31.08.2003 Sun.

今日星期日呀.......edwin 晏晝要去踢波...所以諗住夜晚先有得見o架....但點知佢4點幾就打唻話我知......佢今日唔洗踢波呀.....d 人放飛機......

所以就約左5點幾o係旺角等lu....5點半就去到金聲.......買左飛睇龍咁威......佢諗住叫我去買......但我係都唔肯....就係咁俾佢話lu......>.<..6點2 先開場......去左7-11 買野飲之後, 就行左去麥花臣球場睇人踢波lu.....edwin 又o係度話人地屎波啦.....哈哈.....坐到5點11.....就走lu.......起身o個時, 又有d 頭暈暈lu...@_@!!! 差d 又仆親....>.< 聽edwin 同佢d friend 講電話o既語氣....好似唔多想睇「龍咁威」咁o架.....唔知係咪呢? 冇追問呀....=.=!

套戲都好好笑呀........尤其係鄭中基啦...真係俾佢笑鬼死....至鬼鍾意佢d 死人謎語.....^^

睇完戲出唻都成8點lu...本身edwin 話同我去食粥o架....咁我就話好啦....但原來佢想帶我去o個間係「海皇粥店」呀...我媽咪話過呢間野唔多好食o架......所以我就唔敢去o勒.....不過.....宜家諗返又覺得自己reject 錯左....我自己未食過....又知佢好唔好食??! 點解唔跟edwin 去試試喎......真係丫......攪到我好似好麻煩咁...>.< o係o個一刻我真係好唔鍾意自己呀!!>.<

之後, 就去左上次o個間「極之好」車仔麵檔度食lu...今次我地兩個都係食飯....>.< d 飯個樣同餐牌d 名都唔夾o既.....>.< 死啦...我又開始嫌三嫌四喇....>.< 又開始憎自己lu...>.<

食完飯...edwin 話想行下瓊華睇下d 老翻喎......就陪左佢去睇lu.... 呢期佢想買PTU DVD 呀....但o個度d 人話要成10點先有得拎呀....所以edwin 就冇買lu...

之後, 就搭巴士返屋企lu....今次搭112呀....原來係快2號好多好多o架....d 車又密喎...我地一路行去搵個站......就已經見到有4-5 架經過喇.......到我地落左車....我地先見到一架2號.......仲要應該係早過我地d 112 行過旺角添o架....^^

一路行返屋企...一路講左尋晚發o個個惡夢俾edwin 聽呀....係一個夢中夢唻o架....edwin 都頂我唔順.....竟然可以咁有想像力發埋d 咁o既夢....^^ o係屋企樓下.....edwin 就叫我要俾心機d 呀.....留心上堂呀....咁呀!!^^ 我一定會!!!^^

 

1