都話唔少得你地架啦,朋友仔同兄弟對我黎講一樣都咁重要架,老實講,你地好多時都幫我唔少忙,如果要輪流請食飯,食到我窮都未食完呀,anyway~好真心講句
『多謝你地~!! ^_^』
【亞Wing】
ICQ : 8363788
《簡介》
第一個就緊係要我個家姐啦,佢好好架,人又靚,眼大大,頭髮長長,又溫柔wo,把聲又sweet......(下刪一千字),我有乜事都會同佢講架,不過自從佢老人家大學畢業後就入左外國某大公司做野,成日要什麼business trip,搞到冇乜時間同我講野lu,但每次佢打親IDD比我時都好suprise架,次次聽到佢把聽都真係幾開心架,不知佢幾時先返黎香港呢?講到呢到......掛住佢tim =.="
【Elaine】
ICQ : 76309198
同佢識左幾耐呢....um....係啦,識左兩年幾~呢兩年幾黎佢對我好好架,好關心我,如會我有少少唔開心,佢都會講d令我開心幾野令我心心情好轉,哈哈,諗起佢,我第一樣就記起佢o個把好鬼掂o既聲,真係好鬼正架,簡直聽到個人都sweet D呀,一個字....掂~~~~
【亞B】
ICQ : 20512116
哈哈,同佢係讀T.I.時o既同學仔,同佢好鬼friend架,而且佢又好好人,o個時上電腦堂我地D功課都係"互相幫助",哈哈~不過唔好以為我恰佢呀,我對佢都好好架,對自己d女都冇咁好呀~鬼叫係friend咩,冇計~
【亞臻】
ICQ : 61228243
佢又係我讀T.I.識架,哈哈~唔怕老實講,如果我o個時唔係有女,我都會溝佢,哈哈.尤記得佢上堂幫我按摩真係幾掂架,不過我覺得佢太好人啦,有時唔咞識保護自己,比人揪左水都唔為意,好在~~~後來比我另一位朋友仔溝左,現生活愉快~
【奶奶】
ICQ : 39432520
佢呀?點講好呢,佢智商同真實年齡唔成正比架wo,哈哈哈~~佢好鬼好恰架,成日比我寸,成日話自己係最cute最可愛o個個,所以心竟十年如一日,故估計佢同小學生會係最好o既朋友.之但係咁,各位唔好睇小呢件o靚妹呀,佢拍過廣告架,仲要係o係尖咀大大塊o個隻,唔係講笑~不過佢呢期就做左樣以佢黎講,呢一生一世都做唔返o既偉事~就係做左我好兄弟個女友,但係到而家都好唔慣叫佢做亞嫂..........
【Kathleen】
ICQ : 23733856
呢個係o係九龍塘讀書o個一年識o既,可能o個時大家都係repeater啦,所以同佢係最多野講o既一個,而且又坐佢後面,上堂成日講野而冇聽書,哈哈,仲記得o個時成日拿佢本歌詞notebook唱歌,仲成日問佢拿鏡照下靚仔唔靚仔,比佢話我貪靚,好搞笑~就算到左宜家約出黎食飯,我地都講過不停架~
【Kristy】
ICQ : 1606061
佢係一個四海為家o既人,我諗世界上有留過佢氣味o既國家宜真係十隻手指都數唔哂,而曾經亦因為我而返黎佢唔係咁鐘意o既香港,鬼妹仔性格,冇計~但我真係好多謝佢~佢而家身在英國,要兩年後先見得佢,好好保重啦~快d返黎,妳永遠都係本Play爺o既好好好好好朋友仔.....
【MonMon】
ICQ : 19449952
小弟有親不如意事,唔知點解都會o係icq見到佢,而我次次都會同佢講,但佢次次都只係會同我講同一番說話,所以結論係講左等於冇講,哈哈哈不過咁,佢好high class架,唔鬼聽中文歌架,又充滿音樂細胞,我開始學聽鬼佬扮高級都係叫佢教我架ja~~
【Moon】
ICQ : 58625070
亞Moon姐就認真犀飛利,靚女一名,仲要係part-time model,正呀~!仲記得o個時日日同佢一齊好鬼開心架,都幾多野講下,不過人地而家要返學,忙於被溝,好多個月冇見佢lu,不過佢都好有心,除夕時都記得我呢個賤人~!^^做friend o既就希望佢咪食咁多煙啦,對皮膚唔好架,皮膚唔好我點溝妳呀,哈哈哈~~~Kidding....
【Sammy】
ICQ : 35520378
由中一時識佢,到而家都有八、九年lu,又係靚女一個,哈哈,記得暗戀過佢好多年,仲曾經學人玩失戀剃頭都係因為佢,諗返都幾得意,宜家好勁呀,讀大學,間唔中都會食下飯同掛下佢o既......
【Szesze】
ICQ : 44988734
哈哈,佢憑佢o個把殺死人o既聲線及、樣貌與及魔鬼身材,曾經令無數男士臣服於其腳下,為佢打生打死~哈哈,所以我有時都叫佢做"Sexy Sze~"佢o係呢方面係有一手架~
之不過咁,我o既重點唔係想呢D~ 佢好好人,周不時都幫我唔少,無論係我工作,學問,感情同對人對事方面,佢都教左我好多野,尤其係關於商業同一D電腦知識,好似呢個homepage咁,由點樣開始做一個homepage到完成,佢都教我唔少野架,真係要講多謝佢都有排講呀~
【Yvonne】
ICQ : 41225951
我諗我係咁講多謝同日日請佢食飯都未夠呀,佢曾經帶我踏步中環呢個世界,令我可以o係呢個全香港最繁忙o既地方返工,令我見識到唔少人和事,而佢亦教左我好多工作上及人際關係上好多寶貴o既野,如果唔係佢,我到現在為止,冇可能會接觸到o個個世界.而且帶我見識唔少高級o既野,多謝佢~
而且同佢o係一間公司公作時,好多謝佢比左好多機會我去學野,教我分清邊個係真邊個係假,如果冇左佢o係度,我o個時可能比o個d奸人食左都唔知,而且如果唔係佢,我都學唔到咩叫做"圓滑",無論我日後做乜野都好,都會記住所有佢教過我的東西... ~'.'~
【路人】
ICQ : 41617519
哈哈,呢條茂利我家姐條仔,身處加國,平時成鬼日同佢吹水,哈哈,我家姐曾經叫過我唔好教壞佢,大佬~ 佢唔教都壞架啦,哈哈哈哈~~~~~聽講佢之前o係某公路發生左交通意外,嚴重程度同平時報紙頭條o個D有得fight架~但個人乜事都冇,勁呀~
而傳聞中佢o係籃球呢方面都有一定o既實力,仲話以前o係香港o個隊波好出名,佢返黎香港一定要"抖"下佢,鬥下波先,嘿嘿~~~~
【森美】
佢呢個野,成日因為早出世過我少少,係咁扮老野,哈哈~~係o既特徵係講野非常文雅,文言到唔文言呀~~同我呢D爛口仔完全相反,但唔知係咪化學關係,同佢都好鬼多野講下。順帶一提,佢極度迷戀周杰倫架,如果你地邊個麻甩仔個樣似佢o既話,小心小心,一陣比佢帶左你返屋企軟禁你呀,哈哈哈哈~~
【三少,KoKo,亞Joe,K.S.,大美人,Goodie】
佢地成班係我以前玩EGN(一個chatroom)最好o既friend呀,o個時成班由Net Friend變為Real Friend,成班約出黎玩,好鬼開心架,哈哈~仲記得以前一齊o係chatroom寸其他人,X人,講笑.......好多好多......不過可惜而家各有各忙,己經好耐未出黎玩過lu,K.S.仲學人結埋婚tim,而家只係間中icq下,雖則係咁,但你地由此至終都係亞Play哥D friend黎架,快D成班再約過出黎啦~~~
【Yoko】
ICQ : 73481615
呢個係新朋友仔,但同佢都幾好傾,佢個名都真係改得冇錯,叫"細路女",哈哈就算佢點扮都好,乜野負離子呀,著裙呀,都扮唔到大人,因為佢把聲出賣左佢,哈哈~~
佢電腦好鬼"勁"架,點解?因為佢有一絕招..........就係"個個製都按".....勁到丫....比佢激鬼死 =_="
【亞星,Yaki,昌,小明,樂,維他命,Gary,康年,Simon,東,政,David,文】
有冇miss到呀?呢班係我T.I時o既同學仔呀,o個時一個二個返到學校都唔鬼上堂,走堂去左打波,唱K,打機,哈哈,仲記得我地用手提電話打上班房叫人幫我地點名,好鬼搞笑.日日唔係o係球場就係o係canteen吹水,日日都好鬼開心架,哈哈~o個時打班際比賽,我地好鬼認真咁book場練波架,係咁分析陣式同戰術,可惜到最終輸左,輸三分,可恨.....
如果miss左邊位朋友仔,好見怪wo,小弟個人能力有限,一時間諗唔起,如果發現冇你,話返比我聽丫,等我加返落去,好唔好?
喂~!!唔好記得去GuessBook畫返隻龜呀,唔簽名打鑊你架~
