28.09.2003 Sun.

今日8點幾就起左身......食完早餐...我媽媽同細佬就去左屯門青松觀睇女麻女麻o個位......

咁我就自己一個o係屋企o勒...做左d 功課之後, 就開始整頭.....整呢整路........準備出街o勒...我諗埋會見到edwin 所以就用左好多時間o勒....但我12點幾就想出門口之制....edwin 終於有電話俾我o勒... 佢話佢尋晚o係上面過夜.... 仲話今日遲d 先返......咁即係今日我都見唔到佢... 我即刻down 晒....唔知講乜好.......又想喊喎...>.< 點知佢係咁話係長途....仲要話我好煩囉.....我叫左佢返到落唻先打俾我之後, 我就收左線o勒... 好唔開心呀!!!! 喊到隻眼紅晒... 又夠鐘出門口喎......唉...勁樣衰.....

去到佐敦.... 見到sharon 佢第一句野就問我有冇相囉....哈哈...佢指o既梗係男朋友o既相啦.......唉.......梗係未有啦.....跟住我就講左我出門口之前件事俾佢聽o勒......講講下...我又忍唔住喊喇.....勁樣衰囉....>.<喊完之後, 都冇事lu.....

同阿屎...ava....阿yo ......wanna....vicky + 菁菁....玩左一個好飽又好癲o既下晝.... 心情好左dd 啦...

我地又上左眼鏡城玩喎....哈哈.... 菁菁戴眼鏡勁似譚嗣同囉...哈哈....^^

之後, 我為左張十送一o既飛.....就坐左地鐵返屋企lu... 仲要打電話返屋企話我返屋企食添呀.... 本來話同edwin o係出面食o架嘛... >.<

edwin 成10點幾 先打俾我....原來佢o係大圍食完飯.... 上晝好醋o個個edwin 唔見左lu... ^^ 我今朝真係幾驚冇左佢呀...>.<

 

1