27.05.2003 Tue.

尋晚訓得唔多好呀.....肚痛呀......>.< 可能係因為個lunch 唔消化掛.....點幾都訓唔著......>.< o個時..我有諗過今日遲到+早退...淨係返去test 左個phy 就走o架....但今朝起身又冇乜事喎.....咁就照返學o勒.....

今日早會....孔副校長話高年級o既男同學唔攝衫呀.....仲要話form 6 有幾個男同學成日都唔攝衫添呀......咁form 6 得兩班....我地隔離班得o個3個男仔....所以一定係講我地班啦.....好明顯係講緊阿gil..jonathan....阿杰佢地啦......仲要俾人話「上樑不正下樑歪」添呀.....>.< 真係醜...醜死鬼呀......

頭兩堂英文喎....又做埋晒d 無聊野......唔記得做過咩lu......recess ...難得今日唔洗on duty 呀...真係好....幫阿珊譯左份中文野變做英文....跟住兩堂phy 堂就用左唻test phy o勒......唉....我發覺....自己話要做到o既野.....要真係做得到.....真係好難o架!!!我已經好努力咁做緊.....不過..原來個壓力係好大o架....雖然今日份卷我識做.....但一切都得唻唔易o架......要努力o既同時....又要時時remind 自己唔好衰.....講得出就要做得到.....可能我真係迫得自己太過緊要啦.....有dd 辛苦......

之後, o個堂倫理堂....成堂就o係度睇埋晒d好膚淺o既vcd.....真係好無聊......過左個recess之後, 就上chem堂o勒......一堂chem 堂好易過呀....又冇咩特別難o既野講喎.....跟住o既兩堂中文...又做討論lu...做完討論就出去present...都冇乜野做....不過好好笑.....今堂係賞畫丫嘛.....咁o岩阿gil 要出去講喎...佢o個組幅畫係馬唻o架喎.....咁大家都知阿gil 鍾意form 4 一個叫馬仔o既女仔o架嘛.....攪到大家起晒哄...哈哈....「阿gil講馬仔喔...................etc」笑死...^^

放左學之後. polly 就話送我去搭車o勒...哈哈...咪又係一出校門就係...哈哈....佢真係講得好好聽o架o者...哈哈....返到屋企...整左個杯麵食...食完都差唔多要去學琴lu....打過兩次電話俾edwin...佢都唔得閒聽.....到左我落車行緊去琴行o個時先至係佢聽....好忙呀佢....>.< 阿珊又打過唻話聽日big wing 生日點點點......佢又差多我$80 喇....總共$260....

學琴o個時....今日真係勁支力勁眼訓..miss係咁話我彈唔到 d mood 出唻喎.....真係激死人呀...我都想彈到o架......我真係有心冇力嘛....>.< 佢仲借左隻mozart o既cd 我"dup" , 我頭先一返到唻就已經"dup" 好左lu......返到屋企....就打俾edwin o勒....edwin 話今晚要踢波呀....不過..7點仲有人返工呀..攪到要遲少少先落到去....佢仲話星期四要上大陸添呀.....>.< 慘慘.....SARS 呀.....雖然話好左dd o者....但都係丫嘛.....擔心!!>.< 唔知點解....個肚仲有dd痛呀....>.< 辛苦!!~~ 頭先食飯之前, 又訓左陣覺...因為真係好眼訓呀....=.=!~~ 食完飯之後, 冇耐...10 點度..edwin 就打唻話o岩o岩踢波...宜家食緊飯...^^ 我都要沖涼lu.....沖完涼仲要做功課....同等edwin 電話....^^ ........宜家係2218

1