今日放左學之後,出左去唱k...
成員有傻餅啦、阿富同忠忠,
本身諗住搵埋阿don去架,不過佢要溫書~.~
Terry同Yuki佢地又要去補習喎...
最後,結果都係得4丁友去~~
我地去左旺角間Neway City度唱,
本身諗住個度新開既應該幾正既,
但係去到個度間房勁細,for兩個人就差唔多,
所謂既主題房咪又係咁,多左幾張poster者...
本身今日諗住唱下k開心下,可以提下神啦,
點知唱唱下阿富又好似無乜mood咁喎,
咁又攪到個氣氛怪怪地,唔知點咁,
之後攪到我都無乜癮,無乜心機唱落去...
最後埋單先死,一個果盤收$70,超貴,
加埋加埋除返,每人都要$140...v_v...
咁又攪到無晒錢...真係覺得唔抵...
下次都係唔鬼唱夜晚,亦都唔去City唱。
唱完k見9點幾,成班走左去影貼紙相,
張相當然影得好靚啦~ 因為有我嘛^^呵~~
之後,落左去Cyber打左陣機就返上水,
返到去都成12點幾lu,去埋鋪頭食糖水,
等埋阿哥一齊返home,成點幾先訓 Zzz....
咁就一日啦,結果都好似無乜改善....