08.11.2003 Sat.

今日朝早又要返學lu.... 好支力呀.... 今日仲要test chem添呀........雖然尋晚溫過.....但...都唔知自己識唔識....

今朝又坐到o個個勁勁樣衰司機架車喇....嘩....真係樣衰到死.....今日冇上次咁蠢...望佢.....今日我食緊早餐.....就一d 都冇望佢.......舒服好多... ~_~! 不過....去到石硤尾... 都係得我一個客....佢就叫我坐前面o個架....點知前面o個架就係......有個老婆跟住...兼成日爆粗o個個死人司機.... 唉.....行行下...佢問我o係邊度落喎...因為得我一個客....所以佢就行short cut 唔行normal o個條路...所以我今日0715 先出門口.....已經遲過平時.... 但我勁早就返到學校喇....0738 就返到學校.......你話.....如果自己有車幾好... 15min 到..就可以由長沙灣去到黃大仙lu... 以前......爸爸有車車o個時...都係咁快......好鬼爽呀..!!!!^^

今日3個鐘o個補課...兩節都係chem..... 第一節用唻test. carborxylic acid and their deviratives...哈哈.....都唔知識唔識......將我能力範圍以內記得o既野答晒.....o岩唔o岩就真係唔知呀...哈哈...

小息...o個時.... 上返班房拎狗糧d ken chan notes 準備放學拎去影印......諗住落返去....阿力就請左塊餅餅我食喎...所以我就食埋先落返去chem lab o勒...哈...^^ 撞到阿珊....佢話放學一齊走...但我又趕住返屋企.. 食野....再出去補習喎... 所以我話唔得lu....

第二堂chem 堂.....今日終於完organic chem.....開inorganic chem lu.... 嘩....... 話難唔難....話易唔易.....好多野同form 6 教o既physical chem 一樣.....但就著重多左o係個periodic table 度.......都ok 呀... 我好留心呀....我份notes ....好耐都未試過.....有咁多手寫o既筆記lu... 我一想諗第二d 野唔講書....我就會諗起edwin ...叫我得閒...就要溫書....唔好懶.....雖然成日都想同佢出街.....唔知係咪個天要我o係屋企溫多d 書....所以要edwin 星期六、日都咁多野做....陪唔到我.... 咁樣諗.....個心會開心d .......會豁出去多dd..... 唔會諗埋一邊......攪到自己唔開心... 好似呢幾日咁... 我都應該冇見佢成個星期....但o係呢段時間...我都好少唔開心... 因為我唔想俾edwin 覺得我成日都係唔開心... 我越多時間唔開心.....我覺得佢就越唔會想同我一齊....陪我.......所以我可以話係諗通左....^^

上上下堂......坐到勁支力... 我同erica 企左起身上堂添呀...哈哈....

放學o個時.......落勁大雨呀.... 攪到要o係學校門口睇住有冇小巴..... 一有小巴就上..... 不過都等左好耐呀...

上小巴o個時.......原來黃君毅老師.......即係我班主任..都係搭同一架小巴呀...佢上車o個時...問我.....係咪住長沙灣o個頭.....我話係呀....哈哈.... 同阿sir 一架車.....攪到我唔夠直接打俾edwin .... 我send 左個message 俾佢.... 之後, 黃sir o係石硤尾落左車.... 我先拎部電話出唻打俾edwin 咋......佢搭緊東涌線入大嶼山呀... 陪佢媽咪去拜神呀..... 佢尋晚仲話聽日唔知仲要去邊添呀....我尋晚聽到呢個消息其實唔多開心... 但之後, 安慰自己....同自己講.......都好呀...我又有得溫書....又可以知道佢係一個考順o既乖仔.... 佢咁乖...我唔開心....嬲...又好似好衰... 所以就算數lu... 唉..冇計啦....

落小巴......拎左d notes 去影印... 仲落緊雨呀.... >.< 仲要買麥記返屋企... 同細佬食添呀.... dup 左d 雨....>.<

食完野.......睇左一陣報紙.. 就去左補習lu.... 佐敦呀... 落好大雨呀...

今日ken chan 又發癲...o係本notes 度 整左幅圖..係畫佢自己扮小紅帽....拎住一隻菇菇o係度聞喎......原來佢係想話如果我地唔識呢....就會「香菇」囉.... 所以就整左幅佢聞d 菇菇o既圖o係度o勒,.......真係俾佢笑死......勁勁無聊友..^^

補完習.....就自己一個去左商務買書... 因為中化科仲有一本書要睇...o個本叫「中國語文趣話」..我問o個個o係商務做o既伯伯...佢唔洗兩秒就搵到俾我喇...我搵左好耐呀...哈哈....

買完...落左下面o個層....買file......因為兩個用唻裝phy 同chem d 學校notes o既file 都爆左.....所以要買.....

之後, 仲見到有個大口仔月曆好靚.....所以我就買左o勒...

跟住....就搭地鐵返屋企lu...

返到屋企之後, 就做左好多瑣碎野....

7點幾8 點...我食緊飯...edwin send 左個icq message 唻話佢返到屋企lu 喎...唔知點解唔打俾我..要send message 俾我.... 唔明....

1