鼻水喎...之後, 仲有d頭痛添呀....勁辛苦........好彩冇幾耐都走得....先冇事咋....

8點就走得lu....打俾edwin....佢都食緊飯....自己一個行條斜路上上面搭車.....一路行...唔知點解....o係度諗如果有人陪我一齊就好lu......起碼唔洗咁悶丫.......而且條路又靜.....至驚恐怖feel o架o勒....但冇計....一支箭咁行快d 上到去.....好彩又好快有車..唔洗等喎...^^

10點幾...edwin 就話要訓覺lu...佢話支力呀....咁我都好夜訓呀......宜家0011 lu....聽日仲大把地方要去......今晚睇容祖兒o既「美麗在望」第一集....都好ok 呀....^^