My Diary - 9 / 2004
2004 年 8 月
大家好 ~ 成個 8 月都冇寫日記 . . . 唔好意思呀 ~ 因為好累同埋有 D 懶咁啦，暑假都完啦 ~ 不過我就再冇暑假，要做野 + 去 poly U 讀 H.D 夜校 ~ 有排捱呀 . . . 由六月至今，深深體會到社會既忙碌同埋現實 . . . 原本返佐敦，但係出 job 成個月去九龍灣，遲 D 仲有繼續呀 . . .
8 月 . . . 都係冇咩特別，都係返工放工 . . . 同 flora 出下街食下飯，不過俾佢改左過名叫"劉大蛋" =.=.= 好無奈 ~ PS 2 出左 winning 8 . . . 又玩下咁啦 ~ 有一日特登請假同 IVE 班波友去打波 . . . 哈哈 ~ 因為我愛籃球 !! 至於返工方面，因為有個客(公司)破左產 . . . 要去九龍灣清手尾 . . . 雖然係遠，但係冇老闆既壓力 ~ 人都舒暢 D ~ 不過趙生成日唔過黎 . . . 有一個月既 Bank Recon. 差 $10 Recon. 唔到 . . . 勁灰呀 ~ 不過之後都放低左，加上同o個面 D 人熟左，唔駛咁悶 ~
成個月都冇咩點玩 . . . 影巴士都冇影咁濟 . . . 朋友都見唔得多 ~ 好似活係一個得我一個人既世界咁呀 . . . 以前覺得一星期七日多得濟 . . . 而家就覺得唔夠用 =.= ~ 我既生活都唔同左 . . . 做野個度人工又唔係高 ~ 學野 . . . 都係一個 D 老闆壓價o既藉口 . . . 點都好 ~ 要捱落去，阿趙都講得岩 ~ 我仲細 . . . 仲有好多機會見識多 D 野 ~ 好啦 . . . 講住咁多先 . . . 9 月我會盡力去寫日記 ga !! 大家努力吧 ~
2004 年 9 月 上
又係一大段冇寫日記既時間 . . . 今次我真係冇懶 ~ 而係冇時間 . . . 1/9 poly 已經開學，第一個星期還可以頂得住，第二個星期開始好辛苦 ~ 星期三至五都要返三個鐘 . . . 真係好累好累 . . . 又要做功課 ~ 咁既生活令人喘氣不來 . . . 而公司 D 野亦開始多，因為 Peggy 要返學 . . . 所以要請番個人啦 ~ 不過因為咁，我可以接觸更加多既野 ~ 幸好公司還有另一個女仔幫緊手，否則我真係頂唔住 . . .
雖然咁忙，不過都要做番 D 自己鐘意既野平衡番 . . . 同 flora 食下飯，去影下相咁 ~ 都係開心既事 . . . 唔知三年我頂唔頂得住呢 !? 有一日過去安兄屋企，佢個兩隻貓見到我又係咁跟住我 . . =.= 次次都係咁 ~ 哈哈 !! 都好耐冇打過波啦，唔知幾時有機會再去 book 場打過呢 . . . ?
返左 ｐｏｌｙ 三星期，上堂既人都好集中 ~ 簡直唔覺佢地累 . . . 而我係第一日就識左兩個男仔，因為第一日個堂全班得三個男仔 (計埋我) ~ 不過全級都有幾多 boys 下 . . . 三星期心情有喜有跌。朋友 . . . 係 poly 都唔會識到幾多個 ga 啦 . . . 有一晚放學得知以前中四五班 friends 既去向，都好懷念同欣慰 . . . 有一種同佢地一齊努力既 feelings !! 相比之下，希望一 D 唔鐘意我地侵入左你地個群體既人直接 D，唔好收收埋埋玩 ignore 啦 ~ 咁大個人仲咁無聊，約班人出黎玩都要驚俾人知 . . . 咁辛苦不如直接講 : "冇預你地 wor" 咪算 law . . . 唉 !!
希望九月下可以日日寫一次日記啦 . . . Gold bless my friends !!
2004 年 9 月 22 日
今日係星期三，又係一連三日要返學既日子 ~ 呢排公司忙緊 taxation D 野 . . . 咁我都要幫下手，咁又學多 D 野啦 ~ lunch 個時食完飯就繼續搵我辰搵既野 . . . 可惜係咁搬都係搵唔到 . . . 都唔知幾時先搵到呀 . . . 次次都冇 . . . 不過我唔會咁易放棄 ga !!
六點先人，不過好累 . . . 去左坐巴士 $4.7 ~ 幾貴下 . . . 今晚係上英文堂，又可以同呀 Miles 溝通溝通 ~ 佢都幾鐘意撩我講野 =.= 哈哈 ~ 上左成三個鐘，好累呀 / . \ ~ 去到紅火又去搵野，今次成棟野俾我搬哂 . . . 個身都臭埋 ~ 都係冇 . . . 唉 !! 唯有聽晚再搵過啦 ~ 跟住要追 K16 . . . 好在都追到 ~ 如果唔係有排等
返到屋企食 D 野就訓啦 zzzzzz . . . .
2004 年 9 月 23 日
星期四，今日 polly 既 last day，之後佢就返 U.K . . . 不過今日冇同佢去食飯 =.= 哈哈 ~ lasy day 冇人理 . . . 好慘 ~ 佢唔返就慘啦 . . . 我實 share 哂佢地 D 野啦，唔知點好啦。老闆又未得閒請人 . . . 唯有同阿趙頂住先啦 ~ lunch 繼續去睇有冇新貨返 . . . 都係冇 ~ 希望今晚有啦
做好哂手頭上既野就返學啦，今日又去等巴士 . . . 不過行路仲快過搭巴士 ga ~ 唔累都唔好搭 =.= 返到去先上 account tut. 幾過隱 ~ 之後上 company law，又係聽唔到個 lecturer 講咩 . . . 佢講得太快同太密啦 ~ 上完又去紅火搵啦 ~ 今日早左放 . . . 可能以搵夜 D ~ 去完 toliet 就開始啦，一望第一層 . . . 有 D 眼水想標出黎 ~ 終於搵到啦，新番既貨呀 . . . 超開心 !! 雖然唔知之後係點，但係搵左咁耐終於搵到 . . . 太好啦 !!
呢樣野同對我好重要，因為我將要送呢樣野俾一個對我好重要既 人 !!
2004 年 9 月 24 日
星期五，一如所料 . . . 多左 D 野做 ~ 加上返左兩晚學 ~ 好累，不過朝早唔駛做 . . . 坐老闆架車一齊去送月餅俾 D 客，聽下佢 D 經驗咁呀 . . . 吹下水咁 ~ 原來老闆住黃埔花園 ga ~ 哈哈 !! 成個上晝都係o係九龍城個面 ~ 成一點半先食 lunch . . . 訓下覺 ~ 之後繼續做野 . . . 做到要返學 ~
今晚行過去 poly ~ 上 company law 既 tut. 又係得個阿 sir 講，我地又冇咩反應 ~ 佢個樣都幾無奈下 . . . 不過同 IVE 比，poly 既答題技巧更加煩複 . . .努力罷啦 !! 之後上 account lecture . . . 好累 ~ 集中唔到，我個同學訓埋 tim =.= ~ 個個個樣都係累，不過有 D 仲好留心 . . . 真係要學下佢地啦 ~ 上完即刻去搭 K16，個司機飛太空館個站 . . . 我見到有兩個人指住部車係到鬧 =.=
今晚好夜先返到屋企，食完野即訓 !! zzzzz . . . .
2004 年 9 月 25 日
星期六，今日 Peggy 返左黎幫手 ~ 之後佢個個星期六都會返黎 . . . 太好啦 ~ 唔駛孤伶伶 . . . 哈哈 !! lunch 老闆請食飯，不過佢好 "度" 搵左個 5 人套餐食 . . . 5 個人食左 around $150 度 ~ 唔夠飽 . . . Peggy 碗飯仲要俾我同老闆分左 . . . 哈哈 !! 唯有返到去食生果 ~
今日四點幾走左 . . . 去葵芳曬相之後諗住出發，點知娘親打黎講屋企支光管燒左同埋跳左大掣，屋企冇電 . . . 唯有即刻趕返屋企 ~ 都幾嚴重 . . . 要搵人黎整 ~ 成七百幾銀呀 . . . 最恐怖既係塊光管板 "loan" 左 . . . 冇出火花已經好彩啦 ~ 整左成個幾鐘先有番電 . . . 破財擋災 =.=
搞到我今日 D 計劃亂哂 . . . 唉 !! 呢幾日已經好好咁去想 . . . 答案已有 ~ 就係 . . . 前兩日日記已經寫左啦 !! 話咁快九月尾 . . . 無銀用啦 (小心讀錯 =.=) . . . 快 D 十月出糧啦 !!
2004 年 9 月 27 日
星期一 . . . 今日冇返工 ~ 病左 . . . 尋晚訓覺已經有 D 喉嚨痛 ~ 今朝變左好痛 . . . 成身發滾 . . . 探熱 . . . 100 度 ~ 好耐都冇試過咁高 / . \ . . . 成個人冇精神，呆下呆下 . . . 打返去公司請左假就去訓啦 ~ 係咁出汗 . . . 嗚 . . . 好辛苦 . . .
2004 年 9 月 28 日
今日返返工啦 . . . 因為唔返就會冇 $$ ga 啦 =.= 戴住個口罩返 ~ 好辛苦，比尋日好少少啦 . . . 不過都係好唔舒服 ~ 所以今日好早就走左啦 ~
今朝真係唔該哂 Peggy 幫我拎 D 野，萬般感激 . . . 不過唔會以身相許 ~ 哇哈哈 !! 夜晚同 flora 傾電話之後就訓 lu ~
2004 年 9 月 29 及 30 日
呢兩日都要返工 =.= 29/9 係公眾假期 . . . 不過都要返，返下晝 only . . . 不過返到去就頭痛 ~ 可能未好返哂啦，所以六點就走人 ~ 30/9 就好返好多啦 !! 做野都有心機，不過老闆心情唔好 . . . 小心至上呀 ~ 好彩佢好快就走左啦 !! 夜晚返學 . . . 上完 account 就上 company law ~ 感覺唔錯唔錯 . . . 搭 K16 可以熟睡，太好啦 !! 9 月 . . . 咁就完左 ~ 當中發生好多事 . . . 不過我還可以應付 !!