09.11.2003 Sun.

今日一朝早9點幾就起左身....... 第一件事就係落街拎訂左o既SMCP 諗住拎埋尋日拎去d 影印o架...但點知o個間野未開門...冇得拎........我冇戴con 落去呀......一落街先知.....原來幅眼鏡d 度數真係超唔o岩呀.....近野好清楚.....但一望遠野就矇到阿媽都唔認得呀.....我覺得真係要搵日配返幅眼鏡先得lu....

一路去拎報紙.....就手痕...所以打左俾edwin....我其實都估佢未起身....但....實在太無聊....所以諗住...打下俾佢.... 打到去.....俾我估中.....佢真係未起身...但我諗唔到auntie 仲會俾個電話佢聽呀.... 其實我都想話..如果佢訓緊就唔洗嘈佢喇...咁o架.....但最尾我都冇講....

返到上屋企.... 就開始我今日o既大計.....就係溫chem.....我都冇target 可以溫幾多...但盡力啦..我希望我可以o係今個月....溫晒physical chem 同phy o既matter + mechanics topics... 我係要溫到自己勁識...勁明o個隻....

edwin 今日要同佢媽媽一齊去派帖呀....佢哥哥結婚...但我心諗.....點解唔係佢哥哥去派o既呢....咁奇怪o既...?? 諗唔起... 之後, 佢3點幾..打過俾我....問我做緊咩..我呢d 梗係o係度溫緊書啦...^^ 但佢打俾我o個時.....進度只係一般....溫左唔太多....所以就俾佢串左一陣...我其實都覺得佢可能係用緊激仗法唻激我....哈哈....

之後, 我勁溫勁溫...我o係一日裡面溫晒半個physical chem呀........好厲害呀!!!!!!^^ 我都未試過溫書溫到咁發癲o架.... 但諗返起今日自己做過o既野.....又會覺得好成功好鬼開心o架喎....呢個亦都做左我一個好大o既動力話俾我聽...我係得o既...我有能力去攪掂晒我要識o既野o既...^^ never give up 呀!!!!!^^

今日除左溫書......仲食左好多野呀...一定肥死lu....又麵...又蘋果...又紫心蕃薯...又兩塊 LU o既 勁好味朱古力王子餅...又菠蘿包...又美心o既好味拿破崙...真係肥死..... 諗起都覺得大穫...但鬼叫咁好食咩..^^

夜晚.....我睇緊本「哲學是愛智慧」o個時...edwin 打唻... 我話睇緊哲學書...佢都呆晒..哈哈....突然咁高深....但其實呢本野唔難.....仲超好睇呀... 我宜家知道...古希臘哲學家「蘇格拉底」係點死o架喇.....^^ 佢o既學生就係「柏拉圖」亦即係「蘇格拉底」o既學說得以流傳都係因為「柏拉圖」寫返出唻.....而「柏拉圖」o既學生就係「亞里士多德」lu.....原來..... 呎d 名....o係form 6 o既時候.....阿sir 講過唔少次.....但我今日先真正知道佢地o既關係同少少關於佢地o既事....^^

1