26.10.2003 Sun.

今日好無聊......本身應承左媽媽一早起身陪佢去行山......點知..我尋晚成點幾先訓....攪到我起唔到身....>.<

頹廢左成日.... 點幾......edwin 話佢宜家食緊茶.... 我知佢會去睇跌打.... 但我因為好掛住佢... 我就問佢可唔可以俾我過去彩雲搵佢...佢話唔好.....

但我冇聽話...我一支箭就出左門口..... 首先去左屋企o個頭間seven....拎scmp...之後,就搭地鐵去彩虹.... 之後, 我就打俾阿珊... 叫佢落唻陪下我o勒... 佢有男朋友仔囉.... 見住佢一路sweet sweet 咁...一路傾電話行過唻......唉....真係羨慕死人.....

我就諗住睇下edwin o係邊啦.....原來佢媽媽帶左佢去九龍城睇跌打呀....當佢知道我去左彩雲.....佢即刻勁嬲..勁鬧我囉.......話「都叫左你唔好唻o架啦...」好惡好惡.... 我差d 忍唔住喊出唻呀.... 我話....「我都係想見你,......先會咁o者....」但佢咩都唔聽囉......>.< 佢淨係同我講「咁你宜家返唔返屋企丫???........返唔返呀???」勁嚴厲o既說話..... 勁hurt.... 我只好話「返....」之後, 我就忍住眼淚同阿珊講....「我返屋企喇...」.....之後, 就搭小巴+地鐵返屋企....

沿途眼淚冇流....但d 眼睙.......由nose 度流落唻...攪到我勁索返上去.....塊面又紅晒... 我見到有個阿叔落車之前...仲要好關心咁望左我一眼...... 我返到長沙灣.... do 八達通... 原來我9次喎....我又唔想返屋企住.....就入返閘... 搭左去荔枝角.... 換十送一o既飛...同增左一百蚊值.... 之後, 就慢慢由荔枝角mtr station 行返屋企........try to control 自己o既倩緒...唔再喊... 等自己平靜返.......返到屋企... edwin 個電話唔通呀.... 我就留左言俾佢..話我返左屋企咁o勒.... 一唔開心...我就會用send message o既方法去將我d 想講o既野打晒出唻....

今晚先知....原來...edwin 覺得我一日打咁多次電話俾佢....send 咁多messages 俾佢....佢一d 都唔覺得我緊張佢......care 佢.......仲要覺得我煩......仲要係好煩添o架喎... 唉...我真係有d 好心做壞事o既feel 呀....

佢今晚同佢隔離屋個中學同學.....食飯飯呀..... 佢食緊飯o個時,.....打左一次俾我....同我講佢同朋友食飯呀..... 好開心呀.... 佢唔嬲我仲打返俾我呀... ^^

1