10.06.2003 Tue.

5個月喇....5 個月喇....

今日超級黑仔......>.< 一朝早返到學校先知自己原來冇帶key 喎....攪到開唔到locker 呀.....好彩中文堂問到隔離班o既karen 借左本書書咋....英文堂又俾mrs.atkinson 玩左一野喎......唉.......我真係覺得自己好冇腦呀......仲要俾隔離阿novem 話我低能添呀......>.< 唉........係.....我認....that's fine!

phy 派test 呀....唉.....19/50 差一分先合格呀.....但其實最尾o個條如果我調返轉寫係會o岩晒...仲會好多分o架......激死我呀....

今日成日都超級唔開心呀.......但又好「鄧」polly 開心喎.....佢就好啦......有人咁樣同佢講.....不過....我亦都知道...我唔「很」得咁多o架啦.....唉......我唔能夠唔承認...我近排對自己o既現況好不滿.....今日派o個份phy 卷明明係2nd highest 但係我一d 開心都冇......因為我唔滿意......呢排有好野睇o係我眼裡面都會覺得好唔順眼....好不忿...好不屑......可能件事一d 都唔關我事...但係我就係會好..好激氣...好嬲我自己.....

音樂堂....派返份project ...我自己冇期望會拎到高分....只求有得交.....個結果出唻....真係唔好...ok 正常.....但係我硬係唔抵得人地搵人幫佢做...而拎到高分....點解要咁唔公平.....唉....好心淡......樣樣野都係咁.....我做左咁多野....付出左o既亦唔算少....但點解會得到d 咁o既回報o架......有d 人唔洗點做個result 可以好過我o架喎....點解...唔通我真係注定係咁.........好憎好憎..好憎呀........真係好沮喪...好可笑....好氣餒......好唔開心......

返到屋企......一直諗住有得食新o既鮑魚杯麵..點知又俾我細佬食埋最尾o個個......好黑人憎呀.....尋日佢自己食過..就好心留返俾我啦.....>.< 之後, 我自己「淥」左個麵...唉....點解次次我期望得到o既野....總係唔到我手o架........我問心真係有去努力爭取過o架喎.....好似個test 咁...我真係有好俾心機去溫o架喎...唉......好憫呀.....

去學琴o個時...竟然冇落過雨喎......不過....黑仔命繼續照耀住我.........我搭巴士去學琴.....可以因為我訓著左跟住..攪到我遲左一個站落車車囉.....唉.......學琴o個時...又勁力不從心喎.....唉.....練左o既野...一d 都彈唔返.....wasting time.....唉......

返到屋企....因為真係勁唔開心o既關係..所以我就去左訓覺覺o勒.....到到8點....edwin 打唻...話佢放工工lu.....我都之後起左身......食飯...沖涼......等電話.....睇電視.....我細佬本身諗住報琴行o既樂理....但我一見到2800全期咁貴之後, 我就話不如我教佢啦....做咩要俾佢賺jei...我考o個份paper 都勁勁高分啦.....九十幾 over 100 o架.....所以我教得佢有餘......佢去學咪又係俾我miss 教......廢.... 不過....媽咪話全數俾$$我呀....哈哈....yeah!!!今日終於有d 開心野喇.....之後, 仲正...媽媽尋晚買唔到o既美心朱古力拿破倫西餅餅....今日個sales 留左俾佢呀.....好味!!!^^

到到9點幾10點....edwin o係icq 問我o係唔o係度...但因為我細佬玩緊電腦..我就打俾佢o勒.....原來佢想我幫手諗佢份assignment 點做呀....不過....到最尾..我都係幫唔到佢.....>.< 唉...我真係唔識呀.....好唔鍾意幫唔到男朋友o既呢個感覺呀....我幫到佢就好啦....咁佢就可以快d 做完喇...

之後, 10點幾11點....同佢傾左十幾分鐘電話呀.......我數返晒今日d 黑仔野出唻......講起都憫呀.......

1