My Diary - 11 / 2004
2004 年 11 月 1 - 6 日
唔經唔覺，2004 年又到 11 月啦，第一個星期 . . . 公司令我難堪不已，每一日都好似挨 ~ 我亦都忍唔到黑面同埋向老闆同阿趙駁咀 . . . 星期四更加係好似有道氣係我心口谷住，再咁落去我都唔知會點 . . . 好辛苦 ~ 所以我好期待夜晚既來臨 !! 下星期六要測驗 . . . 好耐冇試過冇信心種感覺啦 . . . 唯有盡力啦
呢個星期同安兄大談心事，有一晚佢上左我屋企 . . . 一路傾一路被阿媽煩 =.= 無奈 ~ 兩個男仔傾野緊係閂門 ga 啦 . . . 又以為我打機 =.= ~ 傾左好多野呀 . . . 傾到唔想佢走 ~ 哈哈 !!
星期六 . . 即係今日 6/11 ~ 佢約我去踩單車 . . . 天水圍有車租，又唔係貴 . . . 實在太好啦 !! 同佢係到探索一 D 新地方 . . . 搵到個又可以釣魚同燒烤既地方，唔錯呀 !! 跟住就去左我地一齊成長既朗屏 . . . 之後又去左元朗工業村 ~ 種感覺好正呀 !! 諗返好多我地以前既友誼 !! 踩左三個幾鐘，返返天水圍近濕地公園個度又大談心事啦 . . . 哈哈 !! 種 mood 太舒服啦，兩個男仔有咩好傾 !? 估都估到啦 ~ 哈哈 !!
好期待 . . . .
2004 年 11 月 7 日
今日訓到九點幾先起身，之後就上左陣網 . . . 就開始溫書，溫下溫下 . . . 有番少少信心 ~ 睇埋新聞就繼續，溫到最尾個兩課就 online relax 下 . . . 同 ｙａｎ 講左 D 近期煩緊既事 . . . 哈哈 ~ 暫時都係得佢一個女仔同意我既諗法 !! 都好 ~ 講多陣就 offline lu . . . 睇多一課就去踩單車 ~ 剩番個課就今晚先 !!
一落到去想去影巴士 . . . 但係冇野影 ~ 唯有入去單車徑 ~ 唔覺唔覺 . . . 又被我搵到條正路，見到有一個地方好正 . . . 有田、又有雞係到走 . . . 咁既情景梗係即刻影低啦 ~ 影左 4 張就繼續探索。一路踩，原來條路係 cut 出去洪水橋 ga wor ~ ~ 咁就繼續啦 . . . 去到藍地冇路就返屋企 lu ~ 好正呀 !! 哈哈
返到去天水圍，係後面個條單車經 . . . 六點鐘 ~ 個環境好靚呀，如果有個人係我隔離就好啦 !!
夜晚睇電視，講"死"呢樣野 . . . 睇完我覺得要去珍惜一個人唔好太遲 . . . 否則就會後悔 ~ um . . 就係咁 ~ 睇埋四葉草就溫書 sleep lu ~
2004 年 11 月 8 - 14 日
呢個星期過得好快，亦都發生左 D 野 ~ 不過我唔想係度公開啦 . . . 日常生活都係返工放工同埋返放學 ~ 星期六既測驗死左 . . . 我咁大個人從未試過咁快離開試場 ~ 好灰呀 !! 種 feel 好失敗呀 ~
今期要講下同安兄既天水圍之旅第三篇啦，星期日過去佢 home . . . 拯救曼聯行動衰左之後就去租車啦 (我唔駛租 ^__^) ~ 一走出門口隻貓又跟住我 =.= 真係可愛 ~ 去到租車舖 . . . 個老闆極力遊說我地去一個地方 ~ 咁我同安兄當然去探險啦 ~ 由天瑞一出 . . . 沿住馬路旁既路段踩 ~ 一路唔埋條路岩唔岩都照去，直到見到人潮既地方 (之前一路都冇咩人，有好多旅遊巴行就真)~ 咁就停低休息下 . . . 被我見到個路牌 ~ 原來我地冇行錯路 . . . 於是我地繼續出發 ~ 條路係一條馬路，單線隻程行車 . . . 我地踩單車都要幾小心先得 !! 沿路都係大陸 feel . . . 好後悔冇帶相機 tim ~ 一路入 ~ 開始有 D 好靚既風景 . . .
直到去到一個平地，我見到有條路 ~ 就叫埋安兄踩上去啦 . . . 鎖埋車 ~ 再行條小路仔 . . . 嘩 ~ 我以為自己上左天堂 . . . 好靚呀 D 景 !! 有一片泥灘同紅樹林，好寧靜 . . . 加上 D 風聲同埋 D 小動物係泥灘游既聲 . . . 個心好平靜 ~ 閉上眼去 enjoy 下 . . . 呢個時候安兄同我講 : "點解我隔離o個個係你而唔係女仔呀" =.=.=.= 死仔 !! 你估我又想我隔離o個個係你咩 !! 我夠想係個女仔啦 =.=.= ~ 之後離開呢個天堂 . . . 再向前入 . . . 有豬場 (好臭) ~ 又要上大斜路 . . . 直至去到目的地啦 !!
原來入面有好多野睇，有個農莊 . . . 又有海景望向大陸 ~ 同安兄係農莊入面玩，俾佢搵到有羊 =.= 真係有 . . . 佢仲走去餵 D 黑羊 . . . 餵餵下走隻牛出黎先好笑 ~ =.=" 三隻羊 + 一頭牛 + 一隻雞住埋一齊 ~ 都幾得意 ^__^ 哈哈 !! 不過我就去玩狗 . . . 好得意呢 ~
休息完再入去 . . . 好靚既濕地境同埋魚塘 !! 不過個度已經係邊境啦 . . . 加上開始夜 ~ 被迫走人 ~ 下次帶夠工具再黎 . . . 不過走時有 D 麻煩 ~ 要上大斜啦 (D 豬場係隔離，想作嘔) . . . 最死既係我架戰車"甩 lin" 好彩有熱心途人帶手 . . . 如果唔係就返唔到屋企都似 =.=。用左一個鐘出番天水圍中心啦，今日太好玩啦 . . . 個度係邊度 ?! 我會叫避世樂園 law ~__~
2004 年 11 月 15 - 21 日
又一個星期，十一月是一個多事既月份 . . . 公司都係七國咁亂 ~ 返學還可以 . . . 因為上次 test 之後 ~ 要努力向上 ma，所以都留心到。不過唔知可以 keep 幾耐 (就快考試 tim) ~ 星期六冇返成日 . . . 下晝返屋企溫書 ~ 都溫到入腦 . . . 下個月就考試 ~ 唔衰得 ga !!
星期日，又同安兄玩單車 . . . 不過今次先入流浮山食蠔 ~ 好好味呀 !! 之後再去多次o個個好靚地方 . . . 不過有巡遊，阻住我地 tim =.= 一路踩 ~ 唔對路 . . . 原來上左去觀鳥園 =.= 結果又要落番去 . . . . 去到 ~ 感覺好唔同 . . . 冇左個種喜悅 ~ 可能心情唔好啦 . . . 其實欣賞風景，要有天時地利同人和 ~ 今日人和冇左 ~ 所以人間仙景 . . . 都唔覺得靚 . . .
之後走人，今日冇左種 enjoy 踩單車既 feel ~ 係變左一種沉重 feel . . . 同安兄踩去屯門 . . . 中途有個肥仔 ~ 好似好唔甘心被我同安兄過頭 . . . 連女朋友都唔理係咁加速過番我地 ~ 不知所謂 !! 你踩得慢就緊過你啦 . . . 為啖氣女朋友都唔理 . . . 都唔知咩人黎 ga ~ 之後同安兄休息 . . . 一陣間咪又過番個肥仔 . . . 唉 !!
踩到去屯門 IVE . . . 入左去一陣，之後踩去市中心 . . . 好累 . . . 同安兄係市中心睇左陣野就走啦 ~ 沿富泰走 . . . 我已經冇力啦 ~ 今日狂踩 . . . 完全冇理身體壯況 ~ 叫自己唔好停 . . . 結果返到天水圍 ~ 抽筋 . . . 好痛 ~ 坐左係到都唔知幾耐先可以企得番 . . . 行番去還車 ~
今日我究竟發生什麼事呀 . . . .
2004 年 11 月 22 - 30 日
話咁快十一月就完左啦，真係好快 ~ 下個月就考試啦 . . . 不過都未溫哂同埋 . . . 唔識呀 ~ ~ ~ 十一月真係發生左好多事，都令我明白好多野，對我係好事 . . . 當然都有壞事啦 ~ 就等我而家總結下啦 ~
十一月係單車狂熱月，同安兄四出探險 . . . 我呢個兄弟既地位冇人可以取代 ga 啦 ~ 識左咁多年 . . . 都有 13 年啦。希望將來可以同佢一齊闖天下，建立王國 !! 單車旅程愉快驚險，各位幾時得閒，等我帶你地遊下天水圍啦 !!
公司方面，令我好辛苦 . . . 一個人做兩個人既野，得一份人工 ~ 我都開始忍唔到 . . . 成日黑面 + 返到屋企發脾氣。好在月尾開始 control 到 . . . 不過咁落去我實走 ~ 唉 !!
返學 . . . 除左識左幾個好同學之外，其他就唔係好想講啦，好辛苦呀 !! 雖然上次測驗失敗 . . . 但係有心無力 ~ 我想留心上堂同溫書，但係真係好累呀 . . . 考試我都唔知點算 ~ 唯有盡我所能啦，星期六一到一點o拿o拿聲走人 ~ 費事老闆返到黎又捉住我啦 . . . 三年 ~ 希望順順利利啦 !!
近來睇我日記既朋友，都發覺我好少講感情生活 . . . 或者到係時候講少少啦 ~ 雖然係分開左，但係我都相信我同佢都可以做得番好朋友。呢件事拖拖拉拉左咁耐，始終都有個結果 ~ 可能有人覺得我唔好 . . . 可能佢地講得岩。不過經過今次，我更會學董自己的 weak point 同相處、待人技巧 !! 希望我可以真真正正俾到幸福我下一個鐘意既人 . . . . .