My Diary - 6 / 2004
2004 年 6 月 1 日
天氣 -- 雨
好早就醒左，咁就去溫 audit 啦，溫溫下 . . . 開始背唔落野 ~ 上 nba.com 睇下湖人場波，成個上晝冇溫個書。都唔知咁早起身做咩 . . . 食屎 ga ~ 後尾諗下諗下，都係快 D 集中精神啦 ~ 睇 . . 睇 . . 睇 . . . 成個下晝o係度睇同背，背得幾多得幾多 ~
夜晚繼續呢個過程，娘親一條友去左游水 . . 咁都去 ~ 唉 !! 溫到十一點幾就訓覺啦，對聽日既把握就一半半啦 ~
2004 年 6 月 2 日
天氣 -- 熱
今日又好早就醒左，五點幾娘親o係度煲水，頂 ~ 咁早做 D 咁o既野 . . . 唉 ~ 六點幾先起身，食完早餐出門口 ~ 返到學校都係 8:30，溫下書啦。9:30 就上去考試啦，做完 M.C 先睇 D essay，好彩出左 D 我比較溫得熟o既 topic ~ 做完都有 D 信心，不過個禮堂 D 冷氣好 Q 凍 . . . 凍到我身都震埋 =.=" 考完就去左吹水，吹左成個鐘就走人，同 flora 食完野要返返學校交野 ~ 之後佢去買一 D 我唔知得o既野，咁我就去左影相 ~
好耐冇去影相 lu，去左青衣機鐵站，影左兩個幾鐘，諗住返去公司出糧 . . . 但係阿趙又唔係到 ~ 咁就唯有返屋企。去到元朗落大雨 . . . 返到天水圍即刻收番 D 衫，好彩冇濕哂 jar ~
娘親食完飯之後又一個人去游水 . . . 話對佢個膊頭有益 wor，我就打 winninng ~ 好累呀，剩番 8/6 一拜，唔可以心散 ga !!!
2004 年 6 月 3 日
天氣 -- 熱
今日開始準備 taxation D 野，不過要改變個溫書模式，因為比較特別 ~ 有好多野要留意。不過溫左陣就冇心機，drop 完 D notes 就上網，lunch 落街買左盒燒味飯 ~ 之後再 drop 多 D notes 同埋睇 past paper，到到成六點踩單車入天恆買 Q 版巴士 ~ 種感覺好爽呀，架 Q 版好正呀 ~ o係九巴舊o既色，D 油又上得唔錯 wor ^__^。
返到屋企 show 俾娘親睇 . . . 不過佢都冇興趣，食完飯佢又去左游水 lu，我就繼續準備 taxation 啦 !!
2004 年 6 月 4 日
天氣 -- 熱
今日好開心，好驚喜 ~ 提早收左 flora 俾我份生日禮物，好開心呀 !! ^__^ !!
2004 年 6 月 5 日
天氣 -- 熱
今日係小弟生日，在此感謝所有同我講過生日快樂 . . . send 過 message 同 e-card o既人 ~ 今年生日好以有 D 若有所失，亦都感受到一 D 野，算吧 ~ 我會繼續珍惜我而家身邊o既人，我亦都開始去確認我o係人地心目中o既地位 ~
19 歲o既第一日，上晝要溫書，下晝就去左影巴士 ~ 去上水同粉嶺，之後坐 KCR，唔知係咪好耐冇坐既關係 ~ 覺得部車超 "鄧" . . . 過左太和先冇咁勁 ~ 35 分鐘去到紅磡，o係火車站影左陣相就坐小巴去其埔等 flora 放工 ~ 8 點幾去食飯，行左陣吉島就同佢返去 ~ 我返到屋企都成 11 點幾 lu . . . on 左陣 line 就去 sleep la
拜拜啦我o既 １８ 歲 !!
2004 年 6 月 6 日
天氣 -- 陰
好罕見咁今日訓到 10 點幾 . . . 哈哈 ~ 可能好累啦，所以返唔到教會 ~ 起身開始溫書 . . . 到到晏晝睇新聞，列根死左同埋盟軍登陸諾曼第 60 週年，有 D 感慨時間飛逝得真係快 ~
下晝繼續睇 notes . . . 好早就訓左 lu
2004 年 6 月 8 日
天氣 -- 晴
今日考埋最後一科啦，taxation 都 ok 啦 . . . 考完輕鬆哂呀 ~ 之後去食 lunch，就返學校聽下 D 餐桌禮儀，好鬼多學問呢 ~ 聽輒就問 Miss "Law" 借波打 . . . 打到五點幾還番 . . . 坐左陣就走人 ~ 去新都會整左杯乳酸飲，都幾好味 . . . 但係 D 冰多得濟 =.="
夜晚就成晚係到打機，傾左陣電話就 sleep ｌu ！！
2004 年 6 月 9 日
天氣 -- 晴
今日好早醒左，但係又訓番 ~ 訓到十點半記起有 NBA 睇，即刻起身 ~ 場波好正 . . . kobe 2.1 秒球 3 分波 ~ 打到加時湖人先贏 . . . 超激呀 !!
下晝淨係o係屋企打機，今日早左煮飯 ~ 因為我去影相，去左大角咀個邊 . . . 維港灣 . . . 奧運 . . . 柏景灣 . . . 影左幾多相。有 D 司機走過o黎聊我傾計 . . . 哈哈 ~ 影到十點幾坐巴士返屋企 . . . 洗埋衫就訓覺 ~
2004 年 6 月 11 日
天氣 -- 晴
今日又好早醒左，有個 friend o係美國打o黎，咁就傾左陣啦，原來美國個邊賣 NBA 波衫超抵 ga ~ 收左線到十點三睇 NBA . . . 睇到火滾呀 !! 湖人俾人大炒 . . . 咁樣打落去實收皮啦 . . . 唉 ~
下晝收到 call，之前做實習o個間野叫我返去做 summer job 先 . . . 無奈，我諗住下星期先打俾佢 . . . 而家變左下星期返工 =.=" ~ 既然如此，咁就要用盡 D 時間 !! 三點幾走左去屯門影 62x，做哂準備 . . . 百密一疏 . . . 條坑調左去一個對住光既位，唉 ~ 唯有玩 "pan 鏡"，希望唔好炒啦 . . . 影到成六點走人，62x D 熱狗差兩部未影 . . . 影左o個 D 希望唔駛"補飛"啦 ~
2004 年 6 月 12 日
天氣 -- 晴
今日要去 check 牙，last 一年有得 check lu . . . 洗牙個時有 D 痛，特別係多牙石o既地方 ~ D 牙石真係好鬼核突 ga . . . check 完就走人，個牙醫送左枝牙刷俾我 ~ 哈哈 !! 之後行番出輕鐵站開始影相之旅，o係豐年路影左陣就去沙田 ~ 影下行下，睇下 D 禮物咁呀 . . . 之後搭車去愉翠苑o個面繼續影，搵到個好位呀 ~ 影到咁上下又返返沙田新城市廣場睇禮物 . . . 結果買左張 card 先。
買完就走啦，搭車返元朗諗住買 game，點知又冇 wor . . . 無奈呀 . . . 唯有返屋企 ~ 一返到去先記得娘親放下晝，o係屋企抹野，要幫手 . . . 總之唔咁早返去 =.="
到到晚上睇電視，個套講人權o既野討論 "安樂死" 呢樣野 . . . 有 D 人好慘呀 . . . 到我老個時唔知會點呢 ~
2004 年 6 月 13 日
天氣 -- 晴
今日一早就返教會，好耐冇返 lu ~ 所以唔係好集中，加上 D 冷氣超凍 . . . 所以好想快 D 走，完左就去 gather ~ 有位弟兄屋企有 D 事，唉 ~ 希望佢冇野啦 . . . 完哂就出發去將軍澳，我選擇左遊車河o既方式，加上 flora 要洗衫 =.= 咁就用呢個方式啦 ~ 先搭 69c 去到觀塘碼頭，再轉 93A 上寶琳 ~ 哈哈，專登o黎坐下 93A D 康都 . . . 好正 ~ 好少坐熱狗會咁涼爽 . . . 不過就好快到 ~ 等左 flora 一陣就到啦，行新都城 . . . 好鬼搞笑，但係唔講得 ~ (因為會俾人打 ga)
食完下午茶就研究吉之島點去，最後俾 flora 搞掂 ~ 搭 MTR 去坑口 . . . 行吉之島 ~ 我買左本相簿，flora 就買左好多野 . . . 勁 !! 原來由將軍澳搭 MTR 返荃灣 $5.1 jar (只限學生八達通)，好抵呀 ~
2004 年 6 月 14 日
天氣 -- 晴
今日要返學補課，講下個會計 software ~ 講左成三個鐘就走人。Miss 話有 tutorial 上，但係全級得一個人返，唔知 Miss 仲上唔上呢 ~ 之後去左吉野家食野，再返返學校打波同影印，last 一次係學校打波 lu，有 D 唔捨得 tim . . . .
打完就成班人去 M 記食野 + 吹水 ~ 哈哈 !! 每人一杯水呀 . . . 超好笑 !! 之後要講拜拜啦，唔知幾時再可以同佢地打過波呢 ~ 唉，兩年就真係快過啦 . . .
2004 年 6 月 16 日
天氣 -- 陰
唉 ~ 湖人輸左啦，有 D 失望 tim . . . 最慘就係馬龍佢地，特登去湖人想拎一隻冠軍指環，但係要睇住人地拎左去 ~ 唉 . . . 下晝去醫院睇專科，好恐怖 . . . 詳情唔係度多講啦 /.\ ~ 之後就坐車去搵安兄 ~ 但係佢未得閒，我就去左深水步買野，之後再去尖咀，睇左好耐終於買到啦 ~ 希望個結果令我滿意啦 !!!
今日最後一日放暑假，聽日去返工啦，我o既暑假正正式式結束 lu，大家珍惜下有暑假放o既日子啦 . . . . 遲 D 小弟會整個 IVE 回憶錄，希望大家多多支持啦 !!
2004 年 6 月 17 日
天氣 -- 陰
今日開始返工，但係令小弟非常失望 . . . 唔知點解我要去粉嶺o既貨倉做數，又冇冷氣又要食條仆街 warehouse keeper o既二手煙 ~ 大家o係咁既環境做野唔知有冇效率呢 ?? 成日係得食飯個段時間有得涼下，成個倉得一把風扇 . . . 點吹三個人呀 ~ 結果我個位就係最冇風個度 . . . . 最討厭個度好鬼大塵，加埋 D 二手煙 . . . 鼻敏感好易發作，又要搭 D 討厭o既貨電梯 ~ 唉 !! 阿趙仲話要o係個度做個幾禮拜 . . . 希望首先爭取到條煙民唔好再係我地附近食煙先啦 ~ =.=
食完飯阿趙就走左，我就做到 6 點走人，咁既地方做 O.T 都唔制呀 . . . 成身汗行番出去搭車走人 . . . 成個人好閔 . . . 阿媽都不能幸免被我發洩 /.\ . . . 唉 ~ 人在江湖，身不由己 。
2004 年 6 月 18 日
天氣 -- 晴
今日 flora 生日 ^__^ ~ 一早如常去粉嶺返工，又要食個 keeper D 二手煙 \ . / . . . 不過我做左 D 行為去表達我o既不滿，希望佢 feel D !! 今日阿趙成日都冇返 . . . 無奈 . . . 到下晝個 keeper 走左唔知去邊 . . . 等佢等左好耐，最後七點先走得 . . . 即刻行番出去搭火車出旺角 ~ 同 flora 食飯，之後行左陣，去扭左個公仔 . . . 勁難開呀個殼 ~
返到屋企，上左陣網 . . . 沖涼 . . . 聽晚o係時候開始溫 LCCI D 野啦 ~
2004 年 6 月 19 日
天氣 -- 晴
好熱呀今日，尋日同今日o既衣著都好似個"市井之陡"咁 . . . 因為個度實在太熱啦 ~ 背心+短褲 . . . 哈哈 ~ 成個六月要o係個度，唯有做快 D，早 D 離開呢個地方 !! 今日冇食過二手煙，太好啦 !! Flora o係粉嶺附近，咁午晝就同佢食下午茶。但係佢幾趕下，仲早過我走 tim ~
返返去就繼續做野，一路入數一路同阿趙吹水，佢講左 D 野好岩 ~ 太正啦 !! 唔覺唔覺六點幾就走 lu，今晚有粥食 ~ 正 !!
2004 年 6 月 21 日
天氣 -- 晴
今日收到一個消息，就係個 keeper 比人調走左 ~太開心啦我 !! 唔駛再食 D 二手煙啦，有個好既工作環境 ~ 由今日開始我要 keep D 鎖匙，一唔見就大鑊 . . . 今日做過 D 野就真係有趣，要睇住邊日銀行有開先做得 ga ~ 好鬼煩，但係阿趙同我講最煩o個 D 都仲未到 . . . 唉 ~ 都唔知幾時先出番佐敦呀 ~ ~ ~
六點半放工，就落朗屏搵阿 ti 啦 ~ 係 M 記等佢，都好耐冇見過佢啦 ~ 真係唔該哂阿 ti o既幫忙 !! 返到屋企食緊飯，安兄就殺到 ~ 我阿媽係咁聊佢講野 =.=" 之後同佢打機，哈哈 ~ 好玩 !!
LCCI 都唔知點算啦，冇咩時間啦 . . . 唯有每晚都夜訓啦 !!
2004 年 6 月 23 日
天氣 -- 晴
今日繼續去粉嶺 "焗桑拿"，不過呢排冇時間溫 LCCI D 野，我諗都聽收皮 ga 啦 ~ 唉 . . . . 下晝阿趙又出番去佐敦，得番我一個人 ~ 都唔好話唔驚啦，D 工廠大廈始終感覺唔好呀，做到六點幾就走 lu ~
LCCI . . . 令人擔心 / . \
2004 年 6 月 24 日
天氣 -- 晴
今日唔駛返粉嶺，出番去佐敦 ~ 有冷氣 !! 不過返到去就見識到新o黎個個人係咩人 . . . 哈哈 ~ 一個極倚賴o既人，一返去就俾佢叫我幫佢做野，無奈 ~ 做左半日就掂 lu。之後一個人食完 lunch 就返去玩彈珠機，將 D 分數入左阿趙個名 (不過佢唔知)，哈哈 !!
下晝就同阿趙一齊清櫃，有 D files 成兩年冇做過野 ~ 勁 !! 清左四個櫃，做到七點就走 lu ~
L.C.C.I 聽日殺到啦 . . . 受死啦 . . . .
2004 年 6 月 25 日
天氣 -- 晴
L.C.C.I 考到o黎啦，起左身都係冇咩心機溫書 ~ 都唔知點解，淨係o係到睇 notes。睇睇下搵番 F.5 本級刊睇，哈哈 ~ 真係睇到自己笑左出o黎呀，好懷念 tim ~
好啦好啦，要考啦，約左 5 點葵芳等，我就 4:30 到左 . . . 驚塞車 ma ~ 之後齊齊上 31M 上石籬考試 lu，份卷 . . . 同我預期一樣 ~ 唔係好識做，不過好彩之前問 friend 借左佢 D notes 睇，都算應付到啦 ~ 至於個成績 . . . 都唔知啦，希望有好結果啦 !!
2004 年 6 月 26 日
天氣 -- 晴
今日又係返佐敦，不過繼續執櫃 . . . 好累呀，執完仲要打個 list 出o黎 . . . 成百幾個 files 呀 . . . 結果我最後先走，8 點幾落閘走人 . . . 不過 D 野仲未做哂。唔理啦，好累呀 ma . . . 唉 ~
2004 年 6 月 27 日
天氣 -- 晴
尋晚累爆，今朝起唔切身返教會 ~ 今日 book 左場打波，拉左 toby 幫我拎個波 . . . 因為冇人帶而我就有兩個 ~ 去到 Ginza 搵埋阿誠就一齊行去啦，打左好耐 ~ D 人勁到 . . . (唔係我約，全部校隊)，其實唔駛搵到咁勁呀 . . . 打左兩個鐘仲有得打，因為有班人話一個場打唔哂，俾半個埸我地 wor，哈哈 ~ 打到三點幾就去 Ginza 食野 . . . 4 條友吹水吹到六點幾就散 band lu . .
呢排 D 生活比較平淡，唉 ~ 返工放工 . . . 重複又重複 . . . 無奈 ~
2004 年 6 月 28 & 29 日
天氣 -- 熱爆
28/6 : 今日又開始返返粉嶺，不過今日阿趙唔係度 ~ 成日都係得我一個人 ~ 下晝有人上o黎收租 =.= 大佬，我咩都唔知 ga，我打工 ga jar ~ 好彩都冇咩事 !!
29/6 : 熱 . . . 熱 . . . 熱 ~ 好鬼熱，今日熱到咁，係粉嶺更加熱 ~ 好難頂呀 !! 有個警察o係我做野附近中暑死左，有睇新聞就知 ga 啦 ~ 同阿趙去食飯行條隧道個時已經聽到有人話有個男人暈左，估唔到係咁大單野 . . . 大家記住飲多 D 水啦 ~ 小心中暑 ( 聽日都唔知點算 / . \ )
2004 年 6 月 30 日
天氣 -- 熱爆
熱 . . . 熱 . . . 熱 ~ 繼續熱 !! 好惡頂呀 !! 今日就真係煩，上晝做做下野 ~ 阿趙收到 call 話唔駛再返粉嶺，當時心諗太好啦 !! 頂 ~ 原來仲衰 !! 要出九龍灣做，雖然有冷氣o者 . . . 大佬我出一出九龍灣好貴 ga wor !! 唉 ~ 人在江湖，身不由己 . . . 結果下晝係到 "執包袱" . . . 熱到死死下 . . . 執到六點半，正式同呢個熱爐講 byebye lu !!
如果返九龍灣，車 $$ 貴左好多 . . . 要同老闆 claim 番 D 車 $ 先，如果佢咁都唔俾的話就食屎啦 !! 我會辭職 ~ 賺咁少又去咁遠，唔駛食咩我 !!