~AprilのDiary~

(Tue)

Hello~各位^.^ 今日係呢個網頁開張ge大日子,又係我19歲生日wor~真係雙喜臨門ar~

今日我放左學就返左香港ar~原本阿思話黎接我,到最後,我地相約左0係北角站,因為我打唔到電話俾佢,等左好耐ar~

返到屋企樓下,同左阿思,阿紀同阿湛一齊食野,都係常滿坊D紅油抄手好味D,0係邊度食都冇佢咁好味~紀紀送左個好可愛ge Cinnamoroll 袋俾我ar....個樣好似Puma,所以我地都話係Crossover出黎ge~湛湛就保持一貫作風,一睇就知係0係金路書屋買ge~

之後我同阿思就join左Roy,一齊坐公園,到左差唔多2點,就返左屋企la~

(Wed)

今日,上左Roy屋企......咁就過左一日,但係,有人請食返都好~今日,2餐都唔洗錢ar~夜晚仲去左椰林閣tim~但唔好以為咁就當生日禮物ar~!

返到屋企,都9點幾10點,但Cyrena仲話上黎wor,因為佢要送禮物俾我ma~係一隻Cinnamorll公仔ar~好可愛~大家睇下la~

(Thu)

今日同左Cyrena&佢男朋友一齊去hair cut, $55咋~ 之後地一齊食lunch,然後,我去借書,佢地去左油塘....但我地約左去睇天作之盒,不過,我地去又一城ge途中,我發現......之後果場太晏la....我仲要同我媽媽食飯.所以,0係又一城行左一陣,就返左將軍澳la,之後當然係同我媽媽食飯la~

諗諗下,今年冇返鄉下,咁就冇左今年唯一一次全家食飯ge時間,真係好可惜.點解一家人要一齊食一餐都咁難?

(Fri)

我真係覺得自己好勁ga~我同大部分朋友ge屋企人都相處得幾好....今日,又一創舉~Lunch同紀紀&佢媽咪一齊食,Dinner就去左Roy屋企食~仲有燕窩食tim~不過返到屋企,又係食燕窩wor.....(好串wor!)

勁ar.....今日仲試左Wall's新出果隻雪糕tim~我食左士多啤梨味ar,紀紀就食左朱古力味~好正ar~~~~

人地屋企就好la,日日都可以一齊食飯~

(Sat)

今日同爸食Lunch~傾左好多野ar~

之後想去溜冰,但係又搵唔到人同我一齊去wor,所以最後陪Roy去補習,咁我就坐0係Starbucks一個鐘,睇下佢本書lor,都幾好睇ar,個topic我好鍾意~之後就同佢一齊行街~好耐都冇咁Relaxing la~今日好開心~!

(Sun)

(Tue)

要走la....好唔捨得.....第一次0係碼頭喊.....你會覺得心痛嗎? 去碼頭ge途中,見到你地傾得好開心,冇乜留意我,但係我知你係知道ge....但你真係唔識面對......我明白ge,但,你又會明白我嗎?

(Wed)

又要返學la....但都係好想留0係香港....等到6月11,我就可以返去la~我要努力等.....

(Sat)

(Wed)

今日收到好多消息.....第一係Suki去左參加港姐,而且我仲要覺得佢一定入到圍.....因為已經俾人知道左佢拍過便利封面~ 其實,我同佢之間,都冇乜幾會成為好朋友ga la...大家都唔同, 又或者有D野係相同ge, 就係好勝, 所以,好難做朋友, 但希望佢今次, 點都可以0係比賽入面學到野la~ 有得去肯亞, 真係好~! 我同佢之間, 有誤會, 有傷害, 雖然我到而家都仲未做到對佢完全冇野, 但係, 我會努力ga~

今日仲收到一個好sad ge消息, 就係一個好朋友, 因為心臟腫瘤,星期五就要做手術,,,,我真係好想好想見下佢ar~ 但今日同佢ICQ,佢叫我唔好返去....我都掙扎緊,因為果日我原本係要返工ge.....不過,對而家話病又唔係好嚴重ge我黎講,出張醫生紙,一D都唔難......神啊! 就求你俾我知道, 我可以為佢做D乜la.....我應唔應該返香港? 抑或好似佢咁講,留返0係澳門,唔好走黎走去呢?

(Fri)

Cherry唔俾我返香港ar....但好彩已經知道左佢個手術唔大,原來只係心口,而唔係心臟.....

但我而家真係好想返香港ar....好掛住所有所有人~