15.07.2003 Tue.

尋晚訓得一d 都唔好呀....今日10點仲要返聖母練中樂添呀......

我10點我幾就返到聖母lu......跟住...阿屎佢地o係度搬緊野入hall.....佢地又話岑紀儀死左呀....咁喎....我當堂呆左......雖然咁突然我都未諗得起佢係咩樣同邊個.....因為始於同佢唔熟....之後, 佢地去晒綵排...我就o係班房hea.........涼冷氣.....諗諗下又記得佢係邊個o勒.......之後, 我就覺得好悶..就落左去買野飲....仲見到以前d 同學.....入左geog room 同佢地傾左一陣偈.....見到angora+ kathy + candy + christine 佢地呀..^^

之後, 因為真係悶到傻.....就o係ava 個袋度巢笛膜...攪掂左支笛就入hall 搵佢地o勒...^^ 嘩...見到好多o係度懶緊張o既miss 呀.....佢地咁樣落去......唔老都唔得啦...唉....真係擔心佢地呀...我都唔係第一年見佢地咁o架啦.....

今日伍sir 冇返......佢地玩出唻o既音色同感覺...由我o係台下聽...到上台幫佢地手......都覺得佢地......玩出唻o既感覺真係好開心...我地d 歌係將軍令同鳳陽花鼓.....都唔係唔開心o既歌...但可能佢地真係好唔開心......真係聽得出o架....>.<

之後 就同左ava 同阿yo 食飯......去左富堡呀.....食完之後, 本來會去ava 屋企玩o架.....但我又要學琴喎...5點.....所以我就冇去lu......阿屎攪掂埋art room d display 都會唻ga ma.....冇得同佢鬥屎添呀...哈哈.....^^

跟住.....返到屋企.......都冇乜事....點知......個肚突然好痛......所以我最尾都冇去到學琴....因為痛到唔想出街呀....同埋今日又熱到嗌救命喎.....

咁我就o係屋企訓左3個幾鐘o勒....到到5點幾6點....爸爸打唻話女麻女麻過左身喎....咁佢就叫我自己去沙田醫院見見阿女麻o勒.......咁我就出左去lu....屋企得我一個人....所以要自己坐車去....>.<

搭緊車o個時, edwin 打唻...我完全講唔到野...因為我知....如果我一講野...我就會控制唔住.....就會喊o架喇......所以我冇乜點應佢.....淨係話左俾佢聽我搭緊車去沙田醫院.....佢就知我屋企有事.....佢今日唔洗OT 呀....佢話會剪埋頭髮先返屋企.....

我去到佢地都到齊晒lu......唔係真係齊晒d 姑姐...呀....o個d.....但近o個d都唻晒.......見完阿女麻就走lu.....冇人喊呀......可能阿女麻病左咁耐....大家都預左會有咁o既一日.....之後, 就一齊去左阿爺度...我都係第一次見到一家人一齊圍埋開會咋.....講左 一陣.....伯爺話佢得閒攪d 手續....所以就佢攪lu......

之後, 就走lu.....爸爸媽媽我同細佬....就同二姑媽同佩蘭姑姐+姑丈去新華食飯lu....食完就返左屋企lu.....

跟住.....先打俾edwin edwin 問我究竟咩事...我話女麻女麻唔o係度lu......之後, 我就去沖涼lu...之後, 我沖完涼諗住打俾佢啦......點先打極佢手提都冇人聽呀.......我越打就越驚...今日已經發生左好多好多唔開心o既野o架喇....>.< 之後, 我冒住嘈醒晒佢屋企人o既危險...點都要搵到佢..我打左去佢屋企...佢原來真係已經訓左呀..>.< 之後, 過左一陣...我自己都訓lu....

1