She.com既討論區又有徍作, 今次題目係大家細個有冇d白痴野同埋玩d乜, 我撮錄左部份經典既出黎, 大家慢慢回味下啦! ^^

我細個睇得美少女戰士多, 
成日會諗自己會唔會俾隻貓選中左做美少女戰士。

我成日覺我o的動物會講野, 
所以我成日同隻狗講:我知你識講野架 , 
你快o的同我講野啦" 有時我會扮死睇下隻狗會唔會原形畢露。

仲有有時有o的卡通卡變身變成分鐘, 
我會諗佢地會唔會變變下身俾敵人打。

d 卡通片咪話 d 壞人戴面具去扮好人既, 咁我 d 阿爸阿媽, 
姑姐阿叔 (同我地一齊住) 放左工返黎我就會搣佢地塊面, 驚佢地係壞人扮。

我以前一直聽到news話"離難"即係離開0左呢個難咁解...
所以見到d人坐飛機"全部離難"就即係全部都save番咁,
好開心至係ga...後來先知0個個"離"唔係0個個"離" 。

仲有"病向淺中醫", 細個一直以為係"病向錢中醫", 意思係有病一定用錢睇醫生, 肯花錢就會好返。

我同我阿哥細個見親阿媽同老豆既結婚相都同佢地講"做乜唔請我地飲呀?" 

我細個以為電視入面d人個個都望到我做緊乜架, 
所以當我開電視睇, 就唔敢做d核突野, 好驚比佢地見到我liu鼻屎。 
仲有呀, 電視入面有d人唔想出鏡就打格仔, 
我唔知點解架, 以為有方法令自己有格仔遮住, 
仲叫我呀ba幫我整添。

以前唔知道汽車過隧道係要比錢的, 
只係見到司機同收銀隻手有接觸, 
於是問阿媽, 點解過親隧道司機都要同收銀握手。

我細個個時成日諗住離家出走架, 好似d古代人咁, 
用一塊布包住d衫咁呢, 仲諗埋d路線走人添! 

我細過時成日將d野分成二派,有正反二派.. 
好似..任天堂,世嘉 
百佳,惠康 
海洋公園,荔園...

我已經二十一歲啦, 不過我仲會攬公仔訓架。
我而家攬個一隻係我幼稚園中班攬到依家, 我仲買埋衫比佢著。我成日都當佢係我個女, 我有時叫阿媽攬下佢, 我話佢係我生, 
即係你個孫, 跟住阿媽無我咁好氣。
我真係當佢係我親人架, 我估如果我阿媽掉左佢, 我會傷心到死。

我細過唔敢直望D policeman, 
以為佢地有一眼就睇得出邊個係壞人既能力,
所以唔會正視佢地, 怕佢地以為我係壞人。

細個我以為食左d水果核入肚就會係入面生棵樹出黎。

我細個果時唔知老豆訓覺有鼻寒(係勁大聲果隻) 
每晚一到半夜聽到都好驚...以為有鬼or怪獸唻咗我屋企... 
我就用被包實自己...等d鬼怪見唔到我... 
記得有一次我頂唔順, 
用被包住自己之後就衝入我阿dad&mum間房既地下訓...
點知d聲仲大過先前...嚇到我喊...
嘈醒咗阿媽...問我無啦啦做乜走入佢地間房, 
我話有鬼仲俾佢鬧咗一餐.....

你地寫細個時玩O既O野...我好多都有試過...
扮先生學生唔少得啦...又係用粉筆畫門呀...
仲要叫D表姐佢地扮學生抄NOTES...出題目叫佢地做..
THEN 我去改簿...勁鐘意扮MISS 改簿呀!!
有時仲用埋吸印&貼紙貼O係D佢地做得好O既習作
到...都白痴O既...同埋好鐘意扮班長派簿...
特登將自己O既簿派到好遠...攪到亂晒咁....之後又扮收返...哈哈... 

扮忍者小靈精, 手指同腳趾攝住張被既四個角, 係梳化上面跳來黎。

係屋企用卷廁紙拉到勁長, 
拋黎拋去當跳舞絲巾, 
跳黎跳去。

我仲玩埋香港小姐, 拎條爛鬼沖涼毛巾包住自己當袍, 
再加個巨形晾衫夾當o個個鑽石心口針, 將個頭'cool'帶'咩'd當后冠, 
仲要拎住支雞毛掃... o係朋友屋企當住人o地成家人面前繞場一周... 

我細個o個陣仲試過玩barbie, 
幫barbie洗完頭吹下個頭, 
點知我老豆無啦啦話俾我聽搵風筒幫公仔吹頭會爆炸, 
嚇到我dum左個barbie去幾丈遠, 
個頭打晒"cake"救唔番...

同亞哥玩扮古裝人,用尼龍繩扮鬚,
再用報紙摺刀,互"pet"!!當然唔少得扮忍者,摺飛標,互飛
(講真飛中好痛). 
仲有,係門口個閘(個時個個小朋友都被鎖係屋,
但係我地會開左木門爹下)同鈄對面個小朋友講野,
唔記得講過咩,之後佢用豆鎗射我地,
射到我地成個門口都係豆,我地仲專登唔清理,
等亞媽返黎話佢知,當然我亞媽就過去話佢地啦!!哈哈!!

我同我個妹細個成日會收集各式各樣阿媽唔要o既髮夾呀... 
珠鏈呀... 絲花呀... 蝴蝶結呀... 甚至x'mas d閃令令裝飾物... 要o黎做咩?! 
就係將佢地懶靚咁夾晒上個頭度扮古代公主... :D 
o個時覺得自己好叻又好靚o架~ 自己夾完就幫我個妹夾... 
玩完之後仲會將o個堆"垃圾"當寶咁用袋袋住收埋佢, 
下次拎出o黎玩過... 好白痴呀!!!! :P 
我而家諗番起都會笑, 
但我唔明點解o個時我parents見到我地扮到自己好似癲婆咁, 
都好似冇乜o野咁o架喎~~ :)

同男仔扮兩公婆,老公前老公後,講d野鬼咁肉麻~ 
同女仔就玩"闊太"遊戲,扮有錢阿太勁吹水,
以前咪有d鑽石介指糖既,
我地就戴上手show出黎話係老公送既,哈哈,老積到死!!

自細就好鍾意車, 我會將長間尺攝係梳化隙度, 
扮波棍, 拿住隻膠碟當駄盤。

我記得自己一年級o時候唔識o野, 
居然剪開張廿蚊紙一半,以為可以分兩次用!

我記得我細個時..大約6 歲啦.. 
o個期亞視做"秦始皇" 
我個朋友仔個亞哥, 
好鍾意踩住佢細妹(我朋友)個頭,
大大聲唱:"大地在我腳下.....哈哈哈哈....國界掌於手中......." 

同細佬扮玩慢動作打交,我成日陰佢,
慢慢下動作忽然一下快動作,點知耐耐下佢仲醒過我,
仲陰濕過我!

細佬細個用"啖觀"柯完唔唔時想起身,
連人帶"觀"一齊起身, 整極唔甩, 
然後發茅喊到比人投訴。 

扮香港小姐,玩新秀歌唱大賽,隔住度閘玩開餐廳。 
仲有最經典就係扮小忌廉, 求其楂住支棍就當係神仙棒。 
如果有得出街玩,就玩兵捉賊,走足幾層樓。 

我同阿哥成日都搵條繩綁住個膠袋,然後放出窗口,扮放紙鳶。

細個好興放膠袋,我一見到窗口有膠袋飛黎飛去就會拿住, 
同佢鬥扯.跟住拿拿聲搵較剪剪斷佢, 好開心架, 之後就聽到樓上係度咆哮架啦。

用以前個D街簿OR上一個學期D簿既下半部份當CHECK BOOK, 
因個簿皮可做CHECK BOOK COVER 寫上銀行名&持有人個名, 
最PRO 係一定要用把間尺協助"MEET"CHECK, 
扮寫CHECK遊戲既精髓係因為見電視老細係"MEET"CHECK 個下好快好型。

又試過同細佬隔好遠咁面對面,
佢大叫”家姐！”,　我大叫”細佬！”,
之後我地向大家的方向走去,
扮好久不見的朋友（with open arms)衝過去扮攬住, 
其實走近時就大家互搣, 低ｂ．．．．． 

同表妹細個果陣起公屋既走廊果樹,
禁人地屋外既門鐘,然後即刻逃跑。
到屋內既人開門但唔見有人既時候,我地就覺得好好玩。

我成日dum 一ja紙碎落街, 玩仙女散花 
仲覺得好靚, 
成日諗下次一定要再準備多d紙碎...... 

仲有剪到紙碎晒,再拋高扮玩落雪(比人鬧話整到污曹晒) 

我以前細個最鍾意同張被捲住我細佬, 話佢係"小春卷"!!哈哈!!

我細個住公屋, 試過一次趁阿媽返工, 
居然刪埋木門夾自己與鐵閘中間
表演給D 鄰居小朋友看, (這時我很瘦的),
我以為帶了鎖匙便可用來開番到門, 
點知開唔到, 開鐵閘又唔得, 
個人夾係中間係到喊, 當時情境真係又驚又瘀, 
已經唔係表演而係展覽, 
搞左好耐隔離師奶終於開番到門, 
但個額頭夾到腫左. 我冇話俾阿媽知, 但之後個師奶爆左出黎。

我細個時會認為屋企條四腳蛇會進化, 佢既住化過程會係︰ 
四腳蛇--->蜥蝪--->鱷魚--->恐龍。 
你都咪話唔得人驚呀, 屋企會有鱷魚喎！

細個時好仲意玩水, 咁同表妹一齊沖涼時, 
會一人一個"浪口中" 係度扮大俠飲酒,
扮倒入口之後係個下巴流返出黎, 
仲要係咁話: 好酒我敬你一杯 哈哈哈咁。 

同細妹0係窗口大嗌落街: 
"著紅色衫牛仔褲0個個肥婆好肥呀!!" 
然後立即哩埋, 街上個紅色衫肥婆四圍望, 好攪笑!

我細個個時同家姐話想去游水(玩水),
但係媽咪唔得閒帶我地去,
跟住媽咪就係浴缸放滿一缸水,
叫我地當自己係泳池游水喎,
我地仲要真係著埋泳衣浸落去喎,
諗起都好笑!

用爽身粉, 整落地, 當溜冰!

偷亞媽對高跟鞋著扮秘書。

我試過攝隻麻雀落腳爭,再著對襪扮高跟鞋。

我都有0係廁所玩單槓,重同細佬一起,
點知條鐵"通"爛左,有水猛噴出0黎,屋企無人,
嚇到我死,喊左好耐阿媽先返,
我同細佬一路喊,一路認錯,幾驚! 

坐係個水桶度, 家姐拉住個柄拉我.. 
同家姐扮識跳芭蕾舞.. 係度轉下轉下..仲自己用口作埋背景音樂。 

我細個成日同細佬玩架, 
搵條毛巾被...做舞獅頭個個就羅住條毛巾被既兩角.. 
放係頭上面~ 企後面個個都烏低身~ 
跟住就扮"舞獅"咁周圍"fing"喇~ 

各住姊妹有冇玩過紙公仔? 
就係一個紙既女仔, 同埋紙衫,
可以幫個公仔著衫果隻呀。
小學曾經有一排, 成班女同學都勁鍾意玩紙公仔,
我地鍾意自己畫公仔同埋衫, 仲會好有心機咁塗顏色。 

仲有, 除左同barbie沖涼, 洗頭之外, 
仲會搵埋d布頭布尾造衫俾佢著, 不知幾認真。

細個有次見個barbie塊面dirty, 
就用塗改液枝稀釋水洗面, 結果個barbie咪冇左隻眼lor. 

拎條毛巾扮長頭髮~~ 睇下自己長頭髮靚D定短頭髮靚D~

我試過捉蟻黎養~ 
又試過跟住條蟻路去搵蟻竇,
放d野食去餵佢地~~ 
因為由細到大成日d書都話蟻係勤力做野~
所以我細個果陣都幾鍾意蟻~~~好白痴!

唔知大家記唔記得有貼紙簿,
要買一包包嗰啲貼紙先會集得齊,
次次都要叫阿媽買。
仲有會用啲星星貼紙貼喺塊面度,扮梅豔芳。

我同細佬細個好鍾意跟阿媽去銀行, 
拿o個d用來入錢或拿錢的紙(入數紙?), 
然後番屋企玩扮銀行, 仲要設計到個簽名龍飛鳳舞。

我細個試過同我個妹'lee'入被入面, 
開電筒,扮去露營,
依家同返大學同學傾返, 
發現原來我同學仔都有做ga, 
好搞笑。

小學時, 有一排好興用一款筆盒, 
個筆盒有五個掣,一按就會彈 D o野出o黎,
有放大鏡,裝rubber o既位, 筆刨等等。

~以前小三暑假時碰上有奧運會, 迷上了女子體操o個part,於是成日同表姐表妹在家中來回狂打側手翻和練習倒立。又用四五張方形木椅扮平衡木在上面玩燕式平衡。最癲就係在家中玩單槓,方法就是拿家中的地拖和掃把,一頭一尾有人扶住,然後我地就可以繞住在掃把柄轉圈,服未?
~在表姐家中玩自助餐,又係用長木椅排成一張長檯,上面放了幾煲食物,食物全是cheap到唔恨的東東,如煎腸仔,煎蛋和一煲煮好的公仔麵。每次都會拎少少埋位食,然後又扮晒野出去排隊再拎。