青濤簡介 
      歡迎你o黎睇我o地o既青濤簡介.其實青濤係一個o係香港仔  

 明愛裡面o既義工小組,我o地上上下下有十三個靚仔靚女,另再加
 一個社工,但係我o地呢十三位成員絕對唔可以叫做成員,點解????
 因為我o地唔止係成員咁簡單,我o地仲係一家人,不過我o地只得一
 個老豆咋,唔知點解冇亞媽o既呢,我o地十三個兄弟姊妹都好想快o
 的見到我o地o既亞媽o架!!!所以,老豆,知點做啦!!!!!!!!!   
      青濤呢個名係由我o地多個兄弟姊妹一齊改o既,而英文名就係

 叫做Dolphin,呢兩個名都有特別意思o架.其實青同埋濤係分開解釋o既.

 青係代表我o地呢一班充滿活力o既青少年擁有無窮無盡o既青春氣息.

 濤呢個字就代表o係大海中翻騰o既浪,只會向前邁進,永遠不會後退.雖

 然浪濤會時大時細,但總不會停留.而我o地就好似呢o的浪濤一樣,奮勇

 向前,不斷為理想進發.Dolphin就係海豚o既英文,而海豚係群體生活

 o既,就好似我o地一樣團結. 我o地青濤已經成立一年幾喇,o係呢段短

 短o既時間堶,我o地做過好多服務.但我o地絕不會因此而滿足,我o地

 將會更加努力,為需要o既人提供幫助.   
 by青濤(Dolphin)