15.12.2003 Mon.

今日返學........超級精神..可能因為上兩日返左中山relax 左一陣....^^ 但一朝早就俾阿john 激到我想打人.......我同緊polly 傾偈話......saddam 係訓o係地底被人捉....俾阿john 聽到.....佢叫我借份SCMP 俾佢睇...我唔借又好似好衰咁...點知...佢又借多份經濟日報去喎....睇完仲要亂放喎.......真係好想打佢呀....

今日ENG test 喎...好彩又係冇得溫o個d o既jei...

CA 又要做 TAS 喎.....做到over time 呀.....4點2先放學呀.... 比上次識做多左少少...^^ 已經好好o架喇...對我唻講,,,^^

5點鐘要要佐敦補習呀.... 6點3 補完習.... 去左九龍塘搵edwin....因為佢今日要去BU 交功課呀...我話有d 野想俾佢.....所以就去搵佢lu.... 我地之後, 上左food court 食野... edwin 又因為我著緊校服所以唔俾拖lu... 不過....唔拖就算數...^^ 一路搭電梯上去食野...我諗住幫佢整下d 頭髮d 塵.....嘩.....一掂埋去........d 靜電勁勁犀利呀...我都未試過....一連串o既靜電咁電埋唻o架...^^

我食左大家樂o既肉醬意粉.....edwin 食飯飯... 佢o個d 豬肉.....有酒味o架...食完野....edwin 要去觀塘踢波呀...我就要去九龍灣補習.....所以就可以一齊搭地鐵o勒....edwin 話聽日唔洗返工....因為要上廣州做野呀.... 佢今日病病地呀....踢完波...仲要去睇醫生呀........食完飯....佢一連打左好多個乞嚏呀..>.< 睇見佢個樣就覺得佢辛苦呀..>.<

一路行去搭地鐵... edwin 又o係度攪攪震...^^仲要話自己流口水喎...真係=.=! ^^ 一路搭地鐵... 傾左好多野呀....今日雖然冇得拖.....冇goodbye kiss. 但今日見一見佢......都覺得好開心呀......好似彼此之間o既距離又近左一截咁......^^好開心....^^

我今日俾左兩盒o係中山買o既杏仁餅俾edwin呀．．．edwin o係食緊飯o個時....又突然話我唔夠$$ 洗....俾左$200 呀.... 佢話我上次支藥水都同佢計喎......原來....佢前晚買左$50 波....輸左....再買$50 又輸埋...我想叫佢唔好賭o架喇...點知佢話..之後, 又win 左$700 喎.... 跟住我就話唔怪得知咁闊綽突然俾$200 我啦...^^ 但賭都係有lose o既可能.....希望佢唔好上癮...唔好越賭越過份就好lu...

補chem.....今日終於識畫三酸甘油脂個樣喇...哈哈......^^

返到屋企...edwin 同我講左陣icq...佢11點就訓lu... 病病要訓多d 呀...^^ 我仲諗住約佢星期三出街添....因為佢今個禮拜得星期四要上堂....不過.....未約呀....因為費事阻佢訓啦......諗住佢聽日返唻先問佢星期三得唔得閒...