My Diary - 7 / 2004
2004 年 7 月 1 日
天氣 -- 熱
今日o係 7.1 ，唔知大家有冇去遊行呢 ??
我就冇啦，同 flora 去左東涌行下 ~ 因為張八達通就快冇學生優惠，就去下遠 D o既地方。下晝去鑽石山接佢，o係美孚等地鐵o個時見到中學同學 ~ 哈哈，間唔中都撞到見 ~ 接左 flora 就去搭東涌線，行青馬大橋o個時好快 !! 到左東薈城，原來冇咩行 ~ 買左件衫同褲，好平呀 !! 食完 tea . . . 行到冇野行就出番青衣。
o係青衣睇左陣野就走 lu，返到 home 就休息下，聽日繼續番工 !!
2004 年 7 月 2 日
天氣 -- 熱
哈哈 ~ 唔駛再去粉嶺啦，今日開始返返佐敦 ~ 做好公司 D 野先再理九龍灣 D 啦 . . . 今日做下 D 瑣碎野同埋，同埋開始做番入數。做番我最鐘意個間，太好啦 !! 不過呢間好煩 ga，加上阿趙話最好快 D clear D 野，所以拎左 D 單番屋企搞 ~
唉 ! 好累呀，D 單搞到成十二點幾先走得 =.= . . . 希望快 D clear 啦 !!
2004 年 7 月 3 日
天氣 -- 熱
入數入數 . . . 阿趙今日冇返，咁就自己做自己野 ~ 做到六點幾走人，不過等 269B 等到我火滾 . . . 成二十分鐘先有車o黎，又冇位坐 . . . 唉 ! 無奈 ~ 返到屋企又要整 D 單，今晚十一點幾整完 lu ~
2004 年 7 月 4 日
天氣 -- 一般
唉 !! 星期日都要返工 . . . 一早返到去一個人都冇 =.= 都唔知咁早返去做咩，唯有又o係入數入數 . . . 過左兩點幾名趙先返 =.=.=.= ，我諗佢都係唔舒服。做到咁上下時間就走人啦，星期日都開 O.T !? 冇可能呀 !!
好累呀呢兩幾日，冇得抖下 . . . 人工又少 . . . 算啦 ~ 講完咪又要繼續返 . . . 面對現實啦 !! 仲有，老闆今日同阿趙講左 D 野令我好不滿 (唔係話我) !!
2004 年 7 月 5 日
天氣 -- 晴
呢排冇咩點抖過，做野做到成個人都呆左 ~ 返工返到咁都唔知有咩好講 . . . 今日清 files，執左出o黎個 D 要清左佢 ~ 當廢紙 pack 箱，成個下晝係咁執同清 . . . 阿趙又唔得閒，得下執下 . . . 清清清 . . . 好累好累 ~ 搞到成九點先返放工 . . . 破哂記錄，走個時呆呆下行去等 K16 . . . 超累 ~ 未試過坐西鐵可以咁好訓 !!
番到 home . . . 食飯沖涼，同 flora 傾計緊精神都冇，呢 D 真係磨練呀 . . . . . .
2004 年 7 月 6 日
天氣 -- 晴
尋晚累爆，都要繼續返工。今日上晝就用車搬左 D 紙去賣，都賣到廿幾蚊 ~ 可想而知有幾重，之後可以做番入單。不過又做另外一間啦，個人都係呆下呆下 ~ 好彩公司有個 "神奇女仕" 係到，有佢係到好好笑 ga，連阿趙都冇佢符，不過佢要辭職啦 ~ 做左冇耐但係帶左好多歡樂俾我地，佢走左公司之後又會變得沉悶 ga 啦 !!
今日老闆終於講左出墁，就係每人要每日寫 report . . . 講下當日做過 D 咩呢，心諗公司又唔係大，點解要做 D 咁既野 ~ 不過佢係老闆，冇計 !!
2004 年 7 月 7 日
天氣 -- 晴
今日終於捱病啦 . . . 一起身個肚好唔舒服，冇返工 ~ 好彩有 Flora 黎陪我同照顧 ^___^，太開心啦 !! 希望唔好再捱病啦 !! 個肚抽下抽下，唔知係唔係又抽筋 . . . . / . \
2004 年 7 月 8 日
天氣 -- 晴
今日個肚都係抽下抽下，不過都頂得住 ~ 返到公司又係入數，又要用車仔搬箱紙去賣 =.=" ~ 又係廿幾蚊，哈哈 !! 不過今日個車係最重呀，廿幾蚊又確係少左 D . . . . 今日係 "神奇女仕" last day，好多好笑野 ~ 例如佢用間尺打阿趙屁股 =.=.= . . . 笑到我呀 ~ 阿趙就慘啦，雖然玩下o者 . . . 但係成四十歲人俾人咁打，哈哈 ~ 唔知佢有咩 feelings 呢 ~
個肚開始唔係好得掂，應該呢排太累搞到咁 . . . .
2004 年 7 月 9 日
天氣 -- 晴
今日個肚都繼續係抽下抽下，個頻率仲密左 tim。今日架 K16 D 油未好勁 =.= 好難頂，個 "神奇女仕" 一走左，阿 peggy 同 karen 就慘啦 ~ share 哂佢 D 文書 duties，忙到爆 . . . 我就坐係到入數 only，搞到我有 D 唔好意思 . . . 要幫下佢地手 !! 不過個肚痛到我要係扒到，唔得掂啦 . . . 不過今日老闆係到，又同我地訓話 ~ 唔係鬧我地，係 share 佢 D 經驗，佢講 d 野講得好岩 !! 不過佢話我地唔可以著得太隨便，要著恤衫西褲 / . \ . . . . 咁熱，唔係呀 ~ 唉，唯有遲兩日去買啦 !!
夜晚終於要睇醫生啦 . . . 真係腸抽筋，醫生話可能過度疲勞 . . . 都係啦 ~ 唯有唔好咁博啦 . . .
2004 年 7 月 10 日
天氣 -- 晴
今日食左 D 藥，個肚好 D D 啦 ~ 今日係 7.10 車禍一年，唔知大家仲記唔記得呢 ~ 今朝要坐 265P 上麗瑤幫公司拎單，之後坐小巴落美孚 . . . 因為帶左相機，於是去影下巴士 . . . 點知影都未影，巴迷界中傳說o既 "美孚怪人" 出現係我前面，即刻收埋部相機唔理佢，好彩佢冇煩我 jar . . . 等佢走左，影左一張就閃人返工。今日輪到 peggy 唔舒服，緊係啦咁捱法 ~ 因為要食 D 易消化o既野，晏晝去左海皇食粥，好味 !!
今日六點幾就放工，返去養病 . . . 夜晚諗住同 flora 傾下電話，點知藥力發作 . . . 好早就訓左啦 =.="
2004 年 7 月 11 日
天氣 -- 陰
今朝冇返教會，病病地 ma ~ 不過下晝同 flora 去左沙田個文化博物館，睇個公屋發展 . . . 仲有好多其他野睇，好正呀 !! 又有 game 玩下 wor ~ 睇左個幾兩個鐘就行番去新城市廣場，去 G2000 買衫，三件買左 $210 ~ 平呀 !! 不過排隊等俾 $$ 都成十分鐘，好多人呀，因為成間 G2000 特價 ma ~ 之後因為時間問題冇去大埔，去左美心食下午茶 ~ 再行去無印 + 西田個面，送左 flora 去搭車就走人 . . . 不過冇位坐 ~ 大欖轉車都係冇得坐 . . . 唉 ~ 真係唔好彩 !!
原來 D 博物館都幾多野睇，下次同 flora 再去下呢 D 地方先 . . . 不過唔知幾時啦 ~ 因為佢都要返工，好難就時間啦 / . \
2004 年 7 月 12 日
天氣 -- 熱
今日好無奈，之前老闆話要著得好睇 D . . . 今日著新買既恤衫，但係返到去阿趙話開始返九龍灣個面 =.= 唉 ~ 都唔知幾時先唔駛去九龍灣呀 . . . 九龍灣 D 野係之前粉嶺既廷續 . . . D 野咁亂，唉 !! 慢慢o黎啦 ~
同阿趙搭的士去九龍灣，個度好近啟德廠 . . . 得閒可以去睇下有咩死巴士 ~ 哈哈 ~ 一上到去 . . . 始終係人地地方，感覺好唔自然 . . . 之後就執番 D 野就開始做野啦 ~ 今日好多時間都係 Bank Recon. ， Recon. 唔到呀 . . . 差六千幾 =.= ~ 阿趙話聽日等佢黎 wor . . . 不過佢實得啦，話哂係我既 supervisor ~__~
放左工行好遠先出番去搭巴士走人 ~ P.S 今日 lunch time 係成日最 happy . . . 因為約左 flora 係 MTR station 等俾野佢 ~ 短聚一刻，無限歡樂 ^__^
2004 年 7 月 13 日
天氣 -- 熱
今日返九龍灣，坐 269c 真係可以坐到屁股痛 =.= 落左車又要行入去 . . . 行行下見到個客既職員，我望下佢佢望下我 . . . 都唔知佢叫咩名 =.= ~ 返到去見阿趙未返就繼續玩 Bank Recon.，佢返左就 pass 返俾，因為都係 Recon. 唔到 ~ 阿趙用左成個上晝終於 Recon. 到啦 . . . 太好啦 ~ 食完 lunch 就搞埋佢 ~
Clear 左個 Bank Recon.，就繼續執同清下 D 單 . . . 好亂 =.= . . . 六個幾走人 ~ 阿趙又去左馬會，我就趕返屋企，好累呀 ~ 見 268c 都照上 . . . 點知去到大欖轉車都係轉返之後架 269c =.=.= . . 早知等多陣啦 ~ 返到屋企 . . . 都係咁 ~ 呢排冇咩同 flora 傾過電話 / . \
2004 年 7 月 14 日
天氣 -- 熱
今日冇咩特別，落車個時有團體賣旗，都冇預過星期三有人賣旗 (雖然我試過 ~__~) ~ lunch 個時走左去啟德睇下 D 死巴士，早知就帶相機啦 . . . 好鬼多死車呀 ~ 不過行過去個時好熱呀，下次要帶相機呀 !! 做野個到 D 野好亂呀 =.= 好想快 D 走 ~
2004 年 7 月 16 日
天氣 -- 打風
今日打 8 號風呀 . . . 好無奈呀 ~ 返左去個幾鐘又走，車 $$ 都蝕哂呀 . . . 我時薪 ga jar . . . 唯有今日 claim 哂兩程巴士 $$ 啦 ~ 呢個 "圓規" 原來係日本改名，好彩佢唔勁 jar . . . 如果唔係實好大破壞 !! 返到屋企打機 only . . . 睇下電視，難得半日 holiday ~ 要抖返下 . . .
夜晚安兄過左黎打機 . . . 又係 winning ~ 又係我贏 ^__^ 哈哈 !!
2004 年 7 月 19 日
天氣 -- 一般
講聲唔好意思先，因為呢排太累既關係 . . . 搞到成個星期都冇日記 ~ 唯有而家補番啦 !!
今日冇番工，因為有好多野搞 . . . 上晝去 bank 轉戶口，之後就去瑪麗拎約期。超大雨呀，好在落番中環冇落雨，可以影巴士 ^__^ ~ 影左陣就搭船去尖咀再影 . . . 就返葵芳拎成績表啦，個成績幾好幾好 . . . 哈哈 ~ 之後一條友食下午茶，再去影 32M ~
搞掂哂就返屋企啦，好累呀 ~ ~
2004 年 7 月 20-24 日
天氣 -- 出下太陽落下雨
呢幾日唔係我唔想寫 . . . 只係呢幾日做既野不斷重複，所以就 group 埋一齊寫 ~ 呢幾日係九龍灣 . . . 生不如死 . . . 明明清左幾個 files，又整左幾個o黎 . . . 之前搵唔到 D voucher 無啦啦走哂出o黎 ~ 之前做個 D 變左白做 !! shit ~ D internal control 真係 . . . 唉 ~ 做下多 D，都唔知幾時先走得番出佐敦 . . .
24/7 呢晚同 flora 去左食飯，此乃成個星期最開心既一日•簡單一餐，感覺無限正 ~ 食完飯行左陣就返屋企 . . . 好快就熟睡 ~
2004 年 7 月 23 日
天氣 -- 晴
今日又冇返教會，上晝休息 ~ 下晝去左書展，頂 ~ 架死人 969 . . . 慢到呀 ~ 唉 !! 搞到我遲到，好彩 flora 冇咩嬲 jar ~ 係書展有好多野派，不過我冇拎 ~ flora 拎得多 . . . 仲要俾佢話 =.= ~ 係書展買左兩本書同 files，正 !! 行去書展就去食 tea . . . 之後行去銅鑼灣，再搭地鐵去太古城行街 . . . 都幾多野睇 ~ 幫 flora 拎好多野 . . . 練下力 ~ 哈哈 !!
行完就走人，落葵芳拎相 . . . 今次 D 室內相偏紅，以後影一定要加 filter 呀 ~
2004 年 7 月 24-31 日
天氣 -- 陰晴不定
又係一個不斷重複去做一 D 野既星期，只係o係 29 號返左佐敦一日 . . . 入大陸單 ~ D 簡體字好煩 ~ 30 號返緊工既時候 poly 打黎話收我 . . . 之後 IVE 又有信俾我 ~ 梗係 accept poly 個 offer 啦 ~ poly 話哂都好 D 呀 . . . also 趁後生讀多 D 書，雖然 3 年夜校 ~ 辛苦都唔怕 . . . 因為我仲後生 ~
九龍灣既日子希望快 D 完結 . . . 繼續努力 !! 希望八月有更多時間去寫日記啦 ~