28.06.2003 Sat.

尋晚因為要聽阿屎話好好聽o個個電台節目攪到兩點幾都未訓......我聽聽下.....佢又走去播d 會令我好眼訓o既歌喎......真係丫.....>.< 攪到我聽聽下訓著左呀.......

今朝發夢發到今日edwin 話夜晚會同我食飯...但係好奇怪o既就係......佢唔知點解係叫我上佢屋企食....仲話佢阿媽已經煮好晒飯等...真係犀利...我即刻呆左...同埋...醒左....但我都仲未捨得起身......冇耐....edwin 打唻lu.....佢好奇怪點解我仲訓緊覺......我問佢幾點...原來已經成12點幾lu.....佢都已經o係自修室溫書lu.....我問佢有冇收到我個message .....因為尋晚我突然好想send 野俾佢.....點知佢話冇收過喎....我就今朝再send 多左一次俾佢o勒.....佢收到之後, 哈哈.....即刻打唻囉....哈哈...我覺得佢一定係o係度笑緊我d 低b 舉動啦....^^ 唔send d 野俾你.....又點可以逗到你開心呢....哈哈......^^你開心...我點都得....

之後, 我就溫書o勒......溫左成個下晝呀....到到4點幾.....edwin 打唻話溫晒全部野一次lu.....就約左我去太子間nokia 等lu....因為佢部機時震時唔震呀.......我去到佢已經擺低左部機....6點先拎得....o個時先5點.....我地跟住就去左麥當勞食雪糕糕o勒....我又係食朱古力脆筒喇....佢又o係度話.....肥呀....但我話咁唔食囉....之後, 佢又話要買喎...真係俾佢吹漲...哈哈.....^^

食完之後, 例牌有少少肚痛呀......去左始創中心....又行宜家傢俬lu...哈哈...好開心....次次同佢行宜家傢俬都會好開心...哈哈....俾佢笑死.....^^" 講野又大聲喎...哈哈....走o個陣.....仲見到以前d 同學....楊沛心同黎慧妍添呀....好耐冇見佢地lu....

之後, 都差唔多時候去拎電話lu.....哈哈.....又係好鬼抵死....^^ 係咁話o個個人一定睇晒d message 啦...又話要我去拎電話喎...哈哈...真係丫....

拎完電話之後, 就搭左6A 去深水步睇無線keyboard o勒....edwin 話想買喎......但都唔平...所以淨係睇咋.....勁多人呀....黃金同高登....佢成日都驚我俾人撞親...high 親..係咁拖住我...^^" 之後 , 就搭地鐵去旺角食飯飯lu....

佢話想食元祿呀....今日食左劍魚腩壽司呀....口感好特別....好味喔...!!!!^^

之後, 就去左giordano . 佢話要買底衫喎...^^ 跟住...我就去左商務買左本「原來孔子」.....中文課外閱讀本野.......唉....係時候睇睇o勒.....話晒都係中國文化之中幾重要o既一d 思想....就係儒家思想囉.....唉.....

跟住....就搭2號返屋企lu.......返到屋企o個頭...我又發脾氣....好嬲咁返屋企....佢就走左lu.....

我返到屋企勁肚痛呀...可能頭先又冷又熱啦....>.< 去左幾次廁所呀...>.< 辛苦....

edwin 攪掂晒d 野都冇打俾我呀...原來佢驚我未嬲完囉.....其實我自己都肚痛到...冇再嬲啦......傻瓜...佢結果一路溫書....一路等我online 呀......真係丫....^^

 

1