17.05.2003 Sat.

今日好早就起左身喇.....7點半到就起左身...本身諗住10點鐘起身o架嘛.....點知咁鬼早....可能早訓喇.......多左兩個幾鐘出唻....就用左唻做phy 功課o勒.....好犀利呀!!!15題數好快就做完喇.....之後, 都夠鐘....換衫去補習lu....出門口o個時...打左俾edwin.....因為尋晚應承左佢話出門口就打俾佢....^^ 今日補習好孤獨呀....因為得返我一個人補咋.....erica ..阿杰+ 阿駿都話個阿sir 唔o岩佢地feel 所以quit 左......阿鎬就因為上堂冇返...冇交學費所以冇返...唻緊o個d 堂...都係我自己一個人上o架喇...阿鎬7 月都過英國lu...連唯一一個有機會陪我o既都走埋lu....唔緊要啦...至緊要我buy 呢個令我C.E. chem 拎到c o既阿sir 就得啦!!!^^

補完習...就去左銅鑼灣地鐵站...今日同一大班同學仔+朋友仔去燒野食呀...^^ 約左點半.....點知住沙田o個6個死仔遲大到囉...>.< 我地4個女仔憫得滯就自己入去赤柱先o勒.........我地去到d 爐已經冇乜喇...攪到要行到勁入先至有爐.......攪攪下....3點幾..d 野食先至到.....因為叫左成班猛男買丫嘛^^ 4點幾先開始有得食呀......

edwin 就o係屋企....佢下晝去左德福間百老匯幫佢媽媽trade in 部壞機再買過部同款o既新機.....即係換機o勒....^^ 燒到6點幾7點....就出左去沙灘o個邊玩o勒.....咁o岩得咁橋....我個好朋友仔+阿駿個女朋友仔karen 就同阿駿唻左喇....好開心呀!!!.終於有人同我玩...同我癲喇....雖然同佢唔同班....但好多地方都一齊去過..一齊玩過..... ^^ 嘩.....諗諗下都同佢一齊去過好多地方呀.....西貢戶外康樂中心啦...大埔個prefect camp 啦....仲有廣西添呀...^^

跟住...我就同karen 一齊去左市場o個邊買衫衫...因為我地都想玩水水呀....^^ 我乜衫都冇帶...所以買左件t-shirt 同短褲....仲有一套兩截o個隻泳衣添呀....^^ 雖然個size 真係唔係幾滿意...但冇計啦...差唔多都算喇....橫掂又唔係好鬼貴..... 之後, 換左衫之後.....就又燒左一陣野食...不過我真係淨燒冇食.....karen 胃痛..所以阿駿陪左佢出去食野...我就o係度同阿杰佢地傾偈o勒....嘩...我地咁夾夾埋埋都有成廿個人呀....^^ 到到8點幾...erica 同novem +carmen 就話走喇......

9點幾.....就同左karen + 阿駿+阿杰+阿鎬+阿鎬女朋友kimi.....去左沙灘o個邊玩數字球......我成日都輸...激死人...好彩次次都俾我掟返中人...哈哈......不過玩到成身都係沙呀......玩到10點幾....返去執埋野就行返過沙灘o個邊沖身.....換衫o勒....o個時都成11點幾lu......

edwin 今晚出去食飯飯......因為佢個friend 聽日生日....去左沙田呀.....不過...都勁早返到屋企呀.......又同和記寬頻簽左約呀.....我聽吳良枝講電話先知....原來今晚阿仙奴對修咸頓喎.....

12點咁滯先去到銅鑼灣呀......12點45分先返到屋企呀.......edwin 都訓lu...我自己攪掂晒d 野....點幾先訓呀........哈哈.....雖然係咁夜...但唔知點解...又唔覺得好支力喎......仲有d精神添呀......總之...今日就好開心啦!!!!^^

1