布吉曼谷勁玩勁食之旅

9-July-2007 DAY TWO


今日一早6:30am就起身, 真係返工都無咁早啦….先去食個早餐,早餐是buffet型式,都有好多野食,早餐後..回房間整理好要帶出島的東西,差不多八點..就出lobby等車黎接我地去出島(攀牙灣划獨木舟)啦~

出到lobby,都已經有10幾個不同國家的人在等緊, 之後不斷有車黎接人上車,有些人去pp島,有些去蛋島等等…差不多等到8:15am 才有車黎接我地, 是一架9人van仔,車內已經有7個人了, 是3 pairs不同國籍的,車程大約45mins才到達碼頭,船上全團差不多25人左右, 有10個左右是香港人, 我估佢地都是跟旅行團join的,因為有一個香港導遊帶佢地的,其他都是外籍人事.

開船後,一個泰籍的導遊就用英文講解今日的行程,船上重有生果, 樽裝汽水, 咖啡茶免費供應,好似重有d泰式小食,不過我無食到呀~ 差不多一個鐘後,就到了第一個島了, 導遊安排好一個泰仔跟2個人划一隻獨木舟,這個島要訓低"捐" 窿 先入到去,中間經過一個黑暗的洞,泰仔就比左個電筒我地照,嘩…唔照都唔知,原來洞內有好多蝙蝠架,唔怪得咁臭啦~~ 不過經過黑暗的洞,就會欣賞到島內寧靜的景色啦.欣賞完第一個島..上番船,大約10分鐘左右,又要落船去第2個島啦..都係泰仔划下獨木舟去睇下d奇怪石頭, 如果是喜歡欣賞風景,又不太喜歡游水,選這個island tour是不錯的選擇.

Lunch是在船上食,都OK啦~ 不是太難食. Lunch後就去攀牙灣,今次不是划獨木舟去,是轉坐大木板船去, 島上有D檔口買貝殼飾物,不過無嘜特別,影下相,行兩行就想閃人,而且天有不測之風雲,今朝重陽光普照,下午天氣就開始變差啦,泰仔導遊本來話在這島停留45分鐘,不過見各位團友已經坐晒起到,又開始下雨,所以都安排早d上番船.

之後本來再去Lawa Island游水,但泰仔導遊話天氣不好,就改去另一個島比我地自己划獨木舟, 原來自己划獨木舟都好好玩架, 可惜天氣越來越差, 划左15分鐘到就叫我地要上番船, 後來不到5分鐘,開始大風大雨啦~ 大約又1個鐘左右的船程,就回到碼頭了.先去相..

船上免費供應生果,樽裝汽水, 咖啡茶

就是 "捐" 這個窿入島啦~

個泰仔在泥灘內捉到條魚

回到酒店差不多5:00PM,因為我BOOK左6:00PM有車黎接我地去Dinner, 所以就那那淋上番房沖涼啦~ 點知發現酒店房有d燈開唔著,初時以為自己按錯..攪左一輪, 決定唔理住, 時間無多嘛…沖完涼就落reception諗住講低聲叫佢地check, 點知佢回覆是天氣問題(因為剛才很大風大雨) 所以影響左電力, 因此暫時只提供部份電力喎,大約要一小時左右就會回復正常

6:00pm司機好準時已經在門口等緊我地,車程大約45分鐘,才到達今晚dinner的地方.本來我在香港計劃行程的時候, 都考慮左好耐, 好唔好突登要花45分鐘車程, 又要比1000b book車連司機的費用去食一餐dinner呢~ (p.s. 如果唔book車,坐taxi單程都要500b,而且未必有taxi回程架). 不過最後我的決定是非常正確.

好好彩, 去到lotus 已經無再落雨lu, 本來我在香港send email 訂位的時候,已經request左 “on the beach table”
(如果住在laguna area,是有pick up service)

不過佢地d staff話今日落雨, 唔開放 beach table, 所以無得對住個海灘食啦~ 不過其實唔落雨,都好大風,坐入面就唔怕食到沙囉..

Lotus restaurant 是在Bang Tao Beach上, 氣氛都幾好架, 暗暗地點晒臘燭, 大部份都是游水海鮮, 可以自己去睇黎選擇, 價錢當然比昨晚白泥貴,不過就平過香港好多啦~ 我地唔理咁多,今晚決定要豪食一次, 所以點左一隻龍蝦(芝士), 2隻老虎大蝦 (CURRY) , 2個蟹蓋 , 一碟生蝦 (公車NUMBER), 4隻蠔 (GARLIC) , 4隻蠔(BBQ) , 一碟Fried local green vegetable with dried shrimp (好特別,必試推介) ,一杯LONG ISLAND ICED TEA , 一枝SINGHA BEER, 後來見到隔離抬飲白酒, 我又唔低得, 又叫番支白酒, 哈哈… 今晚埋單係..

差不多港幣$820 , 我諗如果在香港, $820 只可以order到龍蝦加白酒咋.. 今餐真係好滿足.去相先..

食左幾隻先記得影相

食飽飽之後,就叫司機車我地去Jungceylon shopping mall, 去到就叫司機不用等我地,可以收工啦~ 咁見佢lee2日車我地d服務都好好, 去每個地方都不用我地等, 想上車的時候都已經見到佢渣好架車在門口等我地, 所以2日都有比100b tips佢.

同載我地架車影下相先.

頭先餐dinner雖然好滿足,但好似重爭個dessert喎, 剛好Jungceylon有swensens, 嘻嘻..入去食埋個dessert先…

叫左個朱古力火鍋,有9大球雪糕, 香蕉,蜜瓜,朱古力cake..呢個火鍋只係 239b ,即係 HK$55左右,又抵又好味..

之後去 LET'S RELAX book定聽晚去按摩,就回酒店休息啦~