佢係死死團目一代(我係二代目),而且又係『鬼爆』o既"爆",別號"龍民彈爆野郎"哈哈,.其實純屬吹水,.不用多理...

大家唔好因為從字面上就覺得呢條友一定好有皇帝氣質,.所以叫『最後皇帝』,哈哈,邊有咁膚淺丫,只不過咁,做得兄弟o既冇理o係度爆你d野出黎,嘿嘿~呢條友為元朗原居民,有錢仔一名,一日洗五萬,逄係日本車一律唔座,係都要Benz,好那寸wo兄弟,其實只因佢有一個好媽媽,哈哈哈哈
雖然曾經受過某些重傷，差點兒"一睡不起",但近排被一名智商只得五歲o既少女將佢降服後,最近又發哂癲咁做"好男人",除左奶類飲品外,對其他更美味o既飲品一律拒絕,聽講仲會作嘔~但真實與否就真係無從稽考。

佢為人正義(對亞婆),呢期學人做差佬,anyway....佢入camp後,願主
保佑其股,阿門~

佢係我o係球場上其中一個不可缺少o既戰友,但可惜自從"射Key"敗給本Play爺後便一落千丈,未見其有如惜日般實力,所以宜家打波大多數靠本人同另一位好兄弟......哈哈哈~

簡介

外號"坦克",係我地之中最型仔最靚仔一個,天生神力,所以佢由中學時代已被國家主席委任,專門付責對付及鎮壓大陸仔,讀書o個時有唔少大陸仔死o係佢手上架.佢對大陸仔尤其係樣衰o既特別凶猛,全要係用佢強勁o既身軀將敵人撞散,比佢撞過o既大多現已不在人世,所以北歐及美國等國家相信佢係六四殘殺同胞o既凶手。

而佢,自小就同"車"結下不解之緣,愛車如命......哈哈(忍唔住大笑)。但比起國家所任免佢o既職權同車,佢就有一樣比起呢兩樣野有過之而無不及o既能力,就係佢o既投資眼光~!!!佢曾經就試過用比其他人多少量o既金額(例如兩蚊),去吞併人地股份公司o既所有投資與資產(例如籃球一個)。其獨特眼光可見一班~!!

不過咁,佢係我o係球場同戰場上o既親密戰友,基本上好多時同人地嘈同打交都係因我或佢而起,見到大家有事,就唔理三七廿一上前問候敵人之家人身體狀況,繼而動武~所以亞"最後皇帝"喜愛稱呼我同佢為野獸,哈哈哈~~

簡介

佢係我地之中第一個出人頭地o既人,當年手拖校花一件,令全校男生投下唔少羨慕眼光,可惜佢當年年紀還少,熱衷真愛,到宜家唔知佢有冇後悔當年冇"進攻"呢?哈哈

呢位亞就兄,身高九丈,佢o既高度曾經係我追求o既目標,唔知係咪我追得太快o既關係,比我追到,仲過埋佢tim,哈哈哈~但佢好掂架,都幾靚仔下,各位女士,有興趣就內洽啦,嘿嘿~

而佢o係我地讀書時期,係我地班長,專長負責包庇我地一俊男所做過o既賤事,向老師隱瞞,是為母校百年難得一見o既模範生。

而佢亦為左將我地所以o既英勇事跡宣揚出去,及為我o地招攬手下,不惜遠征加國深造,偉大~~~~~~~~~

呢位富哥仔當年就勁lor,佢憑佢o個把對住豬扒都可以當保品o既口才,o係學校呃到唔少無知少女,往往用其善良而虛偽o既面孔,再加上磁性而傷感o既語調,少女往往就好似中左降頭一樣任佢主宰(或者叫屠宰)。故江湖傳聞溝女必殺技『鮮花、紅酒、甜言蜜語』始創人乃係呢位亞富兄。

而到現時為止,受害人多不聲數,但無一受害人出來舉報佢,可見一個二個對佢心甘命抵,其"辣女"功力可見一班。而佢亦都好識依著自己o既出處去發展,繼續o係校園搵食,而宜家最新o既重災區係本港某大學,希望各大學生不論好醜....小心小心~~~

佢呀?哈哈,我諗我一路講一路笑呀,之就係咁,佢外表其實好鬼掂架,大大隻隻咁,溝死女啦,可惜其行為與一般小學生冇分別,可以話仲搞笑過D o靚仔,當年因為佢帶比我地唔小笑料,為本人給一班兄弟渡過唔少日夜不停大笑o既日子。

但佢都有一個優點,佢為左達到目的,會不惜一切,唔理其他人o既眼光和評價,可謂一絕~但你地聽過溝女要扮嘔,扮醉未?比佢溝o個條女仲慘呀,要扮唔知又要忍住笑,哈哈哈哈哈哈....

可能係因為佢o既言行舉止太過出位o既關係,以前o係學校引來唔仇家,好多次同其他人嘈同打交都係因佢而起,但做得兄弟,我地o個時個個實幫拖~

但呢位哥仔自從情場失意後元氣大傷,決定隱居,故此同佢失去聯絡多時,最近有消息指佢其實好掛住本Play爺同一班兄弟,不知消息可靠與否........

佢o既行為同思想係同我地最背道而馳,佢係一位神職人員,熱衷於呢個教會工作,而且亦曾多番招攬我地為其門下,更不惜威迫利誘我地去參加一D叫做佈道會o既熱血集會,想向我地重新解解『何謂愛?』,但當然往往都比我地"逃之夭夭"。

可能係因為佢長期受到教會所荼毒,故其思想同外貌都比一般人為之成熟,單看外表和公園一眾下棋高手無異........

呢個識得耐囉,由小學到而家......我諗都差唔多有成十年,同而家都仲keep得住,認真難得~講到溝女就不得不提呢位匡哥仔,佢靚仔就唔在講,再加埋溝女了得o個下好野丫o麻~!可能佢係讀理科o既關係,再加上佢Maths不嬲唔弱,以至到佢"計數"呢方面都幾有心得下,所以佢好識得將佢D時間分配好,同一時間應付幾個人都揮灑自如,後宮佳麗仲可以和平相處..勁呀~~~

但講到佢真正o既強項,就係---"篤波",一Q成六十度,痴Q線架,所以而家o係班朋友係到都冇人贏到佢,不過.......我知道o係不久o既將來,佢會慘敗,仲要係輸得好慘o個件,而將佢技術性擊到o既o個位高手個名係----亞Play,哈哈哈~