23.10.2003 Thur.

尋晚比較夜訓呀..... 攪到今日朝早o係小巴度都訓左覺...今日第一堂係叫人信主o架囉....真係吹漲..o個個講o個個人....d 口音勁八兩金呀...哈哈.....笑爆咀呀... 哈哈..

chem 堂break o個陣...我真係訓著左呀.....好舒服..^^

u e o既miss chan 病左冇返....有個阿伯唻代堂.....嘩.......佢超大聲...勁恐怖.....>.<

lunch o係樓梯撞到盧sir....佢問我揀掂jupas 未...我話諗住揀眼光學.....佢就話都搵到下食喎.....咁...哈哈... 所以我要努力喇....

lunch 去左街市食魚皮餃河......好味...^^

放左學......o係學校hea 左一陣.....就去佐敦補習o勒... 好左dd 去.....交學費....

打俾edwin ....冇人聽就算.... 但到我補習之前...都仲係冇電話喎....咁我就諗住留言俾佢...話佢知我補習啦....點知佢聽左我電話.....話佢上緊堂喎...咁我就唔阻佢啦...乜都冇講就收左線o勒.. 佢上完堂....打俾我啦.....但我又補緊習喎... 佢就即刻收左線o勒.....

到我補完習....我再搵佢..佢已經返到屋企喇...原來佢今日去左北角上堂呀......公司安排o架..... 我話本身諗住佢今晚唔洗OT...想話同佢見見o架嘛.....但點知佢咁快返到屋企.... 唉....好計...但我一d 唔開心都冇呀...勁叻..!! 第日見過囉.... 但...我真係有dd 掛住edwin 呀.....好miss 佢..好想見佢呀.... 佢勁衰囉... 我諗住話我返到屋企再打俾佢....我都未講..佢竟然已經cup 我線囉...我真係有dd 嬲o架....但算啦...

之後, 我就去左fancl 度買野... 我同o個個姐姐傾到勁開心...勁興奮呀... 佢同我玩乳酪補濕面膜喎... 本身我d 皮膚d 含水量係37.2% 正常o既係38% ....佢話我好ok 呀......但佢幫我整完o個個mask 之後......勁升到5十幾個%呀..哈哈....但我都冇受佢講...因為我覺得....一做完係咁jei.....之後, 就咪又係咁...我咁normal....仲洗咩做jei...哈哈... 我地仲o係度傾補習d 阿sir......k.kwong 呀....o個d.... 勁抵死.....佢仲攪笑...佢話.....叫我問下d chem sir......究竟.....extra slim up o既HCA (hydroxylcitric acid) 係咪可以break and burn 囉..哈哈....連佢都好懷疑..好好笑...哈哈..

個姐姐仲話我唔似form 7 .... . 似再細個d 呀....哈哈...我梗係話佢講笑啦... ..

我之後, 返到屋企問edwin 我似幾多歲啦.....佢竟然答我「30 」囉.......激死我呀.... 我點唔後生....都唔似30歲啦.......激奀....

 

1