My Diary - 4 / 2004
2004 年 4 月 22 日
天氣 -- 炎熱
嘩 ~ 都好耐冇寫日記 lu, 今之連個日記網址都變埋 ~ 無計, 之前o個個麻鬼煩, 咁多限制, 自己又冇心機搞之前o既網址, so ~ 搬過o黎呢個網頁。
呢段時間都發生左一 D 野, 令到有 D 野開始改變咁 . . . 不過呢 D 事真係好難控制到, 當中可能有分紛爭、誤會或者其他其他 . . . 我唔係為呢 D 事作任何解釋，因為冇呢個必要。總之，知我為人既朋友，就唔好睇一 D 表面既野就作出一 D 既判斷 ^__^。
講番近排冇寫日記O既日子，都係咁過，忙完 Test 就到 assignment =.=", 好多野搞咁。不過係學校生活既日子一個月都冇就要考大考啦 ~ 呢個考試對我好重要，可能影響我讀 part-time 課程，所以一定要努力。加上前排返 LKT 同 Miss Leung 傾左 D 野，令我知道呢個社會既競爭係好大 ~ 真係要努力呀 !!
2004 年 4 月 23 日
天氣 -- 都係炎熱
今日一早起身趕返學校做 personal interview，同班主任講左好多事，包括對老師之不滿 ~ 哈哈。之後上 project . . . 上等於冇上 . . . 講左少少關係 present D 野就冇 lu。我就係到上網，之後上 L.F ~ Miss 又送左樣野俾我 ^__^，哈哈 ~ 真係多謝哂呀 ~
上哂堂走去食飯，去大快活 ~ 頂佢 D 質素仲係咁差，D 飯少到唔知點咁 =.=" 食完就返學諗住打波，不過超曬， flora 又走左 >__< ~ 之後又走出去打機 . . 哈哈 . . 幾好玩 !! 跟住又返返去，今次真係打波 lu。打波 6 點到走人，同阿楚 + polly 一路行一路傾 ~ 返到天水圍去安兄屋企拎番部單車。夜晚係咁上網，哈哈 !!
唉 ~ 呢排大陸 SARS，真係好無耐呀，媽子又返大陸 wor =.=" . . . . 都唔知講咩好啦
2004 年 4 月 24 日
天氣 -- 陰陰地
星期六要返工 lu，媽子返左大陸，叫我起身既責任交左俾 flora ~ 哈哈，不過我媽子六點半打過返o黎，我冇理繼續訓 ~ 起左身就出去 lu，又係指定動作 : 廢鐵 --> 西鐵 --> K16，好鬼眼訓。
今日o係公司繼續入數，分左 D 單先，分到食飯 . . . 食完就入入入，入到六點幾放工 ~ then 上黃埔搵 flora，一齊食飯。行左陣就送佢返屋企就走人 ~ 走去搭 69c，因為可以訓覺 zZzZ . . . 訓到去大欖轉車 ~ 上左 265B 見到個人好面善，但係又諗唔到係邊個 =.="
o係到講 D 題外話 ~ 如果有一個人知道有兩個唔同人追求緊同一樣野，知道O個個人當然會只係想被追求O個樣野得到好O既結果。所以當一個成功而另一個失敗，就可能有感到被出賣既情況發生 ~ 唔係話一個人好過另一個人，而係知道O個個清楚感到被追求O個樣野需要 D 咩。So ~ 失敗唔等於一切，唔好只係向一邊諗，咁會令自己好辛苦。雖然呢個世界有好多 "誰願放手" ~ 但都有好多 "希望在明天" ~ 希望大家知我講咩啦 !!
2004 年 4 月 25 日
天氣 -- 熱熱地
星期日，無返教會。因為我醒個時已經係 9:30 . . . 趕唔到 =.= 於是係屋企上網睇電視 ~ 媽子就仲係大陸未返，咁就過左一個上晝啦 ~
下晝同 flora 行街，由尖咀行到去旺角，買左衫送俾國平。而我就去永誠買左塊 filter 藍鏡，頂 ~ o個個阿伯仲係咁串，問佢野態度差不止 . . . 叫佢拎塊鏡俾我叫我企埋一邊等 wor ~ 我頂佢個肺，我即刻搵個第二個 sales 拎，都不知好佢幾多呀 !! 呢個阿伯企o係近門口，個樣都串串地 . . . 大家小心小心 !!
六點幾返到屋企，媽子都返左 lu ~ 跟住就食飯做左 D 功課就 zzZzzZzzzZ . . .
2004 年 4 月 26 日
天氣 -- 都幾涼
今日一早就同 flora 去食早餐，不過我又遲到左少少 . . . 去到見到 water 一個人o係到。同 flora 食到咁上下就返學 print 野 ~ 點知個 server 死左，冇得 print ~ 唔理 lu，去上 audit，唉 ~ CAATS 呢課真係深深地 =.= 之後去上 taxation，冇得 print 野所以冇野係手 . . . 咁就一路上堂一路打機，哈哈 ~ 兩個鐘好快就過左啦。
lunch 買左去球場食，睇 toby 佢地踢波 ~ 睇左陣就走人，上中文睇人 present，我就o係到影相 ^__^ ~ 今日係 last 一堂中文，唉 ~ 對左 Miss 兩年，唔多唔少都有唔捨得 ~ ~ ~ 最後上埋 L.F 同埋傾左 taxation project 就搭車走人 ~ 勁眼訓，唔想落車但係要轉車，一落車就要即刻追巴士 =.= 無奈 ~
剩番個幾星期學返，有 D 開始唔捨得 . . . . .
2004 年 4 月 27 日
天氣 -- 熱呀
今朝好早就醒左，俾媽子嘈醒 ~ 唉 . . . 訓多陣都唔得 =.= 今朝上 costing last 一堂 tutorial，不過冇做功課，唯有留心聽番啦 ~ 而英文個 interview 就一般啦，都達到預期中表現 ~ 食完 lunch 就返學，今日打羽毛球 only，因為隻腳未好得番哂，so 冇得打波 ~ ~ ~ 打到咁上下就去上 account lu。今日個堂全文字，好悶，但係又重要 wor (Miss 話 ga)。不過一諗起佢o個 D 補課就 =.=.=.= . . . .
放學搞埋 project 就走人，同 flora 去買雪糕食，睇左陣野 ~ 返屋企，去到樓下幫媽子托米 ~ ~ ~ 夜 D 就做功課。
P.S : 希望我o既朋友以後都開開心心啦 !!
2004 年 4 月 28 日
天氣 -- 清涼
今日一早就去返工，可以話係 last day，因為自己想抖 + 就快 exam ~ 不過今日又俾老闆整 D 大陸野我入 =.=" 咁對我 ~ 唉 . . . 為左快 D 搞掂，lunch 食百佳 $9.9 ~ 食完又即刻做，無抖過 . . . 好辛苦咁做到 7 點走人，雖然未入哂，不過老闆放我走，哈哈!!
放工走去搵安兄，o係 adidas shop 睇左陣，佢就用張 $300 coupon 買野，我又用埋 D quota 買左件幾得意o既衫 ~ 之後成 8 點幾去左間以豆腐做賣點o既舖頭食飯，超好味 !! 不過要成 $30 一個套餐，都算係咁上下啦。食完就走人 ~ 搭西鐵，返到屋企都成10點幾 lu . . . 做左 D powerpoint 同睇左 D account 功課，做埋少少家務，成點鐘先有得訓 . . . 好累 =.=.=.=
呢 D 生活我都幾嚮往 : 做完一日野，放工同女朋友或 D friend 去食飯，都係一件樂事 !!
2004 年 4 月 29 日
天氣 -- 熱熱地
今日要返學，不過呢 D 日子唔多 lu，因為畢業啦 ~ 我應該唔會再讀日校 ga 啦。返到去先上 adv account，諗住會俾人鬧 ga la，因為唔識做功課，不過 Miss 都冇鬧 ~ 哈哈。上埋 taxation 就食 lunch。
食左 lunch，上 audit ~ 不過沙田 IVE o黎左個人 promote 一 D 課程，都幾得意 ~ 之後上 CMA，Miss 個種溫書方唔係好得，so 集中唔到 ~ ~ ~ 放左學，頂唔住，傷都要去打波，結果當然係大失水準啦 =.=" 打到 7 點就同 flora 走 lu
唉 ~ 又要考試，又要開始辛苦，又要對住大疊 notes . . . 都唔知幾時開始溫好 . . .
2004 年 4 月 30 日
天氣 -- 熱
今日剩係上 project，一早返去準備好哂 D 野，俾一個人遲到 . . . 搞到我做 D 野白費哂，要等到星期一先可以 present ~ 好無奈 law ~ 但係其他組員反應一般 . . 我好無奈無奈 law . . . 結果係到上網 . . . 唉 ~ waste 左我 D 車 $$ !!
完左就去 MK 唱 K，不過我都係冇唱，一向o既做法 ~ 哈哈。阿鋮佢地就係咁唱｜好好笑呀 ~ 玩到 3 點幾走人 . . . 同佢地行下行下，就變左同 flora 兩個行街，行左陣去美心食野，行多陣就走人 . . . 好累呀 !!
呢排搭巴士都好好訓 . . . 唔知點解 =.= 番到屋企就開始搵 taxation D 野啦，唉 ~ 好累呀呢 D 生活 . . . .